الاثنين، 27 ديسمبر، 2010

قول على الدنيا السلام

لما الاكاديمى يتخصص فى الكيد الحريمى والردح وفرش الملاية/
ويجعل من شيطانه قدوة قدامه يوجه له سهامه حبا للمكيدة والغواية/
ويردد علينااكاذيبه ويمارس الاعيبه مدعيا التقوى والنصح والهداية/
ويجعل لسانه لسان طريشة يبخ سمه واحيانا يستخدمه كموس وبرايه/
سهتان وكله بهتان وحماقته حماقة غبيه لما تبتدى ما ليهاش ابدا نهايه/
فهو عار عليه ما تعلمه وباعه بما تسلمه من فلوس النقوط او الجبايه/
والالاضيش والاذناب وباقى الذئاب موفرين له الحمايه قبل الدعايه/
فابشر بقرب اضمحلالك وبوار اعمالك مهما عملوا لك من دعايه/

الأربعاء، 15 ديسمبر، 2010

رثاء لاخى وتعزية

تعازينا, ان الابرار لا يموتون وانما يغيرون محل الاقامة/
فيتركون الدنيا الدنية بما فيها من تعب طلبا للراحة والسلامة/
بعد ما اشتعلت الدنيا كدرا بؤسا وزرعت اراضيها بالندامة/
فقد صوب الشيطان لصدورنا عن طريق اذنابه احقر سهامه/
وصارت الندالة واخواتها من غدر وغل وكيد اهم واكبر علامة/
فيا ايها الراحلون :افتقدناكم مثلما افتقدنا الحب والعشرة والشهامة/
فهل يستجيب كل حى ويحلى بالخير والعمل الصالح باقى ايامه/
ونترك الشطط والعنفوان والشرور وينقع كل منا بالسكر لسانه/

الثلاثاء، 7 ديسمبر، 2010

ايها الكاتب (نداء ورجاء)

ايا الكاتب اينما كنت :كل ما تكتبه او تقوله هو من قبيل الشهاده/
وكاتم الشهادة ...شيطان اخرص وبلاش تغالط ما تعرفه وزيادة/
وشاهد الزور لجهنم هيغور من بعد ما يغورنا فى داهيه كالعادة/
فاحفظ قلمك جيدا ففيه السمو وفيه ايضا اسباب المعارك والابادة/
واعرف لقلمك حقه ولا تحرض وتكون لحنفية الخير اكبر سدادة/
والتسخيين والتهييج وزرع الشقاق وسائل ضد الدين والعبادة /
فخليك كشاف نور لانارة الطريق ففى الانارة رفعة وخير وافادة/
ولا تكون لودر هدم فتهدم كل ما بنيناه فهذه ليست ابدا ريادة/
فهل فهمت ما اعنى ؟؟؟؟ولا اعود واقول للفهم والاستزادة؟؟؟

السبت، 4 ديسمبر، 2010

مبروك لقطر على تنظيم كأس العالم

مبروك لقطر فخر العروبة على فوز اكبر من اى قوس او وتر/
ونجاح للشيخ حمد طويل الامد...فكلما ظهر تلاقى الخير حضر/
فالامير يستحق شعبه وشعب يستحق امير اجتهد فنصره القدر/
قادر على ادارة المسيرة فى الظروف العسيرة والبعد عن الخطر/
فى اجواء مكسوة بالانواء فارتفع وسما وترفع على اى منحدر/
وما تريده الشعوب هو البعد عن الخطوب بنجاح ساحق مقتدر/
فهنيئا لقطر ارضا وسماءا وشعبا بقيادة قررت ان تنتصر/
وما تحقق عن فطنة وحكمة ورؤية سليمة البصرة والبصر/

الخميس، 2 ديسمبر، 2010

ويكيليكس(جوليان اسانج)

جوليان اسانج وليكيليكس॥سلام عليك واليك لتعليمنا الشفافية/
وازاحة الستار وقشرة الوقار عن مجرمين فى وجوه احترافية/
مع شعارات الوطنية بالمهلبية وهم امام الابواق الميكروفونية/
وسرعان ما يظهرون على حقيقتهم الدامية وعداءهم للانسانية/
والجلادون ان حاكموك كشفوا عن وجهم القبيح وحبهم للهمجية/
والخزى والعار لكل حفار يريد دفن الحقيقة الواضحة المتجلية/
واستمر يا ويكيكيس فى فضحهم وليذهبوا للزبالة الارضية/
ويشربوا عصير ما ارتكبوه من حماقات وجرايم جهنمية....

الخميس، 25 نوفمبر، 2010

حرية التبعير

يكدب او يغالط من يقول معندناش اى حرية للتعبير/
بس كعادتنا عدلناها وخليناها رمى بلا وحرية للتبعير/
فيبعر كالبعير ويلقى بمخلفاته طالما اختلف مع الغير/
وهى نفس الحروف والاختلاف فى الظروف والسير/
والمختلف مع المبعراتى لا يستحق الا الرمى فى البير/
ودى فلسفة تخلينا نقول مين اللى يقدر يناطح اى زير/
وياما طفوا شموع منورة وياما اراضى خلوها بور/
ويا ما قيم ومبادىء قضوا عليها وعملوا لها تحوير/

الجمعة، 19 نوفمبر، 2010

التخلف ومخلفاته

التخلف يخلف لنا مخلوقات فى قمة الرزالة وبطبعهم يعادون العدالة/
ولكنهم يلوكونها ليل نهار ولا يعيشوها فى الواقع وهى مجرد قوالة/
وظلمهم للبشر مسألة مبدأ ولا تقبل نقاش وفاكرينها فكاكة و رجالة/
وهذا السلوك يليق باهله كما تليق النظافة بأهلها زيها زى الزبــــالة/
وكم من ممالك تفتت بفعل الظلم والحماقة والعداوة وكل فنون الرزالة/
ودول تجمعت واتحدت فقويت بفعل العدل والعدالة الحكيمة المستدامة/
وتبقى الحماقة لاهلها مع الرزالة ذخرا كما تولد لهم من العدم الندامة/
واسندوا الامر للسفهاء لمخاطبة اسوأ ما فى عقولهم حبا للزعامة...

الأحد، 14 نوفمبر، 2010

انتخابات....ام انتكابات

العالم الحر ابتكر الانتخابات لاختيار افضل ما يمكن وما سوف يكون/
وحولناها كعادتنا لانتكابات وفعلنا كل هوغير ممكن و غيـــر مسكون/
فزورنا وقضحنا و روجنا لفضايح مش موجودة وقضينا على السكون/
وسبحنا فى الدماء حتى صارت وباء وفرقنا جمع ما كان بنا منتكبون/
وصارت الاشاعات السلاح الغدار والسيف البتار والخداع المكنون/
ومن لم نفقده حياته افقدناه سمعته وحياءه لاجل كرسى غير مضمنون/
وبدل سن القوانين نسن السكاكين للتخلص ممن اعتقدناهم لنا خصوم/
وعاش ويعيش الفاسدين فى جناتهم المصنوعة وللفقرا الفقروالصوم/

الثلاثاء، 9 نوفمبر، 2010

الانتخابات

دماء تسيل ودمّى تلعب لعبة ديمقراطية الله اعلم بمفبركيها/
والمقدمة شكلها صحيح والنهاية شح وسبحان اللى مرسيها/
والدنيا كصندوق والكراسى كقزايز عايزة واحد مهم يعبيها/
وبعض القزايز مشروخة وبالمر يعــبوها ومين اللى يداويها/
ويتسع الشرخ ويتحجر المر ويا فقر اللى يجر عربية بلاويها/
ولو كان حديد فى توب جديد اضعف من الجليد اللى هيغطيها/
والكعكة بتاعتهم دايما تتقسم تحت شعارهم يا (فيها يا اخفيها)/
والكل بيلعب الدور وكأنه بدر البدور فى ليلة معروف اللى فيها/

الجمعة، 5 نوفمبر، 2010

اولادنا

اولادنا افرازطبيعى لينا الا فى اقل القليل/
زيهم زى الحكومة والمنتخب وشط النيل/
خيرنا فيهم وشرنا ليهم وعندى الف دليل /
وعمره التعبان ما يخلف حمام وديع وجميل/
فاذا اردناجيل صالح نصلح انفسنا ولا بديل/
والاصلاح هيتولد من خلالنا جيلا بعدجيل/
والا سيستمر حالنا على طول بلا تعديل/
والقاء اللوم على الاخرين عادة العويل....

الجمعة، 29 أكتوبر، 2010

صلاح الاحوال

مفيش ا صلاح لاحوالنا وتعديل مسارنا الاباعادة زراعة الضمير/
بس الزراعة احنا ما ليناش فيها بعد ما صار كل واحد مننا كبـــير/
ولقب فلاح كمان غير مرغوب فيه الا فى الانتخابات لاجل المصير/
مع انها مهنه سامية تقدم الحياة للبطون الجعانة المهانة وكمان للطير/
والاتراك ربنا يسامحهم لزقوا لقب خرسيس للفلاح للاهانه والتحقير/
وعاش اللقب بينا وزرع فى ضميرنا اللى ما عادش لافاهم ولامستنير/
ومع ضياع الاستنارة ضاعت قيم كتيرة تشوفها فى وحاشة التعبير /
ووحشية التعامل ووصف الناقص بالكامل وسيادة عبقرية الحمير.....

الخميس، 21 أكتوبر، 2010

حكيم وزعيم أسبرطة الحديثة غدروا بــــيه يا رجاله/
فهيا نولعها حريقة ونسن اسناننا ونبعت اقوى رساله/
كله الا الزعيم وسيبك من الغلا والبلا وحـتى الزبالة/
فنموت احنا ويعيش الزعيم وكفايانا القميص ابو حمالة/
وده التجديد ولا نبطل ترديد الا الزعيم ابو احلى قوالة/
وهذا هو الرجل الضرورة ابو شعارات تسكر للثمالة/
والتغيير يجرى على كل الناس الاهو مش محب للازالة/
وكل العظماء لا يطبقون ما ينادون به واسألوا الخالة...

