الأحد، 28 ديسمبر، 2008

غزة .....طعنة فى قلوبنا

الدنيا دنية بتتدنى بافعالها وافعال قادتها
فلم اتمنى العيش لارى غزة وما جرى بتربتها
بشاعة وشنـــــــاعة وقسوةحتى فى ابادتها
اراضى مقدسة دنــــست بالهمجية ووحشيتها
وبشريـــــــة مريضة لاظهار عنف شراستها
فيا ارض انشــقى وابلعينا لتطهر حركتها
فلا نستحق الحياة بعد ان فقدت الدنيا براءتها
والموت لذئاب لم تفهم رسالة السماء او قراءتها
======================================
ناجح يوسف فهمى

الجمعة، 19 ديسمبر، 2008

الفقر....الاحكام المسبقة ....عظمة قادتنا العظام

على فكرة انا لست من الاغنياء
لكن دى وجهة نظر
================================
الفقــر فيروس يربيه اصحابه
ويعـتزون به ويسعون لرحابه
حاملين ثقافه محبة لجنابــــه
غير مبالين للابتعاد عنه وذهابة
وشكوتهم فرحتهم ومغرمين صبابه
فأعمل يا أخى وستجد السعادة
فالاغنياء بشر مثلك تعبوا بزيادة
وحققوا ذواتهم ولهم الريادة
وغيرهم مريض بفقره محتاج عيادة
===============================
نحن قوم ادمنا الاحكام المسبقة
ولا يهم ان تكون كاذبة او محققة
المهم نشرها وترديدها والزقزقة
ورفعها عالية فى السماء المحلقة
ولتهبط لنا الى الدرك الاسفل الزالقة
ونعيش حياة متعبة غير لائقة
وتسوء امورتا وتكون غارقة
وتفقد الاحترام الانفس غير الصادقة
وكل من هل ودب يتلاعب بنا بروح حارقة
وعيوننا على اهل الاصلاح اوبارقة
==============================
عظمة قادتنا العظام من امثال صدام
ستستمر اثارها السلبية عقودا لقدام
فزرعوا حقدا واورثونا شهوة الانتقام
واطفئوا كل الانوار ونشروا الظلام
اللى عمى القلوب والابصار وافقدنا الاحترام
واستبدلنا السماحة بالحقد والاجرام
فنقتل بعضنا بعضا من باب الانسجام
==========================
هذا رأيى فكر فيه

الخميس، 11 ديسمبر، 2008

برنامج المعلمة سماسم

المحافظة على التخلف وتكون له صدر حنــــين
المحافظة على الظلم والبهتان بشكل واضح وبين
المحافظة على العداوة ولا تعتبرها فعل فاضح وشين
المحافظة على محاربة الابداع بكل ايمان ويقين
انشاء محاكم التفتيش لقتل الفكر الثمين
انشاء بؤر الفساد للقضاء على العدول والمنصفين
نشر فكر القسوة لمحاربة الرحمة والمحبين
تعديل الدساتير بما يخدم اللصوص والظالمين
التقدم للخلف والمشى شمال بدل اليمين
اسراع الخطى وتلبية نداء الظالمين
اضطهاد الضعفاء والبؤساء والمنسيين
الكذب بكل صدق لاقناع البسطاء والطيبين
==================================
مع تحيات المعلمة سماسم
================== ناجح يوسف فهمى

الأحد، 23 نوفمبر، 2008

سماسم تشكل حزبا

فجأة لقيت نفسى مصمم وراسم
على تشكيل حزب المعلمة سماسم
للتهليب والوجاهه وصدارة المراسم
على ان اكون ما لك الحزب القوى والحاسم
قاسى مع الاعضاء ولكن بوجه بارد وباسم
بتار وصاحب قرار فاصل وقاسم
وامام الجهات المعنية كلى حنية وانسانية
لصرف الدعم والزعم بالديمقراطية
وتلبية الدعوة وقت الحوجة العمومية
لاعطاء الديكور والبكور وقت الفجرية
امام اسيادى فى الاعيادى لصرف العيدية
وتجنب الانشقاقات اللولبية المعدية
طالما لى ضهر هاعيش بحزبى متهنية
===============================
ناجح يوسف فهمى

الخميس، 23 أكتوبر، 2008

تابع قاموس على بلاطة....حداقة المحتال...اللئيم...الخ

حداقة المحتال
============
صدق محشو كذب وكذب مغلف بالصدق
هذا هو اسلوب المخادع المحتال الحدق
شرير بكامله وفى الحق والعدل يلتصق
وكم يكون فرحا سعيدا عندما غيره يحترق
لص وقاطع طريق ويتعجب كيف لآخر يتسرق
====================================
لاتنتظر شكر من لئيم على معروف
بل انتظر قرون نطاحة فهو تيس او خروف
تجده اعمى فى الحق والعدل ابدا ما يشوف
والكرم بيقابله دايما بالنكران والكفوف
والندالة والحماقة يتعاطاهم اكل وسفوف
فاللؤم خبث مرفوض بالكلام والحروف
فاقتدى بالكرام وفعلهم الجميل الموصوف
=====================================
اسوا من الكراهية هو الاستكراه
فالمسكون بها يودجبار الاخرين يا ولداه
على تبنى ونشر كراهيته ونجاح مسعاه
بالرغم من الحب والمودة هن المرتجاة
وفيهم البناء والبقاء والاستواء
ومحاربة الكره والعداوة والالتواء
وسيادة التناغم والتعاون والاحتواء
لكل الخلافات والتوجه نحو البناء
===================================
صانع الشر
==========
يا صانع الشر عارف نهايتك ايه؟
هتصير عبد شيطانى بعد ما كنت بيه
وهتتخلى عن انسانيتك ...مش عارف ليه؟
لاجل مكسب زايل ...الحق تطلع عينيه
=======================================
القهر
=======
القهر هو تكسير وعجن وصهر
لكل ما يخالف القاهر فى عز الضهر
وممارسة كل اساليب الاحتيال والعهر
وبيع الضمائر فى سوق النخاسة والفجر
لتبرير كل الممارسات ضد الفكر الحر
===========================
ناجح يوسف فهمى

الاثنين، 6 أكتوبر، 2008

حالنا فى ذكرى العبور

كل عام ومصرنا الحبيبة بخير وسلام وانتصار
===================================<
بالامس وانا اتابع برنامج العاشرة مساءا وفى معرض التغطية
لظاهرة التحرش الجنسى التى اصبحت للاسف مظهرا من مظاهر الاحتفال
بالعيد فى قاهرة المعز ذكرت المذيعة اللامعة منى الشاذلى ان مصر حصلت
على المركز الاول فى التحرش الجنسى متقدمة على افغانستان الحبيبة
التى احتلت المركز الثانى.....فانفعلت وكتبت هذة الكلمات......لعلها
تكون جرس انذار لما وصلنا اليه
=================================================================
مبروك علينا المركز الاول فى التحرش الجنسى
لمصر الحضارة والمنارة والفكر الجميل المنسى
التى تهاونت مع السفهاء كثير لعل الحال يمشى
ولكنه تقهقـر للخلف ولاسفل الدرك السفلى
بما لا يليق ابدابنا ولا بنمط القيم العلوى
الذى نشأنا وترعرعنا فيه طول عمرك وعمرى
لنختم حياتنا بهذا التدهور المستمر والدورى
ام نفيق ونراجع ونعدل ما التوى بفكر ثورى
اوضاع وضيعة وضعتنا فى وضع متدنى ومخــــــزى
نرفضة بكل اللغات والاشارات والحركات ونحتذى
حذو من سبقونا ابطال العبور وبهم نقتدى
ونعود لرشدنا وسابق عهدنا وللاحترام نهتدى
============================================
ناجح يوسف فهمى

الثلاثاء، 16 سبتمبر، 2008

كل عيد تعيش فى سلام وتعيد
وتعلو وتسمو ..وعلى نفسك تتسيد
ولا يتحكم فيك اى من كان عبد ولا سيد
وعن الشرور تنأى بعيدا وتتحيد
وتجود بخيرك لغيرك وتكون الجيد
وتصفو وتسامح ولا تكون ابدا كيد
وبالاخلاق والمثل والقيم تتقيدوتقيم جسور الحب والود وتشيد
ناجح يوسف فهمى

الثلاثاء، 2 سبتمبر، 2008

مناقشة بعض الامثال الموروثة

اولا كل عام وانتم بخير
ودائما وابدا بخير
المدونين الاعزاء
اليوم انشأت جروب على الفيس بوك
واسميته(ااحترم عقلك يا بنى ادم)وذلك من اجل مناقشة
بعض الموروثات الخطأ والتى نتمسك بهاونعمل اقصى الجهد من اجلهاحتى ولو كانت خطأ
فمثلا المثل القائل(انا واخويا على ابن عمى وانا وابن عمى على الغريب)مثل عنصرى وخطا فكيف اكون مع اخى ضد ابن عمى اذا اخى على خطأ وابن عمى على صواب
انه التعصب للآخ ومعاداة ابن العم واصرار على الخطأ من جانب اخى
وكل عام وانتم بخير

