الاثنين، 7 أبريل، 2008

سلم الواسطة(ما اعجبه سلم)

تعالى يا ابنى شوف واتعلم
علشان تاخد فرصتك يلزمك سلم
يوصلك لحلمك وساعتها حقك تتسلم
من غير سلم الواسطة مش هتوصل لنتيجة
مش مهم شهاداتك ولا مهاراتك العديدة
هتلاقى نفسك عاطل وفى ازمة شديدة
لكن سلم المحسوبية هيفتح لك الابواب
مش مهم تكون عجوز ولا شباب
كلمتك هى الصح وهتمشى على كل الرقاب
===============
اصبحت زيك زى الحرامى بالضبط
عايز له سلم علشان فى شقتك ينط
وساعتها يستولى على اموالك ويفط
================
شفت الزمن اللى يخلى الموهوب وصاحب الحق
يتسولوا فرصة كانهم مش احرار ولكنهم رق
من الزمن الغريب ده احط صوابعى فى الشق