الجمعة، 15 أكتوبر، 2010

حرب اكتوبر ملحكة سوبر

حرب اكتوبر ملحمة سـوبرفى سلسلة الملاحم الوطنية المصرية/
فمن قديم الزمن المصرى مؤتمن على مشاعرة وواجباته الوطنية/
وتطهير بلاده بايد ولاده مثل يحتذى فى اركان الكرة الارضية/
ولا يهاب الموانع لانه بعزمه صانع للامجاد الغير مسبوقةالقوية/
لابارليف ولا خطه ولا مانع مائى النابالم فى شطه ولا سواتر ترابيه/
تهز عزيمته لان هزيمة عدوه وليمته ودى من الازل قضية منتهية/
وصدر القرار وتم الابرار فى النص التانى من النهار بعد الثانية/
وبنيت الكبارى وكأنهم فى نزهة بالبرارى ومهمة صيد غزلانية/
فعبرت سينا لجنودنا من شوقها لاولادنا وهى فرحانة منتشــــــية/
وبنى صهيون شربوا الهزيمة وده كان لنا العربون واحلى ترضية/
وكانت نهاية لعجرفة ديان وشارون عمل وزي رللزراعةوالمهلبية/

الخميس، 14 أكتوبر، 2010

التعامل مع رب الاسرة ورب العمل

زيادة فى الادب والاحترام بنسمى الآب طــــــول عمرنا رب الاسرة/
والمالك تأدبا بنسميه رب العمل فأين نحن من هذا الرقى وهذه النصرة/
وليه تدهورت قيم التعامل مع الاباء وارباب العمل وحصلت هذه الكسرة/
فتلاقى مؤدب ادبه ناقص ملح فيتطاول ويوقعنا فى مأزق وحفرة وعثرة/
بالتعالى على رب العمل حتى لو كان صاحب جمل وهؤلاء صاروا كثرة/
فهل نتسامح معاهم باعتبارهم صانعى العاب ومحبى للكومى او البصرة/
ولا نسيبهم لهياجهم وياكلو بعضيهم فنارهم والعة اكتر من الشطة والحسرة/
وان تركناهم فهم سلك شايك يمسكوا فى هدوم البشر بلا سبب ولا جرة/

الثلاثاء، 12 أكتوبر، 2010

ليه نمشى ورا الطاقق

ليه صرنا ناس مسكونين بالغل والغيظ ونمشى ورا الطاقق زفر اللســـان/
اللى عمره ما هيرجع حق ولا يحل مشكلة بل يزيدها بافعاله تهييج واحتقان/
فصار الاعلى صوتا يكسب بقدرته على الهمجية والتوحش كوحشية الحيوان/
لا يا انت وهو , اين الحكمة والعقل والمروة والاخلاقيات الفاضلة للانسان /
ولامتى السموم تطفح علينا وصارت هى المتحكمة والمسيطرة لهذا الزمان /
فعودوا وارجعوا الى ضمايركم وان كانت ماتت صحوها والله قادر ومستعان/
وخلطة الغل والغيظ ضررها كبير على اصحاب التوكيل مهما كانوا تخان/
وتخانة العقل وبلادته مصيبة فى الاوقات العصيبة وده معروف من زمان

الجمعة، 8 أكتوبر، 2010

الخسيس وضرباته

الخسيس مهما يضرب فضرباته هتزيد المضروب مناعة وقوة/
ولو عمل بعض الكدمات فى غيره اما هو فمضروب فى الترقوة/
وحقده هيتعب كل البشر اما هو فناره هتاكله فى الحشا من جوه/
فهو زى الفرن النار والعة فيه والسنه الدخــــان طالعة من الكوة/
وما ليهووش الا فى الحرايق والدخان وفاقد لاى حنية اومـــروة/
وخساسته قبد مقيداه ورابطاه فى مربط الدونية زيه زى السلعوة/
فيهرب من الخير هروب الحنش وهو زاحف على يطنه ويتلوى/
ودايما قلقان على خسته من غير ما يهدى او حتى يتروى.....

الأربعاء، 15 سبتمبر، 2010

طبيب ارياف(المنشطات علىمين) الحلقة الثامنة

وفى اثناء احد المؤتمرات الطبية يتقابل الدكتور عبد الحميد بزميلته وحبه الاول الدكتورة صفاء ابنة الدكتور الكبير فى الكلية وصاحب المستشفى الاستثمارى الكبير ودلوعة الدفعة ...والتى ارتبطت بالدكتور عصام
عبد الحميد:اهلا يا دكتوره صفاء وازى الدكتور عصام
صفاء: اهلا يا دكتور عبد الحميد وعصام طلقنى بعد سفره بدون كلام
عبد الحميد:تظهر الفرحة على وجهه برغم محاولة تصنع الضيق
واللهى ما بناخدش من الاحبة الا الغدر السهام
صفاء فى دلال وانت يا عبده اخبار الحب والغرام
عبد الحميد :تزوجت من اخصائية اجتماعية وباقنع نفسى بالحب والسعادة
صفاء: يعنى تزوجت من خارج النقابة
عبد الحميد :تقدرى تعتبريها من العمل اصابة
صفاء :تعرض عليه العمل فى المستشفى الاستثمارى براتب خيالى
وتقول له انا محتاجه مدير ادارى للمتابعة والرقابة
عبد الحميد بدون تفكير موافق لانى تعبت من الارياف والمواصلات والرتابة
صفاء :مكانك فى انتظارك ونعيد ايام الزمالة والصحابة
يعود عبد الحميد فرحا بشوشا ويزف الخبر لنسمات ولكن على طريقته ...ويقول معروض العمل عليه براتب كبير لتميزه وتفرح نسمات
وتقول:مبروك العمل الجديد والترقية يا حبيبيى
دا فى منتهى السعادة وكأن الفرح فى جيبى
وحبيب قلبى اترقى وده من سعدى ونصيبى
وهنبقى فى العلالى والمستشفى الاستشمارى يا طبيبى
ويرد الدكتر عبد الحميد : شكرا
نسمات :الشكر لربنا
يستقيل الدكتور عبد الحميد برغم نصيحة نسمات باخد اجازة بدون مرتب ولا يعبأ بكلامها ويذهب للقاهرة ويتسلم عمله وتخصص له د.صفاءعربة بسواق ليتفرغ لعمله بالمستشفى ويفقد عبد الحميد توازنه النفسى ويتخذ قرارا خطيرا بينه وبين نفسه
وبعد يومين يفتعل خناقة مع نسمات بحجة الكرافت غير مناسبة للبدلة ....بحجة انه لم يعد طبيب ارياف وانه رجل مسئول وحسن مظهره مطلوب
نسمات:انت كبير فى قلبى وعقلى يا حبوب
يتخذ عبد الحميد قراره ويحزم امره بطلاق نسمات ولكن بطريقة مودرن حسب تفكيره ويطلب منها عمل حفل صغير كالعادة ويطفا الانوار ويرقص معها رقصة الوداع.....
نسمات:قولى يا حبيبى انت سعيد معايا ولا عامل نفسك متخانق
عبد الحميد:انا عرفتك يا نسمات وانا فقير والفقر فى ذهنى عالق
نسمات : وفيها ايه وهل عملك الجديد هيكسر حبنا او يعمل فيه فارق
عبد الحميد:متهيا لى الانسب لى وليكى بالحسنى نفارق
فايامى كانت كلها فقر وتعب وليل حالك
ولا املك الا ان اقول لك انت طالق
نسمات فى حالة زهول وصدمة ابدا يا عبد الحميد دا كان مالى مالك
عبد الحميد : هى خلصت وهاتجوز زميلتى ولا ده ما جاش فى بالك
نسمات : وحبنا وابننا وكلامنا الحلو....كل ده هالك
عبد الحميد :من غير وداع انسينى واعتبرينى كابوس وجالك
ويغادر الدكتور عبد الحميد الشقة وسط ذهول وصدمة نسمات
وتقول:فرحت بالعربية والمنصب والترقية
واتاريه الهم جانا باسرع من البرقية
وخسرت حياتى وحبى خسارة حقيقية
وزوجى طلع قشرة ونفسه مش صافية
ويبكى ابنها نور وكانه احس بغدر ابيه وتشيله نسمات وتقول
ابوك يا ضنايا باعنى وباعك
وهاحطك فى قلبى وقلبى هيساعك
وتقوم لتنوم ابنها نور وتنام معه وتقوم مفزوعة من النوم وتصبر نفسها بهذه الكلمات
يا للى بتأمن لبنى ادم وتلاقيه تطوع ولاحلامك قد هدم
وما تاخدش غير الاسية والتصرفات الغبية ونحس القدم
وتتمنى انك عمرك ما شوفته او كنت فى حالة عدم
وده الشعور الطبيعى لا حد انخدع او اتهان واتصدم
من التصرفات الزبالة والحثالة وللفلوس عاملين خدم
يصل للمستشفى ويزف الخبر لصفاء وهو فى منتهى السعادة وتصدم صفاء لسرعة طلاقة لزوجته وتفريطة فى ابنة وتتخيل صفاء نفسها فى هذا الموقف الانتهازى وتفتكر قصتها الاولى وتبدأ فى التقل على عبد الحميد وتنتهز فرصة عمل عملية تحوم حولها شبهات كثيرة ولا ذنب لعبد الحميد فيها وتستغنى عن خدماته ويجد نفسه بلا عمل ولا بيت ولا زوجة ويحاول الرجوع لعمله وسحب الاستقالة ولكن فات الميعاد ويحاول الرجوع نسمات وترقض بشدة واصرار ويقول انا اللى جبته لنفسى
ويرجع لكفر سنبك ويقتح عيادة صغيرة بها....ويدندن مع نفسه
الارياف بأهلها جنة ومن يتركها يتجرع السم الزعاف
ويا بخت من عاش فيها ولا راى غل مغلول ولا شاف
وما احلى العيشة فيها رغم بساطتها ولو كانت عيش حاف
نفوس لم تلوث بعد بالخبث ولا عوادم السيارات ولا الاسعاف
والخير باق فيها لانهم منتجون ولهم تقاليد جميلة واعراف
ووسطهم اشعر بالامان وعمرى من الغدر ما اخشى او اخاف
وحملهم بسيط ومطالبهم ابسط وطيبين القلب .........وخفاف
وقلوبهم صاقية وفكرهم برىء بالاضافة انه جميل وشفاف