الجمعة، 1 أغسطس، 2008

براءة ممدوح ....القبض على كاراديتش.......الافلات من العقوبة

براءة يا ممدوح
==============
العبارة غرقت رغم معاها شهادة تطعيم
وجرحنا المتهم الهارب رغم انـــه زعيم
حدد لنا النسل بأثر رجعى لان قلبه رحيم
وده من اثر المحرض الاساسى الشيطان الرجبم
الذى دفع الركاب للغـرق فى تصرف مش حليم
لابتزاز صــــاحب الشركة ابو اسطول سليم
حقدا وعدوانا على كل مستثمر عظيم فخيم
فأرجو الاعتذار له او قل يا رحمن يا رحيم
========================================
لعل هذة الابيات ترضى عنا اهل الفساد والمفسدين
========================================
بعد القبض على كاراديتش بتهمه انه سفاح
لن ولم يهنأمجــــــرم وسفاح وينام مرتاح
فالدور قادم لباقى المجرمين بعد هروب وبراح
وعدالة السماء ستتحقق ويشعر العالم بارتياح
بعد ما فر كثيرامن المجرمين بما سببوه من جراح
ليعاقبوا فى السماء مع الشياطين والاشباح
ولكن عقاب الدنياعبرة وعظة لزملاء الكفــاح
لمن يقتلون عن عمد لتحقبق المكاسب وجنى الارباح
===========================================
مبدأ عدم الافلات من العقوبة
===========================================
متى نطبق مبدأ عدم الافلات من العقوبة
ونحاسب المجرم ويأخذ المظلوم الاجر والمثوبة
ام هذا الامر ضايع فى عزب واقطاعيات العروبة
لا.فقد يتغير المناخ الفاسد الظالم الاعجوبة
بفضل المجتمع الدولى الحاقد ودى مش اكذوبة
ويعود الحق ويعود للنيل ما فقده من عزوبة
وتشرق الشمس وتقضى على الجراثيم والرطوبة
ويعود الرشد والصحة لاوصالنا المعطوبـــــة
========================================
ناجح يوسف فهمى

السبت، 7 يونيو، 2008

قاموس كلام على بلاطى....العظمة بتاعتنا...الام...الاب...الزواج...الوقت

العظمة بتاعتنا
========================================
كل شىءعظيم فى حياتنا بمعنى كثير العظم
فأغلب كلامنا عدائى وهايف لكنه شديد النظم
ولساننا فصيح فى الباطل اما فى الحق اخر لجم
ذواتنامتضخمة واداؤنا معدوم او صغير الحجم
كارهين للعمل ومحبين للكسل ولغيرنا اخر ظلم
والافكار السلبية هى كل ما احببناه فى العلم
اقوياء فى العداء وضد الوفاء ولم الشمل
ثرواتنا عظيمة من الحشرات والجراد والقمل
ثقيلى الدم و الوزن وعلى الاخرين
شديدى الحمل
==========================================
الام
=============================================
الام مؤسسة تؤسس لما هو ات فيما بعد
فأن أ سست بحق حققت الامال والوعد
وصنعت اجيال تلبى المطالب وتجلب السعد
وتحافظ على اسرتها عن قرب وعن بعد
وتبعد الاخطار وتغمر اسرتها بحنان مثل الامطار
وتحافظ على القيم والمثل وتمنع التكاسل والاستهتار
بما تزرعه فيهممن حب العمل والتواصل ليل نهار
ومجهودها لا يضيع هباءا ولكنة نعمة الاستثمار
فا ن قصرنا فى التربية والتنشئة والتأسيس
اثمرت بكل ما هو ضد المجتمع ومنحرف وخسيس
يهدد الامجاد ويصنع التعاسة ويعيش تعيس
ويحطم ما حققهالاوائل منذ املك رمسيس
================================================
الاب
----------------------------------------------
الا ب هو الكبير اللى بحنانه بيكب
وبعطفه على اسرته يغطى ويصب
وفى كل الظروف يضحى براجته ويحب
من غير انتظار رد لانه للاسرة رب
وهذا دوره بيلعبه بهدوء وسماحة
ونفسة راضية ومرتاحه
بما يقدمة ويجد فى تعبهوكده اكبر راحة
سواء فى البيت او العمل او الساحة
وان وجد نكران بيتقبل ويغفر
لان دوره بلا حدود يعطى ويعمر
وعن ايديه وعزمه يشمر
---------------------------------------------
الزواج
=============================================
الزواج شركة تقدم الاشباع والارتواء
والراحة والسكينة والتوافق والاحتواء
بما يقدمه الشريكان من تضحية وهم سعداء
واذ تنازعا اصبح الامر مجرد عبس وهراء
بل احيانا يتحول الى مشاجرة وعداء
ولا يهناوون بعيشة صبح او غداء
=============================================
الوقت
=============================================
الوقت هو اغلى ما تملكه يا انسان
فان احسنت استخدامه احسنت البنيان
وان لم تحسن دخلت فى دوامة النسيان
فاحسنوا استغلاله مثل حكماء الزمان
فى تحصيل العلم وتحسين الحياة لتنال الامان
وتعيش فرحا مسرورا شديد الايمان
ولا تندم مثل من ضيع العمر هبة الرحمن
فيما لا يفيد وتصيـــــــــر ندمان
--------------------------------------------
ناجح يوسف فهمى


>

الأربعاء، 21 مايو، 2008

الارهاب

الارهاب هو قهر الاخوة والاعادى
وفرض ما يقول به وما ينادى
مهما كان ظال لكنه فى غيه ماضى
فى فرض فكره الاسود المعادى
لكل ما هو انسانى وطبيعى وعادى
وغير شاعر بجبروته الاستبدادى
وضارب اى توجه ديموقراطى

الجمعة، 9 مايو، 2008

السلام فى ثوبه الجديد

السلام يا ساده فى عالمنا اليوم فى ثوبه الجديد الظريف
هو السمع والطاعة وعجين الفلاحـــة من الطرف الضعيف
والاملاءات والحماقة من الطرف القوى الخفيف
سريع الحركة قوى الضربة القاسى العنيف
وكل واحد يعرف امكانياته ويكون حصيف
واستحالة صدام البيضة مع الحجر مهما كان خفيف
وهل الفلاح يستوي مع الهوارى الغنى الشريف ؟؟*
ولو فكر فى ذلك يا سواد ليله الاسود المخيف
تحرشات وضرب تحت الحزام بمساعدة الظالم ابو العريف
ولو تجرأ وطالب بحقه هيلاقى السب والشتيمة والتعنيف
فكن مسالم وتخلى عن حقك واعمل له تخفيف
وامشى جنب الحيط او جواها تبقى حلو وظريف
----------------
ينقسم المجتمع فى الصعيد الى هوارى وله القول الفصل
والفلاح الذى يسدد فواتير التخلف بدون ما ياخد وصل
---------------------
طبعا هذا الكلام ينطبق على كل العالم التالت
وانظر الى لبنان والعراق والصومال
هتلاقى كل الحق للسيد القوى وعلى الضعيف
علشان يعيش يعمل مش واخد باله من حقوقه المنتهكة
وحتى العلاقات بين الدول وبعضها البعض البعض مثل
اسرائل وجيرانها
وايران وجيرانها ا
وكل من يمتلك قوة غاشمة يفرض ارادته علىمن ادنى منه
ولله الامر من قبل ومن بع
-----------
ناجح يوسف فهمى

الثلاثاء، 22 أبريل، 2008

قعدت مع نفسى وعملت مجرد استعراض
ناس جميلة بس قليلة وناس ما لهاش فى البياض
شغلتها العكننة والسواد ونشر الامراض
يوم ما يكون كويس يكون فى غاية الامتعاض
ويوم ما يقلب يكون لعنة وفى غاية الانقضاض
يفتك بهذا ويتحرش بذاك وهو شديد الاستغراب
من ردود الفعل على افعاله ومتهيأ له انه عابد فى محراب
وهو مش حاسس بافعالة اللى هى قطعة من العذاب
ويقول الناس تعمل معايا كده لية وتقفل فى وشى الباب
فتح عينيك يل اعمى البصر والبصيرة كثير الارتياب
وعيش حيلتك بالمودة والمحبة تصير من الاحباب
وتدخل حظيرة الانساتية من بعد طول غياب

الاثنين، 21 أبريل، 2008

لا راحة فى الدنيا

لمن يبحثون عن المستحيل لا راحة فى الدنيااقول
مهما ازدهرت واخضرت هيجى يوم تكون فى زبول
فارضى يا بنى بحالك وانصت للكلام المعقول
اصبر على حال الدنيا ولا تكن قلق عجول
فالصبر يا بنى هو الدواء وبه الحظ تنول
والدنيا متقلبةو كل يوم لها حال توريك لون
من الوان الطيف السبعة وخاصة الازرق الارجون
ويوم تنكدك وتحزنك وتعزف لك شجون
ويوم تبسطك وتفرحك وعلى العكس تكون
لكن بالامل وطول البال كل شىء يهون
فاجعل شعارك الاملىوانتظر الصدر الحنون
عيش ايامك بكل ما فيها طول الايام والسنون
والزم الادب والاحتراموتخلى عن العبث والمجون

