اولا كل عام وانتم بخير
ودائما وابدا بخير
المدونين الاعزاء
اليوم انشأت جروب على الفيس بوك
واسميته(ااحترم عقلك يا بنى ادم)وذلك من اجل مناقشة
بعض الموروثات الخطأ والتى نتمسك بهاونعمل اقصى الجهد من اجلهاحتى ولو كانت خطأ
فمثلا المثل القائل(انا واخويا على ابن عمى وانا وابن عمى على الغريب)مثل عنصرى وخطا فكيف اكون مع اخى ضد ابن عمى اذا اخى على خطأ وابن عمى على صواب
انه التعصب للآخ ومعاداة ابن العم واصرار على الخطأ من جانب اخى
وكل عام وانتم بخير
الاشتراك في:
تعليقات الرسالة (Atom)
هناك 23 تعليقًا:
كل سنه وحضرتك طيب
ويارب يوفق حضرتك في الجروب
ويجازيك عنه خيرا
كل سنة وانت طيب وبألف خير وصحة
طب عملت الجروب مش تنشر اللينك بتاعه ولا هاناقشك ازاي
تحياتي
تحياتى ليكى مودونتك جميله جدااا
...........................
وتعليقا على البوست
انا رائى معاكى انتى ممكن تكونى صح
بس انا بقول ان الامثال دى موروثه
وفيها الصح وفيها الغلط بس قرار حلو انك تتناقشى فى الامثال الغلط
وربنا معاكى
تحياتى
البنوته الشقيه
اه فعلا بجد فكرة حلوة
فى امثال كتير عايزة تشال من قواميس الامثال اصلا
لا وفى امثلة متناقضة
زى مثلا ابعد حبة تزيد محبة
البعيد عن العين بعيد عن القلب
ياريت تحط لينك الجروب على الفيس بوك فى البوست
كل سنة وانت طيب
تحياتى
ايمى
الفكرة ممتازة بس محتاجة مننا مجهود اكبر من كده لترسيخ الافكار الصح في العقول لان الافكار دي عاشت كتير قوي وصعب تغيرها بسهولة
تحياتي
السلام عليكم
زياره أولى لمدونه شعرت فيها باإحترام كبير ....
الموضوع ده فعلا مهم وعايز مجهود كبير مننا كلنا ...لأن في معتقدات ومفاهيم مش منافيه للأخلاق بس إنما كمان منافيه للدين وأحيانا للعقيده ....ومن أمثلة ذلك :
إذا رحت بلد بيعبدوا العجل حش واديله
لو كان ليك عند الكلب حاجه قله يا ....
كتر السلام يقل المعرفه
هدانا الله جميعا إلى ما يحب وترضى
تقبل تحياتي
سلام
والله فكره رائعه وهادفه أرجوأرسال اللينك وربنا يوفقك
كل سنه وأنت طيب
ما شاء الله مدونة رائعة
و متميزة
و فعلا المثل ده غلط
لان احنا لازم نقف مع اللى مش غلطان علشان الغلطان يعرف غلطه
و جزاكم الله خيرا كثيرا
و تحيااااتى
رمضان
كريم
أولاً جزاك الله خيراً على فكرتك
وثانياً أرجو أن تفسح المجال لزوار مدونتك بالمشاركة وإرسال تعليقاتهم على كثير من هذه الأمثال الخاطئة.
سوف يكون هذا ثروة فكرية ننتفع بها جميعاً واسمح لى أن أبدأبقولهم:
"إذا عم الظلم فهو عدل"
فى انتظار السماح
السلام عليكم
كل عام وانتم الى الرحمن اقرب
رمضان كريم
فكرة فعلا جميلة لتصحيح اخطاء في امثال كتيرة
باذن الله اشترك
تحياتي
أولا: جزاك الله خيرا على فكرتك
ثانيا : سنشاركك ببعض الأمثال وتعليقاتنا عليها
اسمح لى أن أبدأ بالمثل الشائع:
"إذا عم الظلم فهو عدل"
وفى انتظار السماح
مبروك الجروب .. متابع ان شاء الله وكل عام وانتم جميعا بكل خير
كلام جميل بس
و فكرة اجمل
بس اللينك
لو سمحت
نسيته ولا ايه !!