عبد الحميد: خلاص كبرنا على الكلام ده

الثلاثاء، 14 سبتمبر، 2010

طبيب ارياف(المنشطات على مين )الحلقة السابعة

وبعد سبعة ايام استعد الاسرة لعمل السبوع ودعوا الاهل والاقاب لحضور السابع وغنت نسمات لابنها وهى فرحة وسعيدة
نسمات: سبعة ايام مرت بكل سعادة فى حياة المولود
وقد ايه يا عمرى بالفرح والسعادة موعـــود
ومين اسعد مننا طالما ابننا بالصحة موجود
ويا فرح لف على الدنيا فرد فرد ولينا عود
وجود على الدنيا كلها كما علينا دايما بتجود
ومهما فرحنا يبقى فرحنا غير كافى و محدود
ومستمر فى بساطة الحياة وجمال وريحة الورود
والفرح هاحمله تخ واعزف عليه لحن الخلود
ويتم توزيع الحلوى وتضاء الشموع ويتلقوا التهنئة والهدايا
وفى اليوم التالى تدخل نسما على عبد الحميد وتجده يقرأ فى جريدة الدسور العدد१३२ صفحة عريس وعروسة
وتقول له نسما ت :ايه حنيت تبقى عريس والاعبك ملاكمة
عبد الحميد:ده مقال جميل فيه فكرة حاكمة
نسمات :ايه الفكرة وهل هى عن خبرة متراكمة
عبده:الكاتب بيقول عن خبرة25عام ودى منه مساهمة
نسمات:شوقتنا وان كلى اذان مستمعة
عبده:خلق مناسبات والاحفال بها بطريقة غير مكلفة
زى الاحتفال بغسيل الشقة ونهاية الاسبوع ....الخ
ودى فكرة ملهمة
نسمات تعالى نجرب ونحتفل بنهاية الاسبوع ونهاية كل شهر او سنة
وقامت باعداد كيكة بسيطة وانار شمعة وبدا الاحتفال وغنى عبد الحميد
الخميس ولياليهنهاية لاسبوع وبداية للراحة والسعادة
ننسى فيه همومنا ونغسل فيه متاعبنا بالحب مع السعادة
ونروق بالنا وننسى الالامنا ونقيم مهرجان البهجة بزيادة
وده يوم مش اى يوم غرقان فى عطوره فواح كالاهل والعادة
وكله عصاير وشربات ودلع وما فيهوش ابدا قهوة سادة
مسكون بالهدوء والوشوشة ويخلو من النبرة الحادة
فيارب ديمها فرحة وسعادة واجعلها سهرة تتميز بالاجادة
لنسرخى ونستريح وتهدى كل العضلاتا لمتوترة كالعادة
وتمر الايام ولاسرة فرحة سعيدة حتى يأتى عيد ميلاد نور
ويم عمل عيد ميلاد لنور وسط فرحة الاهل والاصدقاء
وغنى نسمات:عيد ميلادك يا نور عينى زرع الفرحة جوايا
وجمع الحبايب للاحتفال والبهجة معــــــايا
والشكر لربنا اللى عطانى وسمع ندايا
وخلى عشنا البسيط ولا اكبر سرايا
ويرد عبده:عيد ميلادك يا نور اضاء فى قلبى الانوار
واشعرنى بوجودى ورد لحياتى الاعتبار
فأنت هدية السما وسكون الابن البار
ووجودك فى حياتنا وجود طيب وسار

الاثنين، 13 سبتمبر، 2010

طبيب ارياف (المنشطات على مين) الحلقة السادسة

وتنتهى السهرة ويعود عبد الحمبد ونسمات لشقتهما ويجلسا على الفوتية بالشقةوتقول نسمات لعبد الحميدفى دلال
عينيك يا حبيبى بالنسية لى احلى شط
اجلس واستريح واعوم فيهم زى البط
وقلبى يرفرف ويحط عليهم حــــــــــــــط
عبد الحميد:عينيكى يا حبيبتى اجمل استراحة
امامهم باسترخى واشعر بالراحة
وقلبك لقلبى اجمل واهدا واحــــــة
نسمات:عينيك يا حبيبى اجمل عينين
بادوب وياكى ومعرفش انا مين من الاتنين
انت انا ولا انا انت ولا حتى انا فيــــــــــــن
عبد الحميد:عينيك با حبيبتى بتخلينى فى عالم تانى
بتسحرنى وتخلينى مستريحوعمرى ما اعانى
وقلبى لقلبك هاوى للابد ومن تانى
يقوموا يدخلو اوضة النوم للسهر والحب والنوم
وفى اليوم التانى تذهب نسمات للنادى وتقبلها صديقاتها ويبدا الضحك والتهريج
دنيا::::عامله ايه فى الزواج يا نسمات وكلمينى عن زوجك
نسمات:زوجى زى اللوحة الفنية الحقيقية
قيمته بتزيد بمرور الوقت ودى قضية منتهيه
دنيا : انا مش هاحسدك وهامسك الخشب بايديا
وايه حالة الحب والصبابة والعشق يا صبيبة
ده مش جواز دى حالة عشق غرامية
واتمنى تدوم بدوام العمر والصحبة الصحية
بعد فترة تشعر نسمات باعراض الحمل ويصتحبها الى دكتور امراض نسا للاطمئنان
وبعد الكشف يخرج الدكتور فرحا مبشرا زميله وصديقه الدكتور عبد الحميد
فرحنا لك يا صديقى العزيز انت والمدام
ومراتك حامل والحمل عمره شهور وايام
وان شالله يجى لك ولى العهد الهمام
اللى يفرحكم ويخلى حياتكم كلها فرح وانسجام
وتواصلوا مسيرة الحب والحياة والاحترام
دا الولاد هدية السما للبشر والانام
ويعودا للبيت وهما فى قمة السعادة والفرح
نسمات: الحمل يا حبيبى اسعدنا
وخلانا لشهر العسل عدنا
وهو عود حميد فالسعادة بايدنا
وهنتمسك بيها ونعملها عقد بجيدنا
وطالما احنا طالبين السعادة السعادة تريدنا
وتمر الايام حلوة سعيدة سريعة وياتى موعد الولادة وتلد نسما طفلا جميلا
ويغنى عبد الحميد فرحا سعيدا
البيبى جانا بالفرحة والامل
وبيه الدنيا فرحت وفرحنا اكتمل
وفى لفته قط مقطقط بهيبة جمل
ومهما اتدلع وبكى بالحب والرضا نحتمل
لان حبه فى قلوبنا تملك واعتمل
وتزعرد ام نسمات من الفرحة والبهجة
وتقول:مبروك يا اولاد باول فرحتكم
بيبى جميل هينوركم ويسعدكم
واول شمعة تضىء حياتكم وبيتكم
ويوم ميلاده عيدنا وعيدكم
ومن حقه يدلع فهو سيدنا وسيدكم

طبيب ارياف (المنشطات على مين

الأحد، 12 سبتمبر، 2010

الحلقة الخامسة من طبيب ارياف ( المنشطا ت على مين)

العريس : مالك يا عروسة بتكــــلمى نفسك
سمعينى دا انا محتاج اسمع حسك
واشوف كمان ملامح وشــــــــــــــك
العروسة: ابعد عنى الساعادى يا ابن الناس
لاحسن الشيطان لعب بدماغى وركبنى الوسواس
وممكن اعمل لك فضيحة وادق لك الاجــــــــراس
العريس :انا كن باضحك معاكى يا صاحبة المزاج والاحساس
والهزار مطلوب ومرغوب لكل الناس
العروسة : عكننت عليا واشعرتنى بالقلق
وحسستنى ان شهر العسل انتهى و اندلق
العريس : كلام ايه ده دا العسل كتير وبزيادة
وهاسعدك كتير والى حياتك كلها سعادة
دا احنا الروشنة وياما حققنا الريادة
ويعود الدكتور عبد الحميد لعمله فى الوحدة الصحية بكفر سنبك ويهنئه الباشتمرجى قائلا
مبروك يا دكتره الزواج وبالبنين والرفاء
وطبعا رفع راسنا للسماء
وايه رأيك فى الزواج ،سعادة ام عناء
الدكتور عبدالحميد:
الزواج شركة تقدم الاشباع والارتواء
والراحة والسكينة والحب والاحتواء
بما يقدمه الشريكان من تضحية وهم سعداء
من غير تشاحن حتى لا يصبح تعاسة وكلام فاضى وهراء
ولا يتحول الى مشاجرا ومعارك او حى عداء
وعقبالكم يا حبايب وتدخلوا القفص على السواء
وعود نسمات لمدرستها ويتجمع الزملاء للتهنئة
نشوى:مبروك يا نسما ت وعامل ايه معاكى عريسك الحبوب
نسمـــــا ت: حبيبى حلو وطيوب
جميل وعسل وحبوب
وهو مهضوم ومرغوب
امانى:شوقيتنا على فكلامك احلى من الاغانى
نسمات:: ومين زى حبيبى يا امانى
دا حبيبى عقل وقلب تانى
حضن فكرى زى ما حضن وجدانى
ومن يوم ما عرفته ا حتوانى
ومش ممكن فى يوم ينسانى
منى::: ازاى حبييته كل هذا الحب دا كلامك كله انغام
نسمات:::حبيبى حبيته بمجرد الدردشة والكلام
فملك مشاعرى بالضحك والابتسام
وعرف معاه الراحة والهدوء والانسجام
ومعيشنى حياة الحب والسعادة والوئام
وده اجمل حالات العشق والود باحترام
ويعود العروسان لشقتهما فى نهاية اليوم
نسمات : حما لله على السلامة
عبد الحميد:وحشتينى يا احلى حمامة
ويناول العروسان الغداء وتقول نسمات
نسما ت: انت يا حبيبى الدرع الواقى
وحبك سكن فى قلبى واعماقى
وادخلت الفرحة فى اعيون والماقى
وبانهل من حبك الحنان والاشراق
العريس:حبكى يا حبيبى اعلان حرب
على التعاسة والشقاء والكرب
فانت فى الحب رفيقة الدرب
ويارب احفظها لى يا رب
وتتصل امنسمات وتدعوها هى وعبد الحميد لحضور حفل عيد زواجهم
ويذهب الدكتور عبد الحميد ونسمات للاحتفال بعيد زواج الاب والام
وبعد تقديم هدية رمزية يقوم ابو نسما ت ويقول تعلموا منى الفرح وداموا على الاحفال بعيد زواجكم عندما يجىء كل عام
ويغنى فرحا مسرورا
عيد زواجنا يا احبابى ملك الاعياد
عشنا فيه الحب حبه حبه وحبيا الولاد
اللى هيكملوا المسيرة ويصنعوا الامجاد
ونشوف نفسنا فيهم فهم هدية رب العباد
وعيد سعيد يا حب عيد سعيد يا اولاد
ونسعد فيه انفسنا واسرنا والبلاد
وده طريق هنمشيه بدون ارتداد
طريق الحب والير طريق الحب والاسعاد
فحافظنا معانا على العطاء والرضا والوداد
وتغنى ام نسما ت لزوجها وتقول
زوجى يا زوجى يا رفيق دربى يا املى وفرحى
يا نصيبى وقدرى واحلامى فى نومى وقلبى فى صدرى
زوجى يا زوجى،يا تعب لراحتى ويا لبيت مطالبى
زوجى يا زوجى ان ابوى وعمى وكل عيلى واهلى
يا غنوى فى كلامى ومتعتى حتى فى صمى زوجى يا زوجى
جميلك طول عمرى فوق راسى ونور طريق ونبراسى
زوج يا زوجى فى وجودك عمرى ما كن اقاسى
ثم تلف وتنظر لحما تها ست نسما ت
حماتى يا حماتى يا ام شريك حماتى
واللى تحقق بيه اجمل الامنياتى
بيكى اكتسبت كل خبراتى
وقدمتى كل المساعداى
وحبيبة اولادى وبناتىفى الماضى والاتى
وهتكونى قدوتى فى التعامل مع ازواج بناتى
ولا يوجد بين الحموا ت لك مثيل فى حبك وحنانك الاصيل
حماتـــــــــــــى يا حماتـــــــــــــــــــــــــــــــــــــــــــــى



