الثلاثاء، 2 سبتمبر، 2008

مناقشة بعض الامثال الموروثة

اولا كل عام وانتم بخير
ودائما وابدا بخير
المدونين الاعزاء
اليوم انشأت جروب على الفيس بوك
واسميته(ااحترم عقلك يا بنى ادم)وذلك من اجل مناقشة
بعض الموروثات الخطأ والتى نتمسك بهاونعمل اقصى الجهد من اجلهاحتى ولو كانت خطأ
فمثلا المثل القائل(انا واخويا على ابن عمى وانا وابن عمى على الغريب)مثل عنصرى وخطا فكيف اكون مع اخى ضد ابن عمى اذا اخى على خطأ وابن عمى على صواب
انه التعصب للآخ ومعاداة ابن العم واصرار على الخطأ من جانب اخى
وكل عام وانتم بخير

هناك 23 تعليقًا:

حسن حنفى يقول...

كل سنه وحضرتك طيب

ويارب يوفق حضرتك في الجروب

ويجازيك عنه خيرا

وومن يقول...

كل سنة وانت طيب وبألف خير وصحة

طب عملت الجروب مش تنشر اللينك بتاعه ولا هاناقشك ازاي

تحياتي

البنت الشقيه يقول...

تحياتى ليكى مودونتك جميله جدااا
...........................

وتعليقا على البوست

انا رائى معاكى انتى ممكن تكونى صح
بس انا بقول ان الامثال دى موروثه
وفيها الصح وفيها الغلط بس قرار حلو انك تتناقشى فى الامثال الغلط

وربنا معاكى

تحياتى
البنوته الشقيه

EMMY BABY يقول...

اه فعلا بجد فكرة حلوة

فى امثال كتير عايزة تشال من قواميس الامثال اصلا

لا وفى امثلة متناقضة

زى مثلا ابعد حبة تزيد محبة

البعيد عن العين بعيد عن القلب

ياريت تحط لينك الجروب على الفيس بوك فى البوست

كل سنة وانت طيب

تحياتى

ايمى

أنا حر يقول...

الفكرة ممتازة بس محتاجة مننا مجهود اكبر من كده لترسيخ الافكار الصح في العقول لان الافكار دي عاشت كتير قوي وصعب تغيرها بسهولة
تحياتي

Dr.m يقول...

السلام عليكم

زياره أولى لمدونه شعرت فيها باإحترام كبير ....

الموضوع ده فعلا مهم وعايز مجهود كبير مننا كلنا ...لأن في معتقدات ومفاهيم مش منافيه للأخلاق بس إنما كمان منافيه للدين وأحيانا للعقيده ....ومن أمثلة ذلك :

إذا رحت بلد بيعبدوا العجل حش واديله

لو كان ليك عند الكلب حاجه قله يا ....

كتر السلام يقل المعرفه


هدانا الله جميعا إلى ما يحب وترضى

تقبل تحياتي
سلام

فى القلب يقول...

والله فكره رائعه وهادفه أرجوأرسال اللينك وربنا يوفقك

كل سنه وأنت طيب

خديجة محسن "لؤلؤة الاسلام" يقول...

ما شاء الله مدونة رائعة
و متميزة
و فعلا المثل ده غلط
لان احنا لازم نقف مع اللى مش غلطان علشان الغلطان يعرف غلطه

و جزاكم الله خيرا كثيرا
و تحيااااتى

رمضان
كريم

د.توكل مسعود يقول...

أولاً جزاك الله خيراً على فكرتك
وثانياً أرجو أن تفسح المجال لزوار مدونتك بالمشاركة وإرسال تعليقاتهم على كثير من هذه الأمثال الخاطئة.

سوف يكون هذا ثروة فكرية ننتفع بها جميعاً واسمح لى أن أبدأبقولهم:

"إذا عم الظلم فهو عدل"

فى انتظار السماح

عاشــــــ النقاب ـقــــة"نونو" يقول...

السلام عليكم
كل عام وانتم الى الرحمن اقرب
رمضان كريم
فكرة فعلا جميلة لتصحيح اخطاء في امثال كتيرة
باذن الله اشترك
تحياتي

د.توكل مسعود يقول...

أولا: جزاك الله خيرا على فكرتك

ثانيا : سنشاركك ببعض الأمثال وتعليقاتنا عليها

اسمح لى أن أبدأ بالمثل الشائع:

"إذا عم الظلم فهو عدل"

وفى انتظار السماح

Wael يقول...

مبروك الجروب .. متابع ان شاء الله وكل عام وانتم جميعا بكل خير

الحكمة ضالة المؤمن يقول...