الأربعاء، 16 أبريل، 2008

تحية الى المرأ ه (بمناسبة تعيين قاضيات جدد)

هيا بنا نقدم للنسوان اعتذار
فهن بنتى واختى وامى ونرد لهم الاعتبار
لا نتخلى عنهم ولا نفارقهم الا اضطرار
ونعود لحضنهم بسرعة وكأنهم المطار
ونعيش معاهم وبيهم عيشة الاحرار
ونقدم لهم عما بدر منا واجب الاعتذار
فهن بالنسبة لنا احلى قلب ومزار
مشغولين بيهم وليهم ليل نهار
ويعلم ربى الواحد القهار
=====================
تعالوا معى نعوضهم سنين الانكسار
ونلبسهن تاج الافتخار
فهم يستحقونة بكل محبة واقتدار
ونكمل معاهم وبيهم بقية المشوار
ونشركهم معانا فى اتخاذ القرار
ونثمن عملهن قاضيات ونلبسهم اكاليل الغار
ونقف معاهم ضد كل رجعى متعنت جبار

الثلاثاء، 15 أبريل، 2008

انواع البشر

النوع العظيم لاوجاعه كظيم
يساعد الناس وما لهوش مثيل
طيب ومتسامح وانسان جليل
يخدم الناس السليم والعليل
==========
النوع الاصيل عمره عن الحق ما يميل
عظيم وعشرى وحلو وجميل
فكره راقى وعقله كبير
ينير الطريق ويقود المسير
===========
النوع اللى فى حالهه
عمره ما تيجى حاجه على باله
راضىبكل شى واى حاجه تهنى له
رغم انه سلبى لكن احسن من غيره
شاغل نفسه يواصل نهاره بليله
=========
النوع المبهج المضىء يسر ولا يضر
لا يتأثر بشىء عايش حياته حر
قدوة للمحترمين وعلى الحق يسير
يحاول يبسط الناس وطريقهم ينير
========
النوع الهايف غير نفسه ما شايف
لايقدم ولا يأخر حاضر وكأنه غايب
فى زمنا ده مالهوش نايب
طبعه كده سواء شباب او شايب
==========
النوع الردى عمره ما يهتدى
حقير وناكر للجميل وبالشيطان يقتدى
كرشه واسع يهضم حق الناس وحقى
ربنا يبعد شره عن الناس وعنى
=============
نور التور الهايج تكلمه يجى لك رامح
لا تعرف قلبه ردى ولا مسامح
خطواته غير معروفه ان كان جاى او رايح
كل الناس تجنتبه وهو فى غيه سايح
========
نوع الحية الرقطاء ناعم وكلماته ملساء
يوضع فى سكتك الخوازيق ويلوث عليك الهواء
يربى وتشرب على كده وبئس الاناء
ندل وقليل الاصل معدوم الوفاء
=======
عزيزى انت .....من اى الانواع
ارجو ان تكون من احسن نوع
تروى الناس وكأنك ينبوع
تنشر فكرك الجميل على الناس والجموع
لا تهدد ولا تخوف وتروع
تكوم بلسم يشفى الجراح
وتعوض الناس عن اللى راح
وتكون جامد ومرن ولا تهزك رياح
وذو وجه باسم ومشرق كل صباح
تتمنى الخير للناس والرباح

الاثنين، 14 أبريل، 2008

التعامل مع الشخص الخسيس

اذا وضعت الظروف فى طريقك شخص خسيس
اوعى تعمل حسابه وتجاريه وتسيس
فلو كبرته يصغرك لان بطبعه رخيص
تجاهله وسيبك منه وحطه فى حجمه الطبيعى
يحترمك لانه جبان ويعطيك حقك ويراعى
وبدل ما تحترمه يهين نفسه بدون داعى
لان اسوأما فى الانسان الهوان والخسة
وللاسف الاتنين وجهان لعملة واحدة
كترت اليومين دول وكمان لسه
ياما هنعانى ونشوف من هذا الصنف
بيكتر بشدة وقرب يبقى عرف
رحمتك يا رب بينا وعلينا واللطف

الجمعة، 11 أبريل، 2008

نظرية المؤامرة

ليه استهوتنا بحدة نظرية المؤامرة
وهى اشد خطورة من الغفلة والمقامرة
فانا لاانكر وجودها ابدا بالمرة
ولكن اين نحن يا حسرة
ولماذا لا نعد العدة ونملك القدرة
لمواجهة كل الصعاب بالعلم والخبرة
وكيد الاعادى تحدى مثله مثل اى مضرة
نواجهه بالاستعداد واليقظة والمسرة
فهذا واجبنا مواجهة النيران المستعرة
سواء نيران صديقة او عدوة
اما نتكاسل ونعلق غلطنا على كلب او هرة
هذا هو التقصير والعار والمعرة

الأربعاء، 9 أبريل، 2008

تعليق على احداث المحلة

ما حدث فى المحلة شىء يندى له الجبين ومرفوض
=========================
كل ما نتقدم خطوة نتراجع للاسف ملا يين خطوات
بعد المظهر الحضارى والاحتجاج السلمىورقى المظاهرلت
عدنا نكسر ونخرب ونأذى بعض وكأننا حشرات
راحت فين عقولنا يا سادة يا حضرات
ولية الردة عن تحضرنا فيما سبق من احتجاجات
هل الضرب والتخريب وحرق المدارس والمنشأت
هيرجع الاسعار للعصر اللى مضى وفات
ام العمل الجاد وحسن المطالبة وردع الانحرافات
بالعمل السلمى الحضارى الذى يحفظ المقدرات
وبلاش تظهرونا وكأننا همج زمن ولى وفات
ولا نستحق الد يمقراطية واننا ارباب الازمات
وتكبلونا بقيود وقوانين تعرضنا للاهانات
وساعتها نكون ظلمنا انفسنا ولا تنفع الحسرات
وبدل ما تكون عندنا محلة كبرى تكون عندنا محلات

الاثنين، 7 أبريل، 2008

سلم الواسطة(ما اعجبه سلم)

تعالى يا ابنى شوف واتعلم
علشان تاخد فرصتك يلزمك سلم
يوصلك لحلمك وساعتها حقك تتسلم
من غير سلم الواسطة مش هتوصل لنتيجة
مش مهم شهاداتك ولا مهاراتك العديدة
هتلاقى نفسك عاطل وفى ازمة شديدة
لكن سلم المحسوبية هيفتح لك الابواب
مش مهم تكون عجوز ولا شباب
كلمتك هى الصح وهتمشى على كل الرقاب
===============
اصبحت زيك زى الحرامى بالضبط
عايز له سلم علشان فى شقتك ينط
وساعتها يستولى على اموالك ويفط
================
شفت الزمن اللى يخلى الموهوب وصاحب الحق
يتسولوا فرصة كانهم مش احرار ولكنهم رق
من الزمن الغريب ده احط صوابعى فى الشق

الأحد، 6 أبريل، 2008

زمن الاعدقاء

هل الصراحة والحق مضيعة للاصــــــــدقاء
لا اظن ذلك فى زمن الاعد قاء معدومى الوفاء
ففيه كل صديق به عدو يتستر فى الخفاء
وكل عدو محتمل ان يكون من الاصدقاء
هذا و تلك متوقف على المصلحة السنحاء
فاذا كنت ذو جاه الكل صادقك وجاء
وان شمسك غربت استحقيت قسمة الغرماء
الكل يفوز منك بقدر العداء والهجاء
يريدون مص دمك بلذة حتى الارتواء
وان استعدت نفوذك ابدو لك عدم الاستغناء
قلوبهم وحناجرهم لك حضن وفداء
وان كنت بلا نفوذ تركوك وحيدا فى العراء
متعللين بقولك الحق وانك من الصرحاء
============
تعليق على مقولة قول الحق لم يترك لى صديقا
==========================


الى واحد مش هاضمنى

اتيت ذنبا مهولا وانت للتسامح خصم
احببتكم حبا كبيرا ووجدت لديكم كل الظلم
يا عديم الوفاء يا معدوم الفكر والعلم
ماذا جنيت حتى ارى كل هذا الكره والسقم
من اناس لم اكرههم يوما رغم كل هذا الظلم
لماذا كل هذا التحدى ؟وكل هذا الحقد السقيم
وانا مخلص لكم وانتم جعلتمونى غريم
واود التعايش معكم وعلى استعداد لدفع الرسوم
وننقى الجو الملبد والقاتم والمحمل بالسموم
ونتخلص من كل فكر حاقد مريض مذموم
ونساعد كل انسان يائس وكل مظلوم
ونصبح فى سماء العدل كواكبا ونجوم
نرضى رب الكون ونرضى كل مظلوم
ونمسح دمعة كل باكى ونعطف على كل محروم
ونصبح اصلاء بجد والاصل يرفرف ويحوم