الخميس، 9 سبتمبر، 2010

تكملة قصة طبيب ارياف(المنشطات على مين) الحلقة الرابعة

يعود الروسان من شهر العسل والذى قضاياة فى مدين الاسكندرية وبمجرد دولها الشقة تتجمع الاسرة ويستقبلاهما بالزغاريد والفرحة العارمة وتغنى نسمات هذه الكلمات وهى فرحة بعودتها لبيتها
بيتنا يا حبيبى ،ما احلاك من جنة فى صورة بيت
يا عشنا الجميل ودار الهنا مهما رحت او جيت
الاقى فيك نفسى وحلمى وبالحب ارتويت
فهو ملانى بالامانى ما احتوانى احتويت
فيك عشت وفرحت وبالهنا كلة اتهنيــــت
بيتنا يا بيتنا يا احلاك من جنة فى صورة بيت
ويرد الدكتور عبد الحميد
كل ما ارجع لبيتنا اشم فيه ريحة حبنا
عشننا فيه الفرح والسهادة والهنــــــــا
ولونا فيه حبنا وفرحنا بالوان المنــــى
وكلامنا احلى كلام وهمسنا احلى من الغنا
ويفضل محطة وصولنا لحبنا سنه بعد سنة
وفى اليوم التالى تأتى حبيبة ات نسمات وتوجه لهم دعوة بحضور ندوة شعرية فى نادى المهابيش للشعراء الدراويش وهو اسم ساخر اختاروه بعد اخد ورد وفى هذه الندوة طلب رئيس النادى يكون ما يقال من شعر بطعم الايام وتجربة حقيقية ساخرة وملفتة للنظر ولحب الدكتور عبد الحميد للشعر وزوجته نسمات لبوا الدعوة وابديا سعادتهم بهذة الدعوة
=====
وصل الشعراء وكل من ارسلت له دعوة وبدأ رئيس النادى مرحبا بالجمع الحضور واتار الشاعر الملقب /ناجح الشاعر بالالامه
معرفا نفسه قائلا........
اسمونى ناجح لكن عمرى ما كنت
فحظى مع البشر ضايع مع انى صنت
واكرمت الجميع وعليهم بلا سبب هنت
فنصيبى عدم ولا حصلت حتى نصيب بنت
ومع انى ماشى معاهم عدل وعمرى ما شنت
فليه يا زمن دايما معاكسنى وعمرك ما زنت
من ثدى العداوة شربت امر من المر
ومن الحقد والعداوة شاعر انى مش حر
ومحدش سايبنى فى حالى وباعانى من الضر
وهتاخد ايه من الحاقد وابلمؤذى والعر
حفر انفاق المقالب والظلم والشر
لكن ربك مش هيسيبنى طول العمر
فى النهاية بيضع حد للهجوم والكر والفر
بين ابناء الشياطين وكا انسان بــــــر
وهترجع نسمة العصارى بعد القيظ والحر
ثم صفق الحضور وطلب رئيس النادى من الشاعر الملقب /حماده حماته حياته
وقال ....................
حماتى فى حياتى كانت كمثل مقذوف نارى
اطلق واستق فى تجويف دماغى العارى
مسببا اللالام التى لا تطاق لراسى واجفانى
فهى كانت كمصنع نكد وقلق ودايما معزبانـى
ولما ماتت تخيلت انى ساتخلص مما اعانى
ولكن زاد الالم فخروجها مثل خروج الرصاصة من تانى
رويدا رويدا بدأت اتخلص من عزابى واحزانى
فالى الجحيم عقابا له يا عنوان كل ما هو غير انسانى
وسيكون فيها مستقرك وتجدى فيها النار المتقد الحامى
واخذت القاعة تضج بالتصفيق والتهليل وكانها مست جرح عند الحضور
ثم نادى رئيس النادى على الشاعر الملقب بـ /صديق صديق صديقه
وقال كما لم يقل غيره......
كان لى صديق طيب المظهر والكل به يلوذ
فجأة ظهر سوء مخبره واصبح انسان منبوذ
لنقصه طيب المشاعروالصدق وامثاله لا يحوز
فاصبح بعد الدفء باردا مثله مثل الاراجوز
ربنا يكفيكم ويكفينا شر الوحدة وشر العوز
رغم الرحمة على امثاله لا تجدى ولا تجوز
فاصبح يرفس فى الحياة لا اقول بحافر ولكن بالجوز
واكل حصرم عمله بعد ما اكل الشهد والجوز واللوز
وضجت القاعة بالضحك ونادى رئيس الناى على الشاعر ة الملقبة بحبيبة حبيبة حبيبها
عقلت يا حبيبى وصار حبك منتهى الصلاحية
والعيشة معاك كالوجود الاجبارى بالاصلاحية
واللاص منك عايز قلب ميت او عملية جراحية
وياريت تفضها سيرة وتاخد لك لجهنم اى معدية
وتتجوز لك عنزة مثلك ولا كركوبة من اللى هيه
وانت زى ما انت ما لكش فى الطـــــــيب نصيب
بعد ما اتخذتك خليل وشريك عــــمر وحبيب
الاقيك ملاوع وغادر وصاحب طبع غريـــــــب
ويصفق الجميع ويتقدم الشاعر // رائد النقيب
ويقول كما لم يقل احدقبله
هل جربت يوما ان تكون جنديا فى جيوش البطاله
وتكون ضابطا لنفسك وامالك بدرجة عاطل وعالة
و اخر الشهرتصرف شيك اليأس بدل الراتب او الحوالة
وتفقد قيمتك ودورك المنتظر فى الدنيا ........لا محالة
ولا تملك لنفسك نفعا او ضرا .......غير الرغى والقوالة
وتكون حياتك جحيما مقيما وعلى اى بشر صعب الاحتمالة
وتخطط لمستقبلك بالاوهام والكوابيس والتهريج والارتجاله
فيا ايها المسئول عنى لا تتركنى فى الشارع مثل الزبالة
وكفاية وجودك .....مع زبالتك وغلاستك وحتى الرزالة
ويتقدم الشاعر الاخير فى هذه الندوة الجميلة مع الشاعر صادق ابو اليمين الفالح
ويلقى بدرره على مسامعنا ......
الــــــــــــــى متى ندعى الصدق ونحن بلا شك الكاذبين
نمشى طول عمرنا شمال وندعى المشى على اليمين
ونتظاهر بالاستقامة ونحن اول المنحرفين المخادعين
نلوم الاخرين بلا سبب ونتضايق من الايمين الحقيقيين
نصادق الهلاسة وندعى اننا اخر الناس المحترميين
نعاشر الغتاتة و الغلاسة فاكرين اننا السلسيين
مشاعرنا متبلدة زيها زى البلاستيك والميلامين
فاكرين اننا الاوائل واحنا اخر التخلف والمتخلفين
ندعى النجاح بغير حق واحنا بلا منازع فاشلين
نتعاطى الكراهية والحقد وفاكرينه فيتا مين
وختام الندوة مسك مع رئيس النادى الجهبز الكبير الذى لا يقال بعده كلام فهو الحكيم الفاهم الفهامة
الاستاذ /حالم ابو دراع الاعوج
------------------
كم انت جميلة يا بلدى بعكس بعض النفوس؟؟؟؟
اللى باعت نفسها للشيطا ن والحقد والفلوس
وتناست مبادئنا الجميلة واوامر ربنا القدوس
وتجاهلت كل القيم وعليها بلا سبب تدوس
فزرعوا القبح والحماقة وعملوه تاج للعروس
واحتضنوا الجهل والاوبئة والمرض والسوس
وضغطوا واستهانوا باشرف واحكم الرؤوس
وفرضوا على اولادها وبناتها البوار والعنوس
واوقفوا مسيرة الحياة والسيـــــــــور والتروس
واصبحوا لنا كالحلم المزعج او قل كابوس
وصرنا من قلة الحياء ننافقهم وكمان نبوس
وغضب ربنا عليهم هيشربوه فى كؤوس
وتنتهى السهرة ويقول الدكتور عبد الحميد لعروسة ....شايفة الشعراء المهابيش وتفاؤلهم بالحياة وتلاقى عندهم كل الحلول ...فهم كاطواق النجاة للشباب وكلهم فرح وبشر وامل ويقظة وحببونى فى دنيتى وحياتى يا حبيبتاه
نسمات: حبيبى انت متهيأ لى محتاج ضبط اتجاهات وتحديد للزوايا
دا هما عكروا صفو الليلة والحياة معايا
وانت فهمت ايه وليه شفت كلامهم كله مزايا
عبد الحميد:: سيبكم منهم وانا دايما احب امشى على الجنب اليمين
بس احنا ما اتفقناش منشطات السهرة ديا على مين
نسمات: يا داهية دقى ....بعد كل اللى عملناه
عايز كمان يحملنى تمن منشطات من اول اسبوع اه واه واه
وكمان اشتريها له ...............مش كفايه هو اشتريناه
حتى المجهود مقصر فيه..............وقصر معاه

الأحد، 5 سبتمبر، 2010

طبيب ارياف...المنشطات على مين...