كلام جميل بس
و فكرة اجمل
بس اللينك
لو سمحت
نسيته ولا ايه !!

CAIROCOMPUTER يقول...

تحيه طيبه وكل عام وانت بخير
فكرة المدونه جيده ونحن سعداء بها وبك وسيكون لنا لقاءات ان شاء الله مع افكارك فى برنامجنا الأذاعى وهو اول برنامج اذاعى عن النت والمدونات فى الشرق الأوسط ويذاع يوميا عدا الجمعه صباحا من الأذاعه الرئيسيه لمصر
وكافة التفاصيل فى مدونتنا وموقعنا
والبرنامج متوقف طوال شهر رمضان
المدونه
http://netonradio.blogspot.com
الموقع
http://dear.to/cairo
والدعوه موجهه ايضا لزوار مدونتك

September 14, 2008 8:55 AM

تحيه طيبه وكل عام وانت بخير
فكرة المدونه جيده ونحن سعداء بها وبك وسيكون لنا لقاءات ان شاء الله مع افكارك فى برنامجنا الأذاعى وهو اول برنامج اذاعى عن النت والمدونات فى الشرق الأوسط ويذاع يوميا عدا الجمعه صباحا من الأذاعه الرئيسيه لمصر
وكافة التفاصيل فى مدونتنا وموقعنا
والبرنامج متوقف طوال شهر رمضان
المدونه
http://netonradio.blogspot.com
الموقع
http://dear.to/cairo
والدعوه موجهه ايضا لزوار مدونتك

September 14, 2008 8:55 AM

كلام على بلاطة يقول...

aشكرا للاصدقاء
وكل عام وانتم بخير
حاولت انسخ اللينك ولم اقدر
مش عارف العيب فى الموقع ولا فى قدراتى
فارجو من يريد التعليق يدخل على الفيس بوك ثم يبحث عن الجروب
وشكرا

dina يقول...

السلام عليكم
انا قرات اول مره ازور المدونه وعجبنى الموضوع فعلا فى فى حياتنا حبه امثله تضحك وفى امثله تودى فى داهيه
فعلا لازم نبطل نتناقلها
او الوحش منها على الاقل

catroz يقول...

كل عام و انت بخيير ..

عايش ولكن يقول...

السلام عليكم
كل سنه وحضرتك طيب
ورمضان كريم
فكرتك جميله جدا
ودايما الى الامام باذن الله

elkenany يقول...

بوست رائع
وفقكم الله و سدد خطاكم
و كل عام و أنتم بخير

نبراس العتمة يقول...

أود المشاركة ببعض الأمثال الخاطئة هنا:

المرأة لو طلعت المريخ آخرتها البطيخ


المرأة بلا أولاد كالخيمة بلا أوتاد

الرجال غابوا والنساء سابوا

شاورها ولا تعمل برأيها

المرأة عمارة-يعني تعمر الدار- ولو كانت حمارة

وهناك أمثال مغربية أفضل أن أتركها الى فرصة أخرى
مودتي

الوردة البيضا يقول...

السلام عليكم ورحمة الله
أشكرك على المرور الكريم على مدونتي الوليدة، كما أهنئك على الجروب الجديد على الفيس بوك
وفقك الله
وكل عام وأنتم بخير

MISS\GH يقول...

اولا بسجل اعجابى بمدونتك الجميله وموضوعاتك المتميزه والهادفه.
ثانيا بشكرك على تعليقك الجميل فى مدونتى
ثالثا احب ان اعلق على الموضوع ده وهو التعصب الموجود فى عادتنا وتقاليدنا مينفعش انى اسيب اخويا واروح لابن عمى الا اذا كان ابن عمى معاه حق زى ما قلت ولكن ممكن اتدخل انا واحل الخلاف بينهم ومسيبش الحكايه نكبر لكن لو وقفت مع احدهم على الاخر هربى عداوه مع الطرف الاخر ياريت تتقبل مرورى وبشكرك للمره الثانيه.

L.G. يقول...

على بلاطة كده
أنا مع المثل الصراحة جدا طبعا أخويا معايا على ابن عمي لما يظلمني وابن عمي معايا على الغريب برضه لو ظلمني

المعنى مين أأقرب ليا يعني لو واحد غريب هاجمني حتصل بابن عمي وحيقف معايا لكن لو ابن عمي هاجمني حتصل بأخويا

مش عمال على بطال يعني ليه خته بالمعنى الوحش اني مع أخويا حتى لو ظالم على ابن عمي !!!!