السبت، 5 أبريل، 2008

الباب الدوار

ليه يا وطن صرت متل الباب الدوار
نلف فيك طول الليل والنهار
بعد الراحة نلاقى الضيق والعيش ا لمرار
من تعب لتعب اكبر وهلما جرا فى تكرار
امتى نعود ذى الناس وندوق طعم الانتصار
ام اعتدنا وتعودنا على الذل والانكسار
والتراجع فى كل المجالات والانحسار

الخميس، 3 أبريل، 2008

دموع فلسطينى

وبعدين وياك يا قدر دا احنا عايشين ماسى تنطق الحجر
والبهوات بتوعنا بيتخانقو على الكراسى ودى مش امور بشر
بنختلف و نقتل فى بعضينا ...والاختلاف محتاج وعى وحذر
ومنين الحذر ييجى دا الطمع على السلطة اعمى البصر
على مدى الايام والليالى ما بنبطلش كلام عن السلام
وشوف من امتى واحنا شاربين المــــر فى الخيام
وعايشين تايهين فى العالم والعالم بيحل مشاكلنا بالكلام
امتى يا سادة نرجع ونرجع وطننا ونعيش فى امن وسلام
....................................
عايزين نقتدى بمصر اللى بالحرب والسلام رجعت سينا
واحنا بالمقاومة والمفاوضات نرجع القدس للدنيا ولينا
وقبل كده بالـــــــتكتل ومساعدة الاشقاء نحرر اراضينا
ونفتح القدس الشريف لاهل كل الاديان وكل البشر ولينا
ونحقق امل الاحرار والشرفاء فى كل مكان وامانــــينا

الأربعاء، 2 أبريل، 2008

حفيدى

حفيدى يا حفيدى فيك الامل وفيك تجديدى
يوم مولدك السعيد كان ميلادى وعيدى
حفيدى يا حفيدى غلاوتك من غلاوة ابنى وسنيدى
ميلادك الميمون خللى الدنيا كلها كأنها فى ايدى
انت غنوتى الحلوة ورضاك وفرحك املى ونشيدى
بسمتك احلى بسمه وبكاك سبب تنكيدى
ربنا يخليك لابوك وامك وجدك يا شريان قلبى ووريدى
================================
لا يبقى لنا غير الامل مهما كانت الصعاب
==================
سعيد انا برغم جروحى والالامى
سعيد انا برغم دموعى واحزانى
سعيد انا لقوة ايمانى
وتصميمى الاكيد وعزمى الانسانى
فكل ليل يجى بعده نهار والشمس تشرق من تانى
وتحلى الايام وتعود ويرجع الفرح من تانى
اغنى وافرح وانسى اشجانى
واداوى جروحى وامسح دموعى واحزانى
======================
لكن ده ما يمنعش احيانا اكون العكس
=============
حزين انا لحالى
حزين للى بيجرالى
حزين ومش عارف لحزنى نهاية
ولكن املى فى الله كبير وعندى ارادة التغيير
وده على الله مش كتير سبحانه العلى القدير
قادر يغير الاحوال من حال لحال
والحزن بالفرح يتبدل وتبقى الحياة افضل
بس الصبر وطول البال والدنيا تبقى اخر جمال
ويا فرحة الصابر على الالام والشجون عابر
ويلبس اكليل الغار كل من يحترق بدون ذنب بالنار
================

الرأى المخالف

رؤية للرأى المخالف
==================
ليه كل واحد منا يشوف رأيه هو الصحيح
ورأى غيره خطأ وفوق ذلك قبيح
ليه كل واحد منا يشوف نفسه هو الرشيد
ويشوف غيره ساذج واهبل وعبيط
لا يا عزيزى واجب علينا احترام راى الاخرين
حتى لو كانوا ضد رايى مخالفين
لا يوجد اى حد مهما كان احتكر الحقيقة
حتى لو كان له الف سكة وطريقة
تعالى اعرض رايك مع رأيى المخالف
ويصبح معنا رأ يين نولد منهم رأى تالت
وبكده نضع اساس الديمقراطية
وتصبح بلدنا صح الصح وحرة وابية

الثلاثاء، 1 أبريل، 2008

تحية تقدير لمن يعادينى لانى لن ولم اعادى احدا ولو كره الاعداء

اشكرك يا من تعادينى لانك تجعلنى اعمل بجديه
واتخلص من نقاط ضعفى واتعامل معك بحب ونديه
اشكرك لانك تجعلنى اتعامل معك وانا صاحى
وممنون لك لان غدرك بيخلينى احافظ على نجاحى
وكذلك مش هتقدرتعمل حاجة مش مقدرة لى
واطلب لك الهداية ليبعد شرك عن البشر وعنى
وتوووووب وارجع لربك وخليك واعى
ويا ريت تمشى على المنهج بتاعى
القائم على الصب والمودة والتسامى

السلك الشائك

هل قابلت يوما مثلى بشر مثل السلك الشائك؟؟؟؟
تمر جنبه يمسك فى هدومك مثل المشابك
صعب تخلص منه وهو فى جلدك شابك
لا تعرف تراضيه ولا تعرف تخلص منه
تمل منه ومن تصرفاته وزنه
لدرجة تتمنى تخلص من حياتك ومنه
يكرهك فى الكلام من مشاكله وهمه
=================

الاثنين، 31 مارس، 2008

جوزى يا جوزى

لم ارى اغنية توحد ربنا تغنيها مطربها لجوزها لعل المانع خير
واذا لم يوجد زوج واحد على ظهر البسيطة يستحق اغنية
فلنغنى للمعنى وليس المبنى......لعله يكون مفهوم الكلام
============================
جوزى يا جوزى يا رفيق دربى
واملى وحبى وفرحى
جوزى يا جوزى يا لانصيبى وقدرى
يا حلمى فى نومى وصحوى
جوزى يا جوزى بتتععب لراحتى
تكد وتعمل لتلبية مطالبى
جوزى يا جوزى يا اخويا وصاحبى
وابوى وعمى واهلى
جوزى يا جوزى يا رفيق يومى وليلى
وانيس وحدتى وصديقى وخليلى
جوزى يا جوزى يا قلبى وعقلى
وفكرى مشغول بيك حتى فى صمتى
زوجى يا جوزى يا نور طريقى
وبسمة حياتى وحبى ونبراسى
وجميلك فوق جبينى وراسى
وفى وجودك عمرى ما اقاسى
======================
بالمرة مراتى يا مراتى
===========
مراتى يا مراتى يا اغلى شىء فى حياتى( المفروض كدة)
يا ام ولادى وبناتىوشريكة العمر وشريكة حياتى
مراتى يا مراتى يا رفيقة نجاحى واحباطاتى
كم فرحتى لنجاحى وحزنتى لانتكاساتى
مراتى يا مراتى اقضى معاكى احلى حياتى
يا حبى وفرحى وضجكى وابتساماتى
مراتى يا مراتى اقضى معاكى احلى ساعاتى
فى ايامى وليلاتى تلبى كل احتياجاتى
مراتى يا مراتى يا مالية كل حياتى
وتسمعى شكوتى واهاتى وتفنى عمرك فى خدماتى
==================================
وبالمرة الحما
=======
حماتى يا حماتى
=========
يا ام شريك حياتى واللى بيه اتحققت اجمل امنياتى
حماتى يا حماتى
منك اكتسبت كل خبراتى وتقدمى لى كل مساعداتى
اسستى لى بيتى مع حبيبى وحبيب حياتى
يا حبيبة ولادى وبناتى فى الماضى والزمن الاتى
هتكونى دايما قدوتى فى التعامل مع زوجات اولادى
حماتى يا حماتى
لا يوجد بين الحموات لك مثيل فى حبك وحنانك الاصيل
حماتى يا حماتى

الجبابره اخوتى

بمناسبة القمة العربية
احكى قصتى مع الجبابرة اخوتى
========================
سيداتى سادتى سأروى لكم حكايتى
مع الجبابرة اخوتىفالضعيف فيهم متاكل من القوى
والغلبان مذلول قوى من السيد الغنى
والشيخ العجوز متهان من الشاب الفتى
والمريض عاجز امام السليم المفترى
سيداتى سادتى المفروض العكس يصير
والقوى يسند الضعيف والغنى يساعد الفقير
والسليم يخدم المريض والمفتح يقود الضرير
سيداتى سادتى...ما رأيكم فى قصة اخوتى
علشلن كده فتوة الحارة فينا طمعان
والشجاع فينا بره البيت جبان
ومش شاعرين بالراحة والامان
وبين بعضينا فاقدين مشاعر الانسان
وفافدين احساسنا بالوقت والزمان