فى يوم الثلاثاء وبداية فصل الشتاء ,واثناء ذهاب نسمات الاخصائية الاجتماعية الى مدرستها الاعدادية بكفر سنبك ,وقفت تنتظر الميكروباص لتتوجه الى عملها والذى يبعد عن مدينة عويسنا بحوالى २० كيلو متر ....تقدم شخص انيق ومهندم وكثيرا ما تشاهده فى ذات الموقف يرقبها من بعيد وبدأ حديثه الباسم قائلا:
يا صباح الصباح يا بو عقل جميل وفكراخر ارتياح
وظاهر عاى صاحبته جميلة الجميلات وست الملاح
وانا متابعه من شهور فانسانى تعب السفر والجراح
فهل اطمع فى التعارف لزيادة الالــــــفة والانشراح
يا قمر يا جميل يا بو وجه بشوش وباسم ووضاج
بسمات :تطأ طا راسها خجلا مع نظرة رضا وارتياح
ثم يستقلا الميكروباص ويجلسا متجاورين ومتعمدين وتبا هى الكلام
شاعرنا الجميل ......يا ترى بيشتغل ايه؟؟؟
وانا من فتره باشوفك فى العربية.....ديه
واشعارك دايما سابقة افكارك وعلنية
يا ترى بياع كلام ولا صاحب قضية
د/ عبد الحميد:انا طبيب فى مستشفى كفر سنبك ديا
نسمات :وانا اخصائية اجتماعية ى مدرستها الاعدادية
د/عبد الحميد:وانا من فتره متابعك بقلبى وعنيا
نسمات: وانا حاسة بالمتابعة الحلوة ديا
عبد الحميد :ممكن اتعرف على الاسرة واطلب ليك الطريه
نسمات:من اولها يا دكتورعملتنى قصة ومسرحية
ويصلا بسلامة الى عملهما....وتعود نسمات الى بيتها وتتوجه الى شقة خالتهاصفيةوتدخل عليها وهى فى حب ورومانسية
وتقول لخالتها
من فضلك يا خالتى تتفضلى وتقولى لمامتى
انى كبرت و فلبى حب وتسيبنى على راحتى
وراحتى فى حبى وحبيبى اللى ملك عفلى وقلبى
وباوعدك اكون رزينة على قدر استطاعتى
دا الحب جميل ومنحة من السما للكوكب الارضى
ومش هاندفع فى حبى وهاتحكم فى مشاعرى
وا لعقل و الرزانة شىءمطلوب لحب حبى
بس حاسة بانى ضعفت قدام حبيبى
ويا ريت تلحقونى ولحبيبى تجوزونى
والا بلاش تلومونى لو رحت لحبيب عيون
اللى عنده راحتى وراحة شجونى
======
ترد الخالة صفية
والله وكبرتى يا حبيبتى يا فراشة الفراشات
وده يوم المنى ومنتظرينه من شهور وسنوات
لنفرح بيكى ومعاكى والفرح يعم على كل البنات
وامك مش هتمانع بسى تحسنى الاختيار بالذات
وده زواج يعنى حياة وعشرة ومحتاج ترتيبات
لتكونى سعيدة ومتهنية وربنا يقبل منى الدعوات
وتحضر الام لشقة الخالة لرؤيتها ابنتها تدخل شقة خالتها على غير العادة
وتنسحب نسمات وهى مكسوفة...ويبدا الخالة فى عرض الموضوع
على اختها عدلات ام نسمات
العيال كبرونا يا اختى يا حبيبتى يا بنت امى
ونسمات جاى لها عريس وشكلها فرحانة وبتغنى
وشغال طبيب ارياف وشكله سعيد وفرحان ومتهنى
بس يا ترىالبنت هتكون سعيدة وتبدأ حياتها وتسمى
وتقدر تفتح بيت وتبدا حياة صعبة و شكلها بنى
الام عدلات:
ربنا يعمل ما فيه الخير دا احنا فى زمن بلا ملامح
وياما بنات عنست ولو حصل ده نفسى مش هاسامح
وهنتساهل معاه لو قرب خطوة ابوها يروح له رامح
دا سوق العرسان شاحح وعاملين زى الخيل الجامح
الخالى صفية :انا طلبت منها تدىله ميعاد عندى بكره قبل ما يشوفه ابوها
وفى اليوم التالى يأتى مع نسمات فى شقة الخالة صفية
ويدخل الشقة مقدما نفسه
انا الدكتور عبد الحميد ولكل البشر حبيب
عشرى بحكم مهنتى وعمرى ما كنت غريب
باداوى الاهات وامسح الد معات فانا الطبيب
ملاك رحمة ما تاهش فى الزحمة وليا نصيب
اكون انا العريس .........اكون انا الخطـــيب
سماعتى رأس مالى والخمسة ع هاجيـــــــب
عروسة وعربية وعيادة وعمارة وكله قريب
بس الصبر يا حبايب والصبر علينا مش غريب
الام:اهلا يا حبيبى اهلا وخليك صريح معايا
معاك ايه من الخمسة ع عربية ولا سرايا
العريس:شوفى يا حماتى هابتدى بالعروسة ودى كفايه
الام :هتراوغ يا ابنى من اولها خليك دوغرة معايا
العريس: انا صريح ولا يصح اكدب على حماتى اوحمايا
الام : تقول وهى ضاحكة وساخرة
يعنى ما معاكش حتى تك تك يا ضنايا
العريس:عمرك شفتى \كتور بتك تك يا ام الصبايا
واوعى تكونى ناوية تجيبيه فى شوار العروسة ضمن الهدايا
كنت امشى وما ارجعش وما نكملش باقى الحكاية
الام :دمك خفيف يا ابو بالطو احلى من العبايا
العريس: بسرعة علشان فيه كام عروسة بتجرى ورايا
وانا اخترت نسمات لان حبيتها و حبها اتولد جوايا
بس السرعة مطلوبة لان الوقت مقصر معايا

الجمعة، 3 سبتمبر، 2010

حبيبة ...حبيبة حبيبها ...تزحلقه

عقلت يا حبيبى وصلر الاستمرارفى حبك منتهى الصلاحية
والعيشة ويـاك صارت كالوجود الاجبارى فى الاصلاحية
والخلاص منك عايز قلب بايع ولو باجراء عملية جراحية
وياريت نفضها سيرة وتاخد لجهنم صاروخ او معديــــــة
وتتجوزلك عنزة او كركوبةتســـــــــــتاهلك من اللى هيه
وانت زى ما انت عارفما لكش فى الطيب نصيـــــــب
بعد ما امنت لك وخدتك خليل وشريك وحبيـــــــــــب
الاقيك ملاوع وغادر واقل ما تقول انسان غريــــــب

الثلاثاء، 24 أغسطس، 2010

المال (الفلوس)

المال نعمة للحكيم ونقمة وبلوة للغشيم فى حالتى البقاء او الزوال/
فهو كالماء المالح كلما شربت عطشت اكترواكتر وفى كل الاحوال/
لاغنى عنه لفعل الخير او فعل الشر وهكذا نسيرعلى هذا المنوال/
ومن سكه نقودا حل مشكلة وصنع مشاكل لكل الاجناس والاجيال/
وفى حالة القول والكلام هو احكم الاحكام واجمل المعانى والاقوال/
وفى حالة الحرب والسلام له القول الفصل فى كل ميدان ومجــال/
فهو سم السموم وهو ايضا الترياق المعالج لكل مرض اولكل وبال/
يدير روؤس الجميع من نساء او رجال بنات كانوا اوكانوا عيال /
وكم بنى حضارات ودمرها ؟وكم بنى وزرع مدننا كانت جـــــبا ل/
سره باتع وسيفه قاطع وسهمه نافذ ويصنع من الرمل حبـــــــــال/

الخميس، 12 أغسطس، 2010

مدعى الصداقة

مدعى الصداقة فى الحداقة رجل الساعة/
وفى اللوع استاذ ورئيس قسم بكل براعة/
وفى الخيانة والغدر والمقالب رأس صناعة/
وفى الاعوجاج والالتواء مؤسس للجماعة/
محترف فى الخسة والدناوة واى صياعة/
ومظهره وقور وحكيم وكأنه حكيم بسماعة/
وان صفى لك ساعة كدرك حتى قبام الساعة/
ونفسه نفس مؤذية مسوسة مريضة ملتاعة/
وسلوكه سلوك اعوجاج وعلى رأس الباعة/

الأربعاء، 28 يوليو، 2010

ايوه هاتجوز لانى وجدت حبى وسلوتى

ايوه هاتجوز لانى وجدت محبوبتى وسلوتى/
لاكون بيت بحبى وامارس عطائى ومحبـــتى/
واكون الزوج المخلص و منه استمد صلاحيتى/
ويكرمنا ربنا بالذرية الصالحة اللى تنشط حيويتى/
===========
قبلت ووافقت يا حبيبى فبحبك اسرتنى و ملكتنى/
واعاهدك عهد المحبين بانى ساراعــيك واعتنى/
وراحتك دين فى رقبتى لانك باخلاقك احتويتنى/
فانت اختيارى الجميل كما انك انت اخترتنى/
======
الف تهنئة ومباركه للزميل اسامه وخطيبته
د/سلوى.....وهذه كلمات كتبتها خصيصا
لهم ارجو من الله ان يبارك زواجهما ..امين

الاثنين، 19 يوليو، 2010

الجميل والقبيح

الجميل يحب ابراز جمال الاخرين ليتماشى مع سمو جماله/
والقبيح يقبح الاخرين مهما كانوا ليتوافقوا مع سوء حاله/
ويسقط ما فيه عليهم وينسب جمالهم لقبحه وقبح رجاله/
وشايف ده من حقه لانه صاحب التوكيل والقباحة ماله/
ويكدب ويدعى ما ليس فيه ويشوف فى الكدب كمـاله/
حتى يصدق اكاذيبه والاعيبه وينخدع حبايبه وعياله/
ويعيشوا اولاده الدور بكل غرور بكل حماقة وجهالة/
ويوزعوا علينا بجهلهم السوء والاحباط والرزاله..../

السبت، 17 يوليو، 2010

العنصريين بلا تسمية

مش قادر اكتب لارضيكم يا من ضيعتوا حاضركم كما ضيعتوا ماضيكم/
وصرتوا عنصريين بلا تسمية ومغرمين بالتعمية ورموز الانانية فيكــــم/
ونفوسكم غير سوية وتعبتوا الكرة الارضية وفى الكراهية لا احد يساويكم/
وبالعنصرية خلقتوا لكم محمية جهنمية ترهبون من تعادوهم ولا احد يعاديكم/
ولا تتركون احد فى حاله والشيطان انتم مساعديه ورجاله ولا احد يناديكم/
الخراب عنوانكم فى الحاضر والماضى وكل البؤس جمعتوه فى اراضيكم/
تمارسون النهب والسلب الى اقصى حد وفيه لا احد ينافسكم او يجاريكم/
تدعون الحرية وتحبون العبودية فحيرتونا وحيرتوا الدنيا فى بلاويكم/
ربنا اكرمكم بالثروات فضيعتوها فى المهاترات وعادت بالنقص ليكم/

الأربعاء، 14 يوليو، 2010

حالنا الموحول احنا السبب فيه!!