تحيه طيبه وكل عام وانت بخير
فكرة المدونه جيده ونحن سعداء بها وبك وسيكون لنا لقاءات ان شاء الله مع افكارك فى برنامجنا الأذاعى وهو اول برنامج اذاعى عن النت والمدونات فى الشرق الأوسط ويذاع يوميا عدا الجمعه صباحا من الأذاعه الرئيسيه لمصر
وكافة التفاصيل فى مدونتنا وموقعنا
والبرنامج متوقف طوال شهر رمضان
المدونه
http://netonradio.blogspot.com
الموقع
http://dear.to/cairo
والدعوه موجهه ايضا لزوار مدونتك
September 14, 2008 8:55 AM
تحيه طيبه وكل عام وانت بخير
فكرة المدونه جيده ونحن سعداء بها وبك وسيكون لنا لقاءات ان شاء الله مع افكارك فى برنامجنا الأذاعى وهو اول برنامج اذاعى عن النت والمدونات فى الشرق الأوسط ويذاع يوميا عدا الجمعه صباحا من الأذاعه الرئيسيه لمصر
وكافة التفاصيل فى مدونتنا وموقعنا
والبرنامج متوقف طوال شهر رمضان
المدونه
http://netonradio.blogspot.com
الموقع
http://dear.to/cairo
والدعوه موجهه ايضا لزوار مدونتك
September 14, 2008 8:55 AM
aشكرا للاصدقاء
وكل عام وانتم بخير
حاولت انسخ اللينك ولم اقدر
مش عارف العيب فى الموقع ولا فى قدراتى
فارجو من يريد التعليق يدخل على الفيس بوك ثم يبحث عن الجروب
وشكرا
السلام عليكم
انا قرات اول مره ازور المدونه وعجبنى الموضوع فعلا فى فى حياتنا حبه امثله تضحك وفى امثله تودى فى داهيه
فعلا لازم نبطل نتناقلها
او الوحش منها على الاقل
كل عام و انت بخيير ..
السلام عليكم
كل سنه وحضرتك طيب
ورمضان كريم
فكرتك جميله جدا
ودايما الى الامام باذن الله
بوست رائع
وفقكم الله و سدد خطاكم
و كل عام و أنتم بخير
أود المشاركة ببعض الأمثال الخاطئة هنا:
المرأة لو طلعت المريخ آخرتها البطيخ
المرأة بلا أولاد كالخيمة بلا أوتاد
الرجال غابوا والنساء سابوا
شاورها ولا تعمل برأيها
المرأة عمارة-يعني تعمر الدار- ولو كانت حمارة
وهناك أمثال مغربية أفضل أن أتركها الى فرصة أخرى
مودتي
السلام عليكم ورحمة الله
أشكرك على المرور الكريم على مدونتي الوليدة، كما أهنئك على الجروب الجديد على الفيس بوك
وفقك الله
وكل عام وأنتم بخير
اولا بسجل اعجابى بمدونتك الجميله وموضوعاتك المتميزه والهادفه.
ثانيا بشكرك على تعليقك الجميل فى مدونتى
ثالثا احب ان اعلق على الموضوع ده وهو التعصب الموجود فى عادتنا وتقاليدنا مينفعش انى اسيب اخويا واروح لابن عمى الا اذا كان ابن عمى معاه حق زى ما قلت ولكن ممكن اتدخل انا واحل الخلاف بينهم ومسيبش الحكايه نكبر لكن لو وقفت مع احدهم على الاخر هربى عداوه مع الطرف الاخر ياريت تتقبل مرورى وبشكرك للمره الثانيه.
على بلاطة كده
أنا مع المثل الصراحة جدا طبعا أخويا معايا على ابن عمي لما يظلمني وابن عمي معايا على الغريب برضه لو ظلمني
المعنى مين أأقرب ليا يعني لو واحد غريب هاجمني حتصل بابن عمي وحيقف معايا لكن لو ابن عمي هاجمني حتصل بأخويا
مش عمال على بطال يعني ليه خته بالمعنى الوحش اني مع أخويا حتى لو ظالم على ابن عمي !!!!
إرسال تعليق