الأحد، 30 مارس، 2008

مش مبسوط

مش مبسوط لكن عايش وحدتى
ولما اتخلص منها متاعبى تبتدى
دا الوحدة احسن الف مرة من الحظ الشقى
والحظ الشقى احسن من الصديق الردى
اللى يعيش فرحك وفى همك يختفى
وعليك يدوس ويعلى ويرتقى
ولكن احذرك اوعى برجلك تدوس بسطتى
ودع عنك طريقى ومش هاكرر تانى غلطتى
واضعف امامك واسلم لك مصيرى ورقبتى
وهاسحب وعودى وكلا مى وكذلك منك برى
====================
فيكى ايه يا دنيا غير الكلام
===========
فيكى ايه يا دنيا غير الكلام
كلام حنين ينعش الراجل والمدام
وكلام خشن يهدد الانسجام
بس خلينا فى اللى يزرع الحب والوئام
وامشى مع الناس بالود والاحترام
وافتح للدنيا عقلك والمسام
هتكون فريش وسبور واخر مرام
وتملك نفسك وتبعد عن الحرام
وتترك الشح وتكون من الكرام
وتعيش نبل العواطف زى زمان
وترجع المبادىء وطهارة الانسان
===================
كان لى صديق طيب المظهر والكل به يلوذ
فجأة ظهر سوء مخبره واصبح انسان منبوذ
لنقصه طيب المشاعر والصدق وامثالهم لا يحوز
فاصبح بعد الدفء باردا مثلة مثل قديم الشوز
يفر منه الجميع واتركن على زير الحياة مثل الكوز
ربنا يكفينا ويكفيكم شر الوحدة والعوز
رغم الرحمة مع امثاله لا تجدى ولا تجوز
واصبح يرفس فى الحياة لا اقول بحافر ولكن بالجوز
حاز غضب ربنا ومقت البشر وبئس الحوز
واكل حصرم الحياة بعد اكل الشهد واللوز
وصار يلوك الحسرة والبؤ س من بعد التفاح والموز

السبت، 29 مارس، 2008

كل شىءكتيير وزيادة

كل شىء عندنا كتيير وزيادة
الاغنيا مليارديرات ودى الريادة
والناس مش لاقية تاكل كالعادة
والمتدين شادد حيلة فى العبادة
والمنفلت اخر غلاسة وتباتة
والمرضى ملوا المستشفى والعيادة
والتعليم منهار قوى يا سادة
والصناعة بتصرخ فين هى الارادة
وفى السباسة كلنا منظرين وقادة
وفى الرزالة بعضنا اخر غتاتة
وفى الكورة كلنا راس حربة وفراودة
وان احترفنا بسرعة لعيبتنا تكون معاودة
واراءنا مستفزة ومش مهاودة
ونفسنا مع العالم قصير ومفيش مقارنة
======================
كلام .......وكلام
==========
ان كنا مؤمنين بأن اسرائيل الى زوال
حسنا فلنحسن العمل والمقال
ونعيش ايامنا فى سلام بدون قتل او اغتيال
وننتظر تحقيق هذة الحقيقة والامنية والفرضية
وساعتها اتوماتيك سوف تحل القضية
بعدما يصرخ الحجر خلفى يهودى فا........
وهذا حرامى ونصاب و....حاكموه
وقبل ذلك الواجب اللى عليكم ادوه
ولا تهينو شعوبكم وانفسكم بما تعملوه
============

الخميس، 27 مارس، 2008

الدنيا دى

الدنيا دى غابة وماسكها شيخ منصر
والناس غلابة مربوطة بسلك شايك واللى عايز يتفك يتعثر
وحظهم من قزاز من اقل شىء يتحطم ويتكسر
ما عدا افراد العصابة متبغددة وعلينا بتتمنظر
ويا ويل من يقف فى سكتهم وجبروتهم المتعنطز
ويا عينى علينا صاعدين من حفرة لبير وبئس المنظر
حتى العيش الحاف مش لاقينة وقاعدين ننظر
سبحانه يفك اسرنا من غابة اللصوص وكل مفترى متكبر
ويدفع فاتورة الظلم من استأسد علينا واتكبر
دا احنا غلابة وربنا هيسترها معانا ويتستر

الثلاثاء، 25 مارس، 2008

القيم الغبية

ايتها القيم الغبية كم انتظر لتنهارى
لكى اعيش حياتى سعيدا فى ليلى ونهارى
ونتخلص من السلبية ومقولة انا مالى
واحترم الكبار مهما صغروا وكانهم كبارى
واحنو على الصغار وكأنهم صغارى
واعيش الود وللحب مقدرشى اخبى وادارى
ازيل الاحقاد والسوء والنقص وكانها عارى
انشر القيم الايجابية واجعلها حلقتى ومدارى
بدون تكلف او رتوش وبشعور المحب الهاوى
وافتح للصدق والمودة والجمال حساب جارى
واعطى للوضوح والشفافية امر سارى
فى لا اجامل احدا مهما كان ولا امارى
اسمو بعملى واكرس حياتى للمبدا الصادق العالى
وابتعد بلطف عن كل متغطرس متعالى
واقترب من الشخص المحترم الوقور المثالى
اتحرى الصدق والحق ولا اخاف ولا ابالى
لا ابيع احدا واظل دائما طالبا وشارى

الاثنين، 24 مارس، 2008

حقنا الشعب فين

ما يكونش يا جماعة احنا ولاد البطة السودة
دايما حقنا مهضوم ورايح وما لهش عودة
ويا اخى الغريبة انه ضايع سواء غصب او بالجودة
بالرغم من الالحاح فى الطلب فهى الحلم والانشودة
ولا نجد الا التسويف والمماطلة والامانى الموعودة
من قلوب عمية البصروالبصيرةو متعبة ومكدودة
وفى النهاية تجد كل الطرق للحق مسدودة
يا ظالم انصف نفسك فايامك قصيرة ومعدودة
والحقوق محفوظة لا صحابها ومن غيرك مردودة
ونهاية الظلم تلاقى خيمة حياتك مهدودة
وقصتك مروية للعبرة بعد حياة قاسية ومشدودة
=================
كم نفسى رايدة وتواقة
لممارسة المرونة الايجابية الخلاقة
التى تحق الحق وتحسن العلاقة
وتخلى النفوس هادية ومرتاحة ومشتاقة
لبذل الجهد المضاعف الذى يستحق من الورد باقة
ويتقبل متاعب الحياة مهما كانت شاقة
ويسعد ايامنا بالخير وتكون مضيئة وراقة
ونستمتع بتغريد العصافير الزقزاقة
ونعود بخير للادب والذوق واللياقة
ونتخلص من مراسم الفهلوة والحداقة

الأحد، 23 مارس، 2008

معا امام الله

السادة الكرام اعضاء فريق امام الله
تقبلوا منى اطيب المنى على فكركم الراقى
تقبلوا منى هذه الكلمات لشد ازركم فى جهدكم الرائع
حاولت الدخول على موقعكم ولم اتمكن
===============================
معا امام الله
فى الفرح وقول الاه
معا امامك الله
اخوة فى الوطن واصدقاء
نتصدى لمن يعادينا من الاعداء
اما اخوتنا فى الوطن فلهم الحب والوفاء
لانه لم يوذينى ولم يعادينى
ويؤذينى ازاى والنبى وصى على سابع جار
وابن مريم صاحب دعوة الحب المحبة باقتدار
كلام وفعل جميل بنعيشة ليل نهار
دا العشرة ما تهونش الا على ابن الحرام
سامعين يا سادة سامعين يا كرام
واحنا كلنا بعيدين عن الحرمة والحرام
ومثال للعشرة الطيبة والالتزام
===========================
كلة بالقانون
=============
فى العالم المتقدم كله بالقانون
واحنا الريادة كله فى الكانون*
من يختلف معنا يحرق ويعصر عليه ليمون
لزيادة الالامه ووجعه المسكون
ازاى يختلف معانا المتخلف المحزون
الا يعرف ضيق صدرنا الحنون
وكل شىء عندنا مشرشر ومسنون
ولا ننسى الاسية مهما عدت السنون
ومهما رأينا الندم فى الاحداق و العيون
فكلنا حجــــــاج لا يغفر ولا يصون
وفى الانتقام نكون كلنا فى العون
*===========================
* الكانون لمن لا يعرف فرن صغيرة لاشعال النار والاحتراق
==============================

السبت، 22 مارس، 2008

تعليق على مثل

قالوا عيش ندل تموت مستور
واقول عمرنا ما كانت الندالة لنا دستور
ولن نبقى اندال ولو سكنا القبور
فالندالة نقيصة ذى الكذب والغرور
وهى شر اقبح من كل الشرور
وازاى تأمن لندل فى امر من الامور
فالشهامة تاج لنا وهى قدر مقدور
مهما عانينا فى سبيلها وتوقف المرور
سنعبر كل المأسى والعقبات ويشرق النور
==========================
كم ظلمناك يا كلب
==============
كم ظلمناك يا كلب وانت منا لابرىء
انت الوفى لاصحابك ولمهاجمة اعدائهم جرىء
من اجل اصحابك تخوض المهالك وتندفع فى الحريق
تعلى من قيم الوفاء وتمنحها اللمعان والبريق
انت المخاص لا تخون ولا تبيع وانت الرشيق
تقفز فى لجة الحياةمن اجل انقاذ صاحبك الغريق
تسهر لحفظ الامن حتى لو كنت على الريق
وانت درة لاصحابك واغلى من العقيق
لمتى نلصق فيك ما ليس بك ايها الصديق