كل ما انظر لحالنا الموحول اتفرس !!!!!!ولم نعد قادر لا ابالى/
فكلنا نشكو بمرارة وبكل حرارة من عيوب ظاهرة واضحة قبالى/
واحنا السبب فبه وبلا غضب فاحنا الظالمين والمظلومين بالتالى/
والمميزات ان وجدت فبالقطارة بعد ان هجرنا الحضارةوطوالى/
وعيوبنا نسخة بالكربون يتساوى فيها الفقيرمع الخولى والوالى/
ومن اصدق ما عبر عننا ابن خلدون درة تاج الخالدون الغوالى/
فمن حبنا للفخر سكبنا علينا ما ليس فينا من باب الفشخرة والتعالى/
وحولنا التقصير والاهمال الى قصور وابراج وزيناها بالامالى/
ولن ينصلح حالنا الاباعترافنا بخرابنا وخيبتنا فى كل شى ومجالى/
ثم نبد أ الاصلاح والكفاح فان انتصرنا على انفسنا انتصرنا فى ثوانى

الاثنين، 12 يوليو، 2010

مصر وطننا والحرامية ينهبونه

مصر وطننا الحرامية لايستوطنوه ولكنهم وطن ينهبونه/

وهى غالية عليهم قوى وكل جحر فيها ليه طالبهو زبونه/

وكل خطوة ليهم محسوبة وكل تصرف يعدونه و يقصدونه/

وما كانوا يرهنوه قديما صاروا المماليك الجدد يبيعونه/

فانهارت بهم وتعالوا عليها واسوأ من الفيلم مضمونه/

يتبادلون الادوار بكل خسة وقبحهم القبيح لا يخبونه/

فالفاسدين يتملكون المدن بكاملها والتمن افساد يدفعونه/

والغلابة لا يجدون المدافن وما يملكوه من نعوش يرفعونه/

ومهما رفعوا من نعوش للاحتجاج لاشىء .....يطالونه/

ويقبضون على الهوا وحتى الهوا سبقونا ....ولو ثونه/

السبت، 10 يوليو، 2010

المتشيطن وحقوق الاخرين

كل ما تنفر من جاحد ظالم باغى تلاقى المتشيطن الاخبث والاضل/
ويا ويل للا صيل لما يتحكم فى رقبته ومصيره الخسيس الاذل....../
فكل يوم حقوقك معاه تتأكل ولا يوجد عند المتيشطن سقف للاقل...../
وكل ما تتنازل عن حقوقك يطمع المتشيطن فى المزيد ولايشبع او يمل/
حتى دمك يخوض فيه ولا يخافهويشربه فكل شىء عنده يجوز ويحل/
حتى اعتى المجرمين يرفض عمل يديه الاجرامى بلا مبرر لانه يشل/
واجرام المجرمين لتحقيق مكاسب مادية لا للشفاء من مرض او غل/
فتفوق على المجرمين فاجرامه غير مبرر وموجه بلا حدود لكل.......

الاثنين، 5 يوليو، 2010

الفكر الشيطانى الجديد

لما تطلع الاول على دفعتك وعلشان راحتك يعينو بدالك ابن السيد العميد/
لازم تكون سعيد لانك مشارك فى فيلم هزلى ماساوى وسواده غامق و شديد/
ولما تعمل وتطلع عينك وغيرك ياخد مجهودك لان ليه ضهر جامد وعنيــد/
اليست هذه المشاركه وما تفهمش غلط فناس تعمل وناس تقبض والكل سعيد/
ولما مسنود يرتكب جنايه وغيره يشيلها اليست يا اخى دى المساندة والتسنيد/
ولما يظلموك علشان يكسبوك حسنات ولا تقدر تفتح بقك من التهديد والوعيد/
ولما تصلح الصحرا وتزرعها ويجيلك البلدوزر ويقلع الزرع ويلبسوك الحديد/
ويستولى عليها فاسد ,اليس ذلك تبادل للاراضى بالفكر الشيطانى الجديد......./

السبت، 3 يوليو، 2010

ابداع ايمان البكرى وابداع البيروقراطية المصرية

ابداع البيروقراطية المصرية تفوق على ابداع ايمان البكرى الحر/
ولكنه ابداع مر وبكل الشرور يشر وبكل القبم يحطم وبالصحة يضر/
فاستقالتها كانت للاحتجاج ومعالجة الاعوجاج وازالة كل ما يعضـــر/
فقبلوها ورفعوا اسمها من سجلات الموظفين وهذا عمل بشع لا يسر/
والبكرى لمن لا يعرف قيمة مبدعة شاعرة ستخلد فى التاريخ ولا مفر/
ومن رفعوها من السجلات رفعوا من قدرها وكرموها لابخير ولكن بشر/
فمكانتها وقيمتها كمبدعة لا تجتمع معهم فى سجلات حتما ستبلى وتمر/
وستخلد هى فى سمو ابداعها ويبقى لكارهيها كرههم وطريقهم ...المر/

الاثنين، 28 يونيو، 2010

المنحرفون افقدونا الثقة

المنحرفون افقدونا الثقة فيهم بما اساءوا الى وقار وظايفهم/

فالوقار يكتسب بجلال الاعمال والحياد الايجابى لا بطوايفهم/

فملوك الطوايف ضيعوا الماضى ولكن لا احد يعى ولااحد يفهم/

وتطييف البشر لمراكزهم عنصرية وكل عنصرى فى الشر يسهم/

ولا يوجد عندنا من يسيطر بالحق وبالعدل يبت فى الامور ويحسم/

وكل هذا مدبر ومشفر بواسطة ناس مش ناس ليفرق الناس ويقسم/

وهذا ما نراه فى كل نواحى الحياة من ظلم واضح و يبين ويجسم/

فهل نرى صحوة تعيد الامل فى مستقبل مشرق يكتب العدالة ويرس

السبت، 19 يونيو، 2010

كل واقع بخيره وشره يشبه ويمثل بكل صدق اصحابه/

فالواقع كفيلم الكل يشارك فى كتابته وتمثيله واخراجه/

فان كان جيد فالجودة عنوان للفعل والسلوك لافراده /

وان كان سىء فالبؤس والظلم وانتهاك القانون اوتاده/

فالسوء نادى يجمع الظالمين والمفترين والقتله بين رواده/

وهم يعرفون جيدا شروط الانضمام ومكان وزمان انعقاده/

وان ادعوا غير ذلك فهم غير صادقين وتجد فيهم اعراضه/

ولا خلاص لاى مجتمع يتباهى ويفتخر بكل بلاويه واوغاده/

ويعطى المبررات والاسانيد حتى يكون العنف اهم عتاده /

فيعيش على الكذب والخداع والفهلوة ويكون النفاق زاده/

الجمعة، 11 يونيو، 2010

دول التخلف صاحبة منطق كــــــيد النسا فى كل شىء سباقة/

لا تعاقب مجرميها بل تعاقب المجنى عليهم بالفهلوة والحداقة/

ومن يرفع شعار المواطنة والدولة المدنية تكرهه فيهم برواقة/

بتكسير المعتقد وتوريط الاجلاء فى مهاترات للاهانة والاعاقة/

وتدفع الجميع للصدام والاحتدام لمحاربة الاحترام ومنع الصداقة/

وزرع الفتنة بوسائل نتنة وتتفرج بهدوء وتتكلم بكل كياسة و لباقة/

وترفع شعارات حق من اجل اعلاء الباطل مع لوى الحقيقة البراقة/

ويلاقى اى محترم نفسه بدون اى ذنب جناه يعيش حياة قاسية شاقة/

والاغبياء واهل البلاء يساهمون فى هدم المجتمع عن غباء او شراكة/

والكل يغنى على بلواه وخيبة مسعاه بدون فهم او استيعاب اواستدراكا

الثلاثاء، 8 يونيو، 2010

يا بنى لا تكره ولا تعادى فالكراهية مرض بل اقول وباء/

والعداء سوء طبع وعرض للمرض لا يحقق اى انتماء/

ومحبة الاعادى سمو وعلو وترفع وســــلوك الفضلاء /

فبالمحبة نفسك تطيب وتتقبل من كانت لهم تصرفات هوجاء/

وعادة وطبع لمن يريد ان يكون من الناس الحكماء الاسوياء/

يمارسونها عن قوة وقناعة ورضا لا تظاهرا اوحبا للرياء/

لزرع السلم عن علم واسفنجة لامتصاص قريفة الجهلاء/

ففى المحبة هزيمة للكراهية وتجد فيها الملاذ والاحتماء/

الخميس، 3 يونيو، 2010

كيد النسا هو الاسم الطبيعى لعلاقة حكومات التخلف بالشعوب/
وشغل البت لمرات ابوها هو رد الفعل او قل فن ادارة الحروب/
علاقات غريبة مريبة بدل ما تكون حبيبة من الصباح للغروب/
تستهلك الطاقات فى صراع الديوك من الهجوم حتى الهروب/
كر وفر وكأنهم فى ساحة قتال بالنبال فى الشوارع والدروب /
وتركوا الساحة هادية ومرتاحة لشغل الحراميـــــــة الدؤوب/
وصارت البلطجة كاس داير الكل يشربة او ياخده حبوب/
من اجل هدف لهم سامى وفعل حرامى لفرض الفقر فى الجيوب

الجمعة، 28 مايو، 2010

يا اهل السوء المسيئون جبتم منين كل هذا السوء؟؟
ولا هذا ادمان لما تتعاطوه اعصابكم تنشط وتروق!!!
كما يراه اخرون ان هذا حقهم او ما تبقى لهم من حقوق
فانتبهوا(ان البشرية اسرة واحدة والسوء عقوق)
ومن يفعله يتساوى بمن يباع ويشترى فى السوق
اما الانسان فمكرم بعقله وما له من فضل وشروق
فاشرق بالخير وامنحه للاخرين وانشره بالبوق
حتى يشفى المرضى به فالسوء مثله مثل الحروق

الأربعاء، 26 مايو، 2010

السعادة

السعادة تتواجد فى عقل السعيد لا فى الواقع الجميل المجيد/

فكم من سعيد لا يملك من مقومات السعادة من قديم او جديد/

وعايش متهنى ولا يملك الا البساطة وكل شىء عنده مفيد/

بالبشاشة والسماحة والرضا شايف كل يوم من ايامة عيد/

ويرى ما ينقصه من ضروريات كتمرين من العاب الحديد/

تزيده لياقة وصحة وعقل سليم فى جسم حليم وكل له رصيد/

ومن يحمد الله ويشكره على القليل يبارك الله فيه وينمو ويزيد/

فاسعد نفسك بنفسك وخليك كل يوم شخص متفائل بفكر فيه تجديد/

الأحد، 23 مايو، 2010

اخترعنا الصفر فاحببناه واتخذناه رمزا وقيمة/

وتمسكنا بكل هايف وذات نفس مريضة لئيمة/

وحاربنا كل جديد ومتطور واعتبرنا التطور جريمة/

وتعايشنا مع الرجعية وبالذات الخرافات القديمة /

ورفعنا كل واطى واوصلناه الى اعلى المراتب الكريمة/

وخفسنا الارض بكل ذوعفة نفس وعقلية واعية فهيمة/

حتى الرموز الاكتر بروز هى للنفع والفائدة عديمة/

فتقضى يومها فى تعاطى العداوة والخصومة والشتيمة/

واستبعدنا كل وقور ولم تعد تناسبنا النفوس الحليمة/

وقربنا كل معووج وعادينا اصحاب الطرق السليمة/

واصبحنا نشمت فى مصائب الاخرين والاحداث الاليمة/

الأحد، 16 مايو، 2010

مين كتب لسوء الحظ خط سيرى وعنوانى/

ليدوم عذابى ويتجدد بالوقت المى واحزانى/

ويتبدد املى واضبع فى الهوا مع احلامى/

ولا اجد مهرب مع انى عايزة يرحل وينسانى/

لاجدالخلاص من كل ما اقاسى واعانى/

بعدما صرت ملطشة لانطاع زمانى /

مع انى احمل الخير لكل من يرانى/

واكرم واحسن وبكل خسة رمانى

ويضيع المعروف مع كل خروف فى ثوانى

مع اصرارى على الاحتفاظ للكل بحنانى

الثلاثاء، 11 مايو، 2010

الكلب وصاحبه بين الغدر والوفاء

الكلب وفى ومخلص بعكس الصديق اللى ارتضى ان يكون غادر/
وتنازل عن سمو الوفاء لوضاعة الغدر وكان للغدر احد المصادر /
ووافق ان يهبط بانسانيته وطاوعه قلبه وكان على الخيانة قادر/
وهى قمة الحقارة والندالة والدونية واختار ان يكون للشيطان كادر/
فهل يراجع نفسه وهو المكرم بين الخلق ويصير بالاخلاص مبادر/
فيسمو بالانسانية ويكون اضافة للبشرية ويفتح للسماحة شادر/
ويرجع حقوق الاخرين لاصحابها ويكون من النوع الوفى النادر

الخميس، 6 مايو، 2010

محمود السعدنى

الى رحمة الله نزف كاتبنا العظيم محمـــــود السعدنى/

الانسان الساحر الساخر الصلــــــــب الذى لا ينثنى/

كتلة الاحاسيس المتدفقة كانسياب السهم المعدنى/

المناضل دوما لرقى وتقدم المجتمع الحــــــر المدنى/

فمات مدافعا ليعيش المجتمع سعيد وراضى ومتهنى/

فالحقوق تنتزع بالنضال وليست بالشكوىا والتمنى/

وهى دستور حياة وليست كلمات جميلةللكلام والتغنى/

وستظل كلماتك شموع مضيئة فى وجه الظلم والتجنى/

الخميس، 29 أبريل، 2010

اذا حاولت ان تبنى هتلاقى العشرات قصادك بكل همة بتهد/

فمهما بنيت مش هتلاحق على مدمنى الهدد او تقدر تـــــعد/

وهتلاقيهم ناس عاديين غلابه مطحونين مظلومين بحق وبجد/

ولا هم لهم الا الشكوى من الناس الظلمة وهم للظلم اشد/

وهتلاقى كمان مسئولين لا يعرفون من المسئولية الا الهد/

وانا مش عارف هل هذا طبع ؟؟ام حكمة وفلسفة الغد/

يهدوا البلد على روؤسنا واكيد مش هيلاقوا اى رد/

وعلشان كده الدنيا عندنا عامت ولم تعود تهم اى حد/

الأربعاء، 28 أبريل، 2010

العداء غيرالمعلن بين البشراسوأ العداوات ويفتقد لاى شــرف /
ففى وجودك يبتسم وفى غيابك يتأمر ويلعن بطريقة تدعو للقرف/
ولا يكتفى بالعداوة ولكن يعتقد ان الخصومة بشرف مجرد ترف/
ولا يقدر عليها فقد تعود على الغدر الخسيس واحترف/
فهو قمة فى الندالة وبالظلم والقسوة اشتهر واتعرف/
ولممارسة الرزيلة ومحاربة الفضيلة مال وانحرف/
ويستحق الاشفاق مع انه عاق ومع ذلك دمعه ينذرف/

الثلاثاء، 27 أبريل، 2010

ناس زى الجراد فى اذيته وناس زى النحل فى حلاوة وصحة انتاجه/

فالجراه ياكل الاخضر واليابس والنحل لا نستغنى عنه ودوما نحتاجه/

والحكم على الدول بافرادها وهل هم جراد ام نحل فى عمله ومزاجه/

فالجراد فى اى ارض يستوطنها يفقرها ويمص دمها ثم يعود لادراجه/

اما النحل فمحب للزهور والورود والخضرة فهو كمن ينير للدنيا سراجه/

يفيد ويستفيد وبدون اذى يعطينا الغذاء الحلو الصحى الناتج من اخراجه

اما الجراد فهو بطبعه لاتستطيع تعديل سلوكه المؤذى ولا يمكن احراجه/

بعكس النحل نظام وانضباط والكل يسعد بعمله الدوؤب وانتاجه ورواج

الأحد، 25 أبريل، 2010

طالما نعطى القيمة للعقل المتبلد الجامد الخرافى/

مش غريب تتخلف وتعيش ريان وجعان وحافى/

وتصير الكلمة العليا للحمقى والجهلة والاجلافى/

والجهل يتصدر المجلس ويكون قوى وسيد ومتعافى/

ومتلاقيش حد يقول للعدل والذوق والانسانية عوافى/

وان حاولت الافلات منهم كسروا ايدى ومجدافى/

وللاسف هذا الهم تعدى النطاق المكانى والجغرافى/

ليضم شريط الجهالة وطوق الاجرام الاحترافى/

الثلاثاء، 20 أبريل، 2010

هيفضل الامل موجود طالما نبت فى الارض عود/
فتخضر الارض من جديد والنماء يظللنا ويعود/
فالخضرة رمز الحياة تطارد التصحر العقبة الكوود/
وتقاوم التجريف فى كل المناطق والازمنة والعهود/
والعدل وان غاب سيعود لان الله بعدله موجود/
مهما طورد وغيب وقوبل بكل نكران جحود/
فالعدل اقوى من الظلم والظالمين والبارود/
فنعود نزرع بدل الحسك والشوك فل وورود/

الجمعة، 16 أبريل، 2010

يقاومون السلام بكل خسة وخبث وعنف وقوة
ويروا فى العنف والكراهية ضـــالتهم المرجوة/
وده مجالهم المفضل على كل المستويات بره وجوه/
فى النهاية يتباكون على ضياع السلام وفقدان المروة/
وهم اصحاب اخلاق وطباع الذئاب والحمير والسلعوة/
وتجدهم محشورون فى كل موقف مخزى بلا دعوة/
للتخريب والتهريب والترهيب والعنف والقسوة//
وهؤلاء هم نشطاء الخراب وحركتهم بلا رسوة/