الأربعاء، 19 مارس، 2008

عفوا ايها الفكر الاسود

عفوا ايها الفكر الاسود الداكن
المتفشى فى بعض العقول وبعض الاماكن
وفى العالم الثالث مستقر ومعبأ فى جراكن
هيهات لن تزحزحه قوة.........ولكن
هل نسلم ونتركه مستريح وراكن
فلابد من المحاولة لتحريك وازالة الساكن
ونشر الفكر المتفتح ولو بالقانون والمحاكم
وهدم كل ما هو سىء مهما كان ثابت ومتراكم
وبناء فكر هادف بناء مهما كان صادم
لنحيا الحياة ونتقدم فى المستقبل القادم
ومن لايعمل ذلك اظنه مقصر واثم
================================
هذا حوار دار بينى وبين صاحب مخبز من مدة شهرين قبل ازمة العيش
====================================
علشان بعض موظفى التموين ياكلوا كباب
لابد انا وصاحب المطعم نكون صحاب
واديله طلبه من العيش المدعم لانه من الاحباب
والا عيشتى تكون محاضر وغرامات وهباب
وانا عارف انى ظالم المواطن ورب الارباب
هذا ما قاله لى صاحب المخبز من على الباب
فلم اجد ما اقوله له من رد او جواب
فالرجل مضغوط مثلى وليس من الذئاب
حاسس بيا ولكن من الظلم يهاب
ولكن نهاية هذا الامر هو الخراب
اصلحوا يا اولى الامر هذا العذاب
بعد ان ساد والكل يتعاطاه اكل وشراب
والمحسوبية اصبحت هى الممر والباب
===================

الثلاثاء، 18 مارس، 2008

عيد الاسرة

ابويا فى غلاوة امى وامى فى غلاوة ابويا
ولغلاوتهم تعالوا نحتفل بعيد الاسرة ديا
ونفرح ونغنى ليهم ونعطيهم حقهم فى الاشادة
فطول حياتهم بحب يتبادلوا القيادة
يوم ابويا يكون حازم وامى كلها حنية
علشان ويوم امى علشان اكون راجل تعاملنى بجدية
وفى النهاية يكملوا بعض وكانهم فرقة موسيقية
يلعبو دورهم الانسانى بعطف وحنية
وان لزم الامر يقسوا علينا شويه
دا ابويا فى غلاوة امى وامى فى غلاوة ابويا
هيا بنا نحتفل بعيد الاسرة ديا
اسرة سعيد اسرة هنية

نداء لكل البشر

ايدك فى ايدى ندخل النادى الانسانى
نعلى من القيم الايجابية واسمى المعانى
نعطى كل واحد حقه وننصف اهلى وزمانى
نتراحم وننصف انفسنا وكل من يعانى
بغض النظر عن اللون والجنس والاسامى
ونحفظ لكل واحد حقه ومقامه مع مقامى
ونحافظ على سلام الاخرين مع سلامى
ونستمع لكل الاراء وكلامك يبقى فى اهمية كلامى
نأخذ المفيد والسليم سواء كان فصيح او عامى
وفى النهاية تقبا حبى واحترامى
على ما تقدمه فىكل ما هو انسانى
==========================
البروبا جندا الكاذبة
============
الى متى ندعى الصدق ونحن كاذبين
نمشى شمال طول العمر وندعى اليمين
نتظاهر بالاستقامه ونحن المخادعين
نلوم الاخرين ونتضايق من اللايمين
نصادق الهلاسة ونظن اننا اخر المحترمين
نعاشر الغتاته وفاكرين اننا سلسين
مشاعرنا متبلدة زيها زى الصينى والميلامين
فاكرين اننا الاوائل ومحصلناش التانيين
ندعى النجاح بغير حق واحنا بلا منازع فاشلين
نتعاطى الحصرم وفالرينه فيتا مين
============

الاثنين، 17 مارس، 2008

عيد الاسرة

ابويا يا هدية السما لامى وامى يا نفس الهدية لابويا
يا ابويا وامى يا اعمدة الاســــــــــــــرة القويــة
بيكم نحتفل السنه ديا اجـــــمل احتفــــــــــالية
فرحتنا بيكم لهـــــــــا اجمـــــــــــل خصوصية
وكلنا كبير وصغير مستعدين لتقديم الهدية
يا اسرتنا يا محبة يا سعــــــــيدة يا قوية
يا سبب وجودنا فى الدنيل ديا
فى عيد الاسرة كلنا فرحانين
ولتقديم عنينا مستعدين
دا امى وابويا اغلى الغاليين
لانهم بشئونا وراحتنا مهتمين
وعايزين نرد لهم جميلهم الثمين
معركتهم فى الحياة كانت اصعب من معركة حطين
وجميلهم علينا ما يقلش عن جميل صلاح الدين
ربنا يخليكم يا اغلى الغاليين
==================

عيد الاسرة

عيد الاسرة عــيد عيد جميل ســـــعيد
والام عملها مجيد والاب فى مقام الشهيد
يعملون بجـــــــد يعمـــــــــــلون يدا بيد
الاب بيـــــــــكد وعلشانا الجبل بيهــد
والام بترعانا من المهد ومعانا لاخر حد
بتتعب بجد من غير ما تشتكى لحد
دا الام والاب رابطة قوية بجد
لوتعبنا طول الليل سهرانين
ولو نجحنا كانو اكتر الناس فرحانين
ولو كسلنا كانو لعزمنا شادين
ولهمومنا ومشاكلنا دايما واعين وفاهمين
ولامالنا واحلامنا على قدر استطاعتهم ملبين
مين زينا مين احنا المصريين

اصلاح انفسنا

زعمت زعما اود توصيله لمستحقية
لا صلاح ولا خلاص مما نحن فيه
الا بصلاح نفسنى وعملى ابتدى بيه
وغيرى يقلدنى فى الصح والغلط نتصدى ليه
وبكده يمكن اصلاح الاعوجاج السفيه
ونبدأ مسيرة الاستقامة والحريه
ونبنى المجتمع العادل المنصف لمواطنيه
ولا نميز بين مواطن واخر الا بما تقدمه يديه
ويتقدم الصفوف من يستحق بدون محسوبيه
ونبنى القاعدة العلمية وتكون لها الاولوية
ونتجنب التنابلة والمعوقين والحرامية
ونتصدى للتخلف والانحطاط والهمجية
==========================

الأحد، 16 مارس، 2008

هل جربت ان تكون جنديا فى جيش البطاله

هل جربت يوما ان تكون جنديا فى جيش البطالة
وتكون ضابطا لنفسك وامالك بدرجة عاله
وتصرف اخر الشهر شيك اليأس بدل الحوالة
تفقد قيمتك ودورك المنتظر لا محالة
ولا تملك لنفسك ضرا ولا نفعا غير الكلام والقوالة
وتكون حياتك جحيما مقيما صعب الاحتمالة
وتخطط لمستقبلك بالتهريج والارتجالة
ايها المسئول عنى لا تتركنى فى الشارع مثل الزبالة
كفايه المشاكل مع الزبالة والغلاسة والرزالة
اين حقى فى العمل واين اجد العدالة
ولما اهج لاى بلد تتهمونى بالعماله
ولما اغرق على سواحل ايطاليا تستكثرو على الشهادة
وتقيمو المناحة كالاهل والعادة
قال يعنى حزانى وانتم عايزين استزادة
وكل ما تخلصوا مننا تكونو اخر سعادة
=======================
من دعائم المجتمعات الرخوة
تفشى الفساد والرشوة
تجدها فى سفح وقمة الربوة
كنا ندفعها لاخذ ما لانستحقة
اصبح كل منا يدفعها مرغما لاخذ حقه
يا له من تقدم فى توزيع المشقة
توزع علينا بالعدل والرقة
والمرتشون يجدون فى سلوكهم محقة
لعدم وجود ما يردعهم بجد وشدة
بل اصبح لهم حماة بكل حدة
يحمونهم غدا ومبارح والنهاردة

السبت، 15 مارس، 2008

كابتن الشر

هل قابلت مثلى كابتن شر
متخصص فى تعكير الصفو والجو
له قدرة على استبدال لطف الربيع بالحر
حاقد وباعه طويل فى الخبث والكر والفر
رأس حربه ومبدع فى الاذى والقر
له فى شيطانه قدوة وبه بر
يتأذى الجميع بل وكل من به مر
كل شيطان فرحا به ورئيس الشياطين به سر
قابض على السوء بقوه بل به ذر
اذهب الى الجحيم ايها الغر
لن يبقى لك سوى سوء العاقبة والمر
====================
قالوا امشى عدل يحتار عدوك فيك
هذا حقيقى اذا كان عنده شرف من يعاديك
اما اذا كان معدوم الشرف يطمس حقك وبالارض يسويك
ويقلب حسناتك سيئات بالطبل والمزازيك
يرتب لك المقالب وتيجى لغاية عنديك
بكل حقد وخسة ولكن بمظهر شيك
بكل سوء منبت يقرفك ويدعى انه يربيك
يفتح لك ابواب جهنم وهو مراقبك من الشبابيك
لكن ربك ناصرك وسيبك من التلاكيك
اصمد وصابر هيموت بحقده ومن حقده ربنا هيشفيك
واصنع من سهامه المسمومة برجا يرفعك ويعليك
وانت يا هذا عد من غيك وتذكر ما تفعله لاخيك
=============

الخميس، 13 مارس، 2008

من فضلك ارجع عن سمك يا مسموم
مش هتقدر تغير النصيب والمسوم
وحقى باقى مهما اعتقدت انه مهضوم
فالحق اسم من اسماء الله الحى القيوم
ومحفوظ بارادته وقدرته على العموم
وسوف تشرق الشمس من بعد الغيوم
ويصبح ترياقا ما كان سما من السموم
اطالبك بالعدل والصلاح واروم
تنصف نفسك قبلى ولا تكن ظلوم
يا غارق فى الظلام وفيه تحوم
ومهما كان ظلمك لن تحجب النجوم
فالنجاح له ضريبة وله رسوم
وانت الضريبة ولكنك لست بمرحوم
فى الدنيا والاخرة هتعيش وتموت مهموم

اه يا عبد الناصر

برحيل ناصر افتقدنا الانضباط والصرامة
واشتقنا للعزة والاحترام والكرامة
وصار الفساد والمحسوبية اهم علامة
كتر الظلم والانحراف وتوحشت الندامة
اه يا عبد الناصر هل شفت امتنا المهانة
وغزة طعنة فى قلوبنا بنستقبلها فى تلامة
وكأن الموضوع لا يعنينا وبلاش الملامة
وابن النيل يشتهى الرغيف ودى علامة يوم القيامة
وخرسنا او قل اتخرسنا طلبا للسلامة
ولا سلامة بدون عزة ورفعة وكرامة
ولا كرامة بدون عقول صاحية مقدامة
تتقدم الصفوف وتزيل الاهانة
عن امة تملك كل مقومات علو المكانة
ولكنها نامت فى العسل ومالت للاستكانة
ولا عزاء للنفوس المتكاسلة الجبانة

الأربعاء، 12 مارس، 2008

احلك البشر

احلك البشر شيطان فى صورة ملاك
يمتص الهدوء وينشر البغض والهلاك
يحطم كل ما هو ابيض ويحتكر الاسود البلاك
يرفعك لمرتبة البؤس وينزلك من علاك
يمرضك بنقائصه ويتهيأ له انه شفاك
يتبعك فى مدارك وكأنه فلك من الافلاك
يمنع عنك كل خير ويلطخك وكأنه شفالك
يتذكرك ليل نهار وانت تتمنى ان ينساك
لا تخشاه ولا تنزعج منه فأنه مسيره الاحتراق
زائل بسوءه مع انه يظن انه باق
لا تنعم بنعيمه فأن عقبه شاق
اكسب نفسك وكن له قرين عاق
تتغنى وهومسيره الفقر والاملاق
تضحك وتسر وهو لا يجد غير الدموع فى الاحداق
يعيش فى ظلام وانت تعيش فى الاشراق

الثلاثاء، 11 مارس، 2008

تعليق على ازمة الحضرى

نصيبى وقدرى عشت ازمة الحضرى
مع الاحترام لموهبته وجهده الحصرى
ولكن اين حظ المبدعين فى الادب المصرى
وعلماء الطب والهندسة والانشطار الذرى
واساتذة الجامعات وصفوة المجتمع وراتبهم المذرى
وهل لو حقدت على اهل الكرة يكون لى عذرى
ام تجاوزت وانشالله اموت وهذا قدرى
واين اصحاب العقول من اصحاب الرجول
وكذلك اصحاب هز الوسط والصدور
مقارنة ظالمة تخلى الدماء تغلى و تفور
وظلمنا العلماء والادباء والكا عليهم يجور
والشباب المحبط طفشوا وغرقو فى البحور
وجعلنا من البحار نهاية لهم وقبور
وحسبى الله ........يا ولاة الامور
=======================
يا من ابحت البوس والقبلات
بين الشباب والفتيات
باعتبارها لمم تمحوها الحسنات
هل هذه حكمة ام انفلات
وماذا بعد البوس والاحتضانات
اليس هذه مقدمة لكل الموبقات
ارحمونا يا سادة من هذه الافتراءات
فقسوه الحياة لا تستحمل هذه المجادلات
ويكفينا ما نحن فيه من عذ ابات
فلا تزيدوها بالصدامات
بين العقل وهذه النداءات
والعبث واللعب فى المقدسات
ويبقى لنا الصبر ولا عزاءات
فيما مضى وفيما هو آت
========

الاثنين، 10 مارس، 2008

اللهم لا اعتراض

اللهم لااعتراض ليه كلنا مظاليم
سوا ء كنا فى العاصمة او فى الاقاليم
سواء تعلمنا او كنا بلا تعليم
حتى الظالم مظلوم بظلمه للاخرين
وكلنا فى الفراغ دايرين
المتعلم مظلوم من عدم التعيين
والمعين مظلوم من راتبه المشين
والراكب مظلوم من زحمة الطريق
والماشى مخنوق وكأنه عايش فى حريق
وحياة ضبابية بدون بريق
واخوة من غير عطف الشقيق
وابوة بيعتبروها وهم عتيق
وكلنا عايشين بافعالنا فى عنق الابريق
==========================
تماسيح النيل
======
من بين ساقى النيل خرجت تماسيح
تزأر وتعبث فى الضباب الفسيح
تلتهم الضوء وتتنفس وزفيرها الريح
تنشر لهب ودخان متعب غير مريح
تأكل الارزاق وتعيش فى تفاريح
تشرب الشهد وتتركنا عطشى مجاريح
اتبعت الشيطان ونسيت تعاليم محمد والمسيح
اخرست الالسن ولم يبقى غير الفحيح
تاجرت بالسموم من اجل المكسب السريع المريح
سكنت عن غير حق فى قصور وسكنا فى علب الصفيح
تبغددت وعانينا من الشح الشحيح
اجادت كل الاعيب الشيطان والقريح
ولم تتوارى خجلا او تعلن بالتلميح
واعلنت على الملآ كذبها الصريح
وكشفت بكل فجر عن وجها القبيح
================
ناجح يوسف فهمى

الأحد، 9 مارس، 2008

كم انت جميلة يا بلدى

كم انت جميلة يا بلدى بعكس بعض النفوس
اللى باعت نفسها للشيطان من اجل الفلوس
وتناست المبادىء واوامر ربنا القـــــــدوس
وتجاهلت القيم وعليها لاتفه الاسباب تدوس
وزرعوا القبح والحماقة وعملوه تاج للعروس
واحتضنو الجــــــــهل والاوبئة والســــوس
وضغطوا واستهانوا باشرف واحكم الروؤس
وفرضوا على اولادها وبناتها البوار والعنوس
وتنعم بالخير الاشرار والخبثاء والتيوس
واوقفوا مسيرة الحياة والسيور والتروس
واصبحوا لنا حلم مزعج بل اقول كابوس
وصرنا من قلة الحيلة ننافقهم ونبوس
غضب ربنا عليهم سيشربوه فى دوارق وكوؤس
==========
ناجح يوسف فهمى

السبت، 8 مارس، 2008

حوار بين فاسد وضحية

الفاسد
=====
قولوا معانا يحيا الفساد
اللى رفعنا بسرعة قبل الميعاد
وخلانا باشوات شلة وافراد
واحتكرنا الهوا والمية والزاد
وانتقمنا من الكل حتى الاجداد
وتحكمنا فى رقاب الدول والعباد
وكلمتنا سيف بدون ارتداد
=======================
الضحية
=====
يا فاسد بيه حرام عليك
دنيتنا اسودت لاجل عينيك
لاحاجة شابعاك ولا بترضيك
ارحم دموعنا ربنا يشفيك
واتلم لاحسن اعلقك من رجليك
لما تحين ساعتك يا شريك
يا شريك الشيطان وخلق المماليك
ستهلك وفسادك مش هينجيك
=======================
ناجح يوسف

حديث مع النفس

هذه قصيدة كتبتها يوم ما عملت ناظرا
===========================
اوعى تنسى يا نفس انك مخلوق مـــن تراب
وتقبضى على الدنيا كمن يقبض على السراب
وتتبعى هوى النفس وتطبقى شريعة الغاب
ولا تلتفتى لمدحك حضوريا او ذمك فى الغياب
فالدنيا عبارةعن رحلة قصيرة ذهابا واياب
ويا بخت من عاش وديعا سواء كبيرا او شباب
حتى لو كنت رئيسا او مرؤوس فكلنا فيها اغراب
فى دنيا زايلةومش دايمة لصقر او غراب
ولا تتغر بالصحة او المنصب او الالقاب
عيشى البساطة والسكينة ولا تثيرى التراب
وكونى شمعة مضيئة وكوب ماء صالح للشراب
تسقى العطاشى وتريحى البشر من الاتعاب
فهل فهمتى يا نفسما اعنى؟؟؟
وكذلك انتم ايها الاحباب
======================
له فى خلقه شئون
========
اوعى تزعل من الشرير ده الطبيعى بتاعه
اهله ربوه على كده والخير ابدا ما راعوا
شره راس ماله وهو دنيته ومتاعه
مخه متبرمج على كده ومفتوح على اتساعه
وفى الخير خلفه يضيق وما يقدر يفرد دراعه
وفى الشر حصان جامح فى غدوه ورواحه
لايكل ولا يمل ولا يريح بدنه وده غرامه
يلاقى فيه نفسه ويجد معاه راحته وانسجامه
ومتعتة الفضاء على الجمال ويتنفس ركامه
==========================
ناجح يوسف فهمى
على بلاطة)alabalatta(