الثلاثاء، 13 أبريل، 2010

كم هانت ويا ما تهون العشرة والصداقة والزمالة والجيرة/

حتى حق الحياة فقدت النجاة على يديهم الشريرة الخبيرة/

فسرقوا الامانوالاطمءنان وزرعوا الشك والقلق والحيرة/

بتدابير وحركاتوتصرفات اقل ما توصف بانها حقيرة/

وايه المنتظر من ناس طبعهم الغدر والخسة والغيرة/

ومنبت سوء وشغب ودخان وحروق وتكسير وتعويرة/

وتعدى على البراءة بكل جراءة وعصرها بعصارات مستديرة/

فكانت نفوسهم المريضة بكل حماقة وخبث مستحقة وجديرة/

الجمعة، 9 أبريل، 2010

العالم بحور ومحيطات وقارات تبدو ما ليهاش نهاية/

بالنت تقارب وتضاغط وصار مجرد قصر او سراية/

ترى امريكا اسيا وكذلك اوربا تعرفها من البداية/

وتخاطب استراليا روسيا فتسمعها جبال الهمالايا/

ونتابع ما وراء البحار وما فوق السحاب وكأنه ورايا/

بارك الله فى العلماء ليستفيد الجهلاء وادعوا معايا/

بالخير العميم والكلام يكون فى الصميم للسلام والهداية/

ونكون اضافة للعالم لا خصما وبكدة تكتمل بنيان الرواية

الاثنين، 5 أبريل، 2010

كل من ينتمى لعالم العبيد يعادى العالم الحر/

وبكل تخلفه وعفونته يرميك بقذارته ويشر/

ولا ينفع احد ولكن دايما يوذى ويضـــــــر/

وهو اول المتضررين وهو الهايف ويعر/

يهوى الكرباج والاعوجاج وكل قوى الشر/

وتراث طويل من ضرب الجنازير والكر والفر/

فجابوا لنا الضغط والسكر وشربونا المر/

ولا سبيل لعلاجهم اوترك كل منا حــــــــر/

فمملوك كل زمن غير مؤتمن ولا يسر/

الاثنين، 29 مارس، 2010

الشرير هو من يعتبر الشر اجمل هواياته

ويترك نفسه للشيطنه ويجرى ورا شهواته

ويتفنن فى شروره وفي الشر يحمل شهاداته

ويكره الخير ويجد المتعة الكبيرة فى معاداته

ويحقد وينتقم بلا هوادة من يطالب بمساواته

مع انه لايشرف احد التساوى مع مراراته

وتفسيره لشروره فهى قمة واجمل مهاراته

ولن تسلم منه ولا تصل لنتيجة فىكل حواراته

فالسفسطة رأس ماله وهى احدى غاياته

يتسلى بها فى ليله التى لا تعرف نهاياته

الأحد، 21 مارس، 2010

الشعب كعجينة الصلصا ل تشكله الحكومة كما تحب و تريد/
فان صلحت الحكومة صلح الشعب من الاول ومن جديد/
وان ساءت ساء الشعب وكانت له بمثابة الصدا للحديد/
وكليهما تحكمهما الثقافة التى تجرى مجرى الدم من الوريد/
فأن ساءت الثقافة فلا خير فى شعب ثقافته تجعله جبان رعديد/
ولا خير فى حكومة تعالج امورها ببرود يزيد على برودالجليد/
والاصلاح يبدأ بالحكمة والتخلى عن العنف والتهديد والوعيد//
فالعنف تصرف همجى يرفضه الكبير والشاب والوليد/
طالما تربوا بطريقة سوية وعاش كل منهم بما يجعله سعيد/
اما معالجة الاخطاء فبالقانون والعدل وتكريم كل عمل مجيد/

الجمعة، 19 مارس، 2010

تكسيرك للمثل والمبادىء والقيم الايجابية و المثالية/
يحولك فى النهاية وباليقين من جانى الى مجنى عليه/
فالمجرم الصغير ينتهى بين انياب مجرم كبير وتتوالى العملية/
لتصفية الحسابات وتسديد الديون لاصحابها مهما كانت مختفية/
وهذه حقيقة كونية ونتيجة منطقية معروفة للجميع وبديهيةو منتهية/
واصلاحنا لما تعوج من تصرفات يصب فى مصلحة الانسانية/
وبما اننا بشر الكل هيستفيد ويعيد البسمة والفرحة للحرية/
وكل منا ياخد مكانه بكل يسر وتنتظم من جديد الابجدية/

الأحد، 14 مارس، 2010

الفدس

القدس ارض المقدسات لنا جميعا وتاج فخر للانسانية/
تركناها للحمقى والافاقيين وتجار الشعارات الديـــــنية/
وتم التلاعب بها كما يتلاعب محامين السوء باى قضية/
وصارت مجرد ارض يريدون الاستحواذ عليها العصبجية/
لا يا سادة هذه ارض مقدسة من فجر التاريخ للازلية/
وبطريقتنا هذه ستضيع منا وتصير القضية منتهية/
بفضل تنازع ملوك الفتن وفرق المرتزقة والحرامية/
ونحصل على كأس التراخى وقلادة التسيب الانهزامية/

الجمعة، 5 مارس، 2010

البادى ارعن

لا تقابل الشر بالشر فالبادى به ارعن
ظالم لنفسه قبل غيره ومحتاج فكر اثمن
ينير طريقه وينقى فكره المنحط المشيطن
ولا تاخد فى بالك من هلفطة توزن بالطن
لف ودوران ولا يراعى تقدمه فى السن
وشيبة كلها عيبة ولا تاخد الاالكدب والمن
ولا يشبع من الاكاذيب والرغى الدايم والزن
بدون فايدة ولكن نار قايدة اشبه بالجن

الخميس، 4 مارس، 2010

وما الدنيا(بعمايلنا السودة) الا مقلب زبالة
وريحتها غير الطيبة مش محتاجة قوالة
والابشع ريحة القسوة والظلم والندالة
فمن لا يساهم فى تقدم البشرية مجرد كمالة
ويزداد بؤسه وحقده وغله ويصير عالة
وسوسة مسوسة تاكل اعمال قادة العدالة
ويدعون البطولة وهم الجبناء معدومى الرجالة
فاطلاق الرصاص غدر وعمرها ما كانت بسالة

الجمعة، 26 فبراير، 2010

الشاعر انسان حساس ويتخذ من المشاعر جسد
مهموم بالبشر والحجر ودايما فى وضع لايتحسد
شايل هم الى مش لاقى شغل واللى خسر او كسد
وهمه الاكبر العمل بالمثل والقيم واصلاح من فسد
وسعادته الكبرى فى اصلاح الحال وزيادة من سعد
واعطاء الوعود الصادقة وتنفيذ وعد من وعـــــــد
والتقارب بين الناس للتعاون وتقريب من ابتعـــــــد
وامتصاص المشاكل والمعوقات وتهدئة من تكدر وارتعد

الأحد، 14 فبراير، 2010

فى الحـــــب قيمتى ومطلبى الانسانى/
به اتوهج واتفهم سمـو وجلال المعانى/
فينير طريقى بلمعانى ويحفظ لى كيانى/
يطهرنى وينقى قلبى وجسدى من الاحزانى/
دليلى للصفاء وبداية البداية لانــسجامــى/
لا يكلفنى شى فهو معطى من الله مجانى/
مردوده الخلاص والراحة ان كنت اعانى/
واعيش مرتاح البال سعيد وراضى وهانى/
وكل الحب لطالبه ولفالنتاين حبى واحترامى/
ونعيش ونحب ونغنى اجمل الكلام والاغانى/

السبت، 13 فبراير، 2010

التخلف والمتخلف

التخلف حالة مرضية شديدة الارتباط بالعنف والاسقاط/
فالمتخلف يحب التقاط ما فيه ويرميه على غيره بملقاط/
وينسب لنفسه ما ليس فيه فهو حرامى شديد الالتقاط/
ويظهر بصورة المستنير وهو مع الاستنارة فك الارتباط/
ويدعى النظافة ورائحته تزكم الانوف وفى حالة اغتباط/
يبكى الكثيريين ويتظاهر بكرهه للدموع والاهات والعياط/
قاتل لانفس غالية بشعارات بالية يرددها فى هبل واستعباط/
محب للدمارويكره العمار وينتعش بالدوار والحريق والشياط/
وينسب للاخرين عمل يديه واثار رجليه مـــــن باب الاحتياط/
هو والجاهل والاحمق والارعن شلة شديدة الظلم والارتباط/

الخميس، 4 فبراير، 2010

من يقسوعلى المرأه

اللى عايز ربنا يحبه يتعامل بحب مع كل مخلوقاته/
بغض النظر من اسمة او جنسه اوحتى اخلاقياته/
تحبه وترفض غلطه وتخالفه وتغفر لــــه سقطاته/
فله رب يحاسبه على ما عمله وعلى ما قد فــــاته/
والقانون كفيل برده الى صوابه او الاستماع لاهاته/
ومين وكلك لمحاسبة غيرك وانت عبدوهى من عبداته/
واسوأ البشر من يعطى حق محاسبة الاخرين لذاته/
وبالذات لما يكون غلاط كبير وغرقان فى ملذاته/
وبالطبع شايف مع عماه غلطه ميزة من مميزاته/

الجمعة، 29 يناير، 2010

مصر والجزائر اربعة صفر مش كتير اوزيادة

مبروك لنا ولكم ايها السيدات والســــــادة
فالفوز حق اصيل للاجتهاد وحسن القيادة
ونتيجة للعزيمة والاصرار وقوة الارادة
وتتويجا للنتميز والاصالة والجدية والريادة
متى تحولت الى عمل جماعى منظم وعادة
او قل رجولة واداء واجب واكتمال عبادة
واربعة/صفر 0000مش كتير او زيادة
على فريق الساجدين على النجيلة والسجادة
الفراعين خفيفى الحركة سريعى الاستعادة
فهم رغم تواضعهم اصحاب فضل وسيادة
وحبنا على صدر كل منهم وســام وقلادة

الاثنين، 25 يناير، 2010

الاثار الجانبية للتطرف

بالتطرف صار المحب بحبه كالبيضة والكاره كالحجر/
ومجرد التلاقى يخلف دماء وقتلىوكأننا وحوش البقر/
وصارت الانسانية غابة تضيع فيها الحقوق سدى وهدر/
وسادت الوحشية بالوحوش والمجرمين من بنى البشر /
وضاعت الحكمة وضعف الحكماء بمن تخابث وبــمن غدر/
وساد الانحطاط بضياع الحق وارتفعنا الى اسفل المنحدر/
فعودوا للانسانية واتركوا البشاعة واستوعبوا الدروس والعبر/

الأحد، 17 يناير، 2010

القاتل والقتيل قضية للمناقشة

طالما لكل اجل كتاب فلماذا القتل والانتقام والاحترابى؟؟/
يا ايها القاتل لقد ازهقت ارواح لنتهى عمرها الافتراضى/
فكسبت ذنوب وخسرت نفسك وانت للاسف سعيد وراضى/
ولبست بالباطل توب عشماوى وتوب ورسالة الحكم والقاضى/
ومن يريد تقليدك انصحه بالتروى والعقل كما اسجل اعتراضى/
حتى لا يكون ساطور شيطانى وسيف يحصد البشر والاراضى/
وينشر البشاعة ويحارب الهدوء وينشر كل القلاقل والامراضى/
فأستوعبوا التاريخ وفضلوا الحياة على كل بلاوى وحماقة الماضى/
ولن تقدم ا و تاخر عجلة الزمن لكن هتضيع نفسك على الفاضى!!!!

السبت، 16 يناير، 2010

الوسخ وانــــــا

قلت للوسخ منين جبــــت كل هذه الوساخة
وليه مصمم على جعلها فى منتهى الرساخة
احتقرنى وقال هل يسأل الوضيع عن الوضاعة
ام هذه حاجة كبرت معاه ورضعها رضاعة
زيها زى الغلاسة ,الهيافة ,اللكاعة والنطاعة
ومهما عملتم معانا فنحن اكتسبنا اكبر مناعة
وسنظل دوما على حالنا وفى منتهى الصياعة
وبنلعب دونا مهما كان وسخ فى منتهى البراعة