الجمعة، 7 مارس، 2008

منوعات اخر الاسبوع

نلوم الشعب ولا الحكومة
=============================
الشعب والحكومةجناحان من اجنحة منظومة
والحكومة بنت الشعب وهو اب وام الحكومة
فاذا انعوج جناح صارت باقى الاجنحة مهزومة
ولا نلقى اللوم على احدهمهاوطبعا الاخرى ملومة
والبنت طبع امها من غير كلام ولا مساومة
والاب مسئول عن بنتة الشقية الملاوعـــة
واذا لم يستقم الجميع صارت الحقوق مهضومة
واستغرب من اظهار جهة من انها مصدومة
وانها اصبحت من حقوقها الكثيرة محرومة
فهذه دائرة تدور دورتها وكأنها كورة
والظالم يصبح مظلوم لقلة العدل والمشورة
وتظهر بوضوح عيون الجميع الملاوعة والعورة
=======================================
الوحدة العربية
================
مفهومنا نحن العرب للوحدة
ان كل فرد دنبا لوحده
يصول وبجول بشدة وحدة
بلا تنسيق مع اى حد وهذه ردة
عن حلم الشعوب المسالمة المحية
والتى تريد التكاتف وقت الشدة
وتكون سندا لبعضها طول المدة
لقهر الاعادى الاشدا والفراودة
ولكن هيهات لن يتغير فهمنا للوحدة
ونتحد ونصبح قوة واحــــــــدة
======================================
دعوة لمحاربة الفساد
==================
هيا بنا ننفذ امر رب العباد
ونتحدى ونتصدى لارباب الفساد
فهم بلا فخر مجرد مجموعة اوغاد
افسدوا حياتنا لوقوفنا على الحياد
وسيطروا على رزق لاباء حتى الاحفاد
ورجعونا للوراء بلا عودة او ارتداد
وكبلونا بسلاسل وقيود واسفاد
وامتطونا بلا خجل فشر الجياد
واخد بالك يا انت وهو وعبد الجواد
===================================
هل هى مسألة شخصية
==================
من كتر همومى اصبحت كتلة نسيان
وما عدش تفرق معايا والكل سيان
طب اعمل ايه فى هذا وتلك الانسان
اللى حنضل حياتنا وخلى عقلى مهان
ودمر حياتنا بالظلم والبهتان
وكل ده بالقانون والعلم والايمان
===================================
ناجح يوسف فهمى
على بلاطة
الجمعة

الخميس، 6 مارس، 2008

اصلاح المجتمع

شعـــــــــــــــــــــــــــــــــــر
==============================
اصلاح المجتمع يبدأ باصلاح التعليم
لكن اصلاحه ياترى يبدأ بميـــــن؟؟؟
فى مجتمع يتطور من الغلط للمغالطة فى السليم
متوحش فى فساده وعناده وقلبه غير رحيم
وحكومة تقسو على شعب وهو بدوره معها رخيم
والفكر الذكورى المتشدد مع البنات والحريم
ودلع الستات وشغل البت لمرات ابوها اللئيم
وتبنى الفكر الاسود المتشدد العقيم
واستبعاد الاستنارة ونشر التعتيم
هل بعد ذلك يمكن اصلاح التعليم؟؟؟؟؟؟؟؟؟؟
ولا سوف يظل مثله مثل المجتمع مريض سقيم
==================
ناجح يوسف

الثلاثاء، 4 مارس، 2008

الفساد هل اقول فات الميعاد واشعار اخرى

شاهدت اجنـــــــــــــــــحة طا ئر طار بعيدا ثم عــاد
فتمـــــــــــــــــعنتة جـــيدا فوجــــــــــدتة الفســــــاد
اجنحته غطــــت سماءنا وثبت بأربطة قوية واوتـــاد
اصبح يطاردنا بعنـف وايــــــــــــــــده على الزنـــاد
تحميه صـــــــــــــــــــقور فى منتهى القسوة والعناد
تم تسجيله فى دفاتر الزمن وحصل على شهادة الميلاد
سرق قوت وعمـــــــر الوطـــــن والعــــــــــــــــباد
حلمنا فى التخلص منه ضـــــــــــــــــــــــاع او كاد
بعدما اصبحنا رهينة فى يده والكل له منقــــــــــــاد
صوته عالى ومريديه فى سرور وبه البعض اشـــاد
هل يأتى اليوم الذىنصطاده ؟ام اقول فان المــــيعاد؟
========================
حوار بين التطرف والاعتدال
=======================
التطرف.......
ايدك فى ايدى ندبح الابداع
ففى دبحـــــه لذة وامتاع
نطفى النجوم باستدراجها فى نفق الصراع
ونهوى بالقمم ونرفع التطرف كشعاع
نبدل حال الدنيا ونلقى بالكواكب فى القاع
لنكسب الشهرة والوجاهة والاتباع
--------------
الاعتدال
--------------
قف عندك فالمقدسات رب يحميها ولها عطر وشعاع
ونحن شعب مستنير ومعتدل وواع
وقلوبنا لقيمنا وتراثنا سياج وقلاع
وهيهات التراث لن يعرض فى مزاد ولن يباع
وفى ساعة الجد نزأر كأسود وسباع
فاخلع ما ترتدى من زيف وقناع
وانشر فكرك مع فكرى على المشاع
ليفرز فكرا مستنيرا من رحم الابداع
ونحيل التطرف الى مخازن الاستيداع
========================
ناجح يوسف فهمى
على بلاطة====
========================

الاثنين، 3 مارس، 2008

الخطا الاكبر

اكبر الاخطاء التى نرتكبها فى حق انفسنا اننا لا نقبل الرأى الاخر مهما تعارض مع اراءنا لانه اذا لم نسمح لمخالفينا بأبداء ارائهم هيجى علينا الدور ولا يسمح لنا نحن بعرض رأينا (لانه يوجد من له اراء تتعارض مع ارائنا )وفى الحالة دى مش هنلوم الا انفسنا وكذلك اذا انتقدنا احد يكون نقد عقلانى وعلمى مش نقد لا مواخذة نقد .....او على الاقل نقد نذكر الايجابياتت والسلبيات

اعقلها وتوكل

كم يحزننى كمتابع للاخبار عندما تستضيف القنوات الفضائية بعض الضيوف وخاصة من الخبراء الكبار ونجده يتملق الشارع ويقول كلام غير مقتنع به ولكنة يعجب العوام وغير مدركين بان هذا يعتبر شهادة زور والاولى به توجيه الشارع مش يمشى على هوى الشارع لان الشارع يمشى بالعاطفة ويجب على الضيف تبيان الموقف بحكمة وروية ولا يسمح للمضيف بتويجيهه وجهة معينة ويجب علينا كمشاهدين غربلة كل مايقال ولا نسمح للاخرين بحشونا بما يريدوه لاننا مش اشوله فارغة فى حاجة لمن يملئها .....افلا تعقلون.....واعقلها وتوكل .....مش احشيها وتوكل
كم انا سعيد يا احبائى اليوم بهذه المدونة لابث ما اشعر به واحثة
ولى اكثر من سنة اود عمل مدونة ولم اقدر لعدم وجود الخبرة
وبعد لجوئى لمدونات اخرى للكتابة فيها تمكنت من عمل مدونة
oh my god
كم انا سعيد
مع انى اسمى ناجح
لكن عمرى ما كنت

على بلاطة(هل نحن شعب ديكتاتورى)او ديما كتورى

هل نحن شعب ديما كتورى(دايما دكتاتورى)
طبعا هذا رأى صادم لنفسى اولا وللاخرين
فلو نظرنا للحقبة الناصريه بكل ما لها وما عليها
سنجد قد حقققنا انجازات فى كل المجالات
ولما اتيحت لنا بعض الديقراطية المقيدة بمائة قيد
انهارت كل الانجازات وبدا الانهيار اللى احنا شايفنة
والكل يعانى منة
طبعا انا اتمنى اكون غلطان بس كل الشواهد بتدل علىكده
==============================
ناجح يوسف فهمى ناظر مدرسة
حاصل على بعثة فى الادارة المدرسية فى المملكة المتحدة(بريطانيا العظمى سابقا)
بمدينة بيوكاسل جامعة نورثومبريا -وقد سبقتها بعثة داخلية فى جامعة عين شمس