الجمعة، 9 مايو، 2008

السلام فى ثوبه الجديد

السلام يا ساده فى عالمنا اليوم فى ثوبه الجديد الظريف
هو السمع والطاعة وعجين الفلاحـــة من الطرف الضعيف
والاملاءات والحماقة من الطرف القوى الخفيف
سريع الحركة قوى الضربة القاسى العنيف
وكل واحد يعرف امكانياته ويكون حصيف
واستحالة صدام البيضة مع الحجر مهما كان خفيف
وهل الفلاح يستوي مع الهوارى الغنى الشريف ؟؟*
ولو فكر فى ذلك يا سواد ليله الاسود المخيف
تحرشات وضرب تحت الحزام بمساعدة الظالم ابو العريف
ولو تجرأ وطالب بحقه هيلاقى السب والشتيمة والتعنيف
فكن مسالم وتخلى عن حقك واعمل له تخفيف
وامشى جنب الحيط او جواها تبقى حلو وظريف
----------------
ينقسم المجتمع فى الصعيد الى هوارى وله القول الفصل
والفلاح الذى يسدد فواتير التخلف بدون ما ياخد وصل
---------------------
طبعا هذا الكلام ينطبق على كل العالم التالت
وانظر الى لبنان والعراق والصومال
هتلاقى كل الحق للسيد القوى وعلى الضعيف
علشان يعيش يعمل مش واخد باله من حقوقه المنتهكة
وحتى العلاقات بين الدول وبعضها البعض البعض مثل
اسرائل وجيرانها
وايران وجيرانها ا
وكل من يمتلك قوة غاشمة يفرض ارادته علىمن ادنى منه
ولله الامر من قبل ومن بع
-----------
ناجح يوسف فهمى

هناك 20 تعليقًا:

احمد ابوالعلا يقول...

كلام صحيح والله ياأستاذ ناجح ولو انى مافهمتش معنى كلمة هوارى مع انى صعيدى برضو ..اتمنى لك التوفيق دائما

Esraa Hamed يقول...

بداية سعيدة اني اول تعليق
مدونة رااائعة فعلا
اما عن البوست عجبني اوي بجد

وامشى جنب الحيط او جواها تبقى حلو وظريف

هو احنا مودينا في داهية غير المشي جمب الحيط

البوست بجد تححححفة

تحياتي لك
دمت بتألق

امل يقول...

معك حق
فالعالم الان اصبحت تحكمه شريعة الغابة
البقاء للاقوى والاكثر قدرة على الايذاء
والاطول لسانا ويدا
وتقبل مروري

bar2ash يقول...

والله ماعارف اقولك ايه
بس بجد الواقع مرير ولازم نسلم بيه
واعتقد ان لو الحل مجاش من عند ربنا مش هتتحل

تحياتي
برقش

الربان يقول...

تحياتي يا أستاذ ناجح

أعتقد انك وضعت اليد علي الجرح.

لا مكان للضعيف...و هذه المقولة
تثبتها الحياة في كل مناحيها.

ياريت نتعلم كافراد ان التعليم
و التميز هما القوة...و كدولة ان
التنمية البشريه هي قاطرة التنمية
الشاملة و القوة التي لا تندحر.


تحياتي و تقديري

الشنكوتي الكبير يقول...

الله يسعد ايامك
ضحكتني
كلامك سلس جدا وجميل

واسلوبك مريح قوي شدني جدا
احييك على اسلوبك الجميل
ربنا يحفظك
بس ايه موضوع ناظر ده انت بجد بتشتغل ناظر
الظاهر هي دي الحاجه اللي هتفرقنا عن بعض انا اتضربت من النظار كتير قوي
عموما اتمنى تكون مش بتفتري على العيال بس مادمت شاعر يبقى عندك اخلاق ومشاعر

سلاااااااااااااااااام

son's egypt يقول...

السلام عليكم
السلام في عالمنا هذا له معني اخر غير الذي نفهمه
فلا معني للحق بدون قوة
فالضعيف الذي معه حق لولا معه قوه
لا يستطيع اخذ حقه

حسن ارابيسك يقول...

حينما أدلف إلى مدونة أسعد جداً حينما يقع نظري على زجل جميل
وقد زاد حظي بهذا الزجل المعجون بكل هموم الضعيف التعبان الجعان النحيف
وجبروت القوي المستقوى اه منه يا لطيف
الحقيقة هذا الزجل أقوى من مائة مقالة
وابلغ من ألسنة جمعيات حقوق الإنسان

وبصفة عامة عجبني واللهي كل هذا الزجل المنثور على صفحاتك المهمومة بالناس الغلابة الطيبين وبأحوالهم في الدنيا فلم أستطع إغلاق المدونة دون المرور على كل تلك الأشعار الجميلة
وأخيرا وليس أخيرا سعيد بتلك المدونة ويسعدني ان شاء الله أن أضع رابطها لي في مدونتي المتواضعة
أرابيسك

الجدة فصيحة يقول...

السلام عليكم ورحمة الله وبركاته

نحن في وقت المفاهيم فيه أصبحت مغلوطة
ولم تعد الأشياء يينظر لها من وجهها الحقيقي

والسلام مفهومه اصبح غريب مبهم في كل ما نراه في حياتنا على الصعيد المحلي والعالمي



تحاتي

صيدلانيه طالعه نازله يقول...

هو ده الواقع الموجود دلوقت ان الكبير كبير و لا صوت فوق صوته
و ان الصغير لا احد يتعاطف معه زى الامثال زمان و لكن واجب عليه الخضوع و الاستسلام

أبو خالد يقول...

على بلاطة كده ياأستاذ/ناجح
أنت أسلوبك جميل رشيق يحمل معنى
و لكن صدقنى ياأستاذ ناجح طول ما الضعيف معه الحق سينتصر فى النهاية
هذا و عد الله

اسامه يقول...

اول زياره ليا
بس بصراحه مدونه جميله

بخصوص البوست جميل

تقبل تحياتى :
ROONEY

MATRIX يقول...

فعلا..كلام حضرتك جميل وهو دا فعلا المجتمع الى احنا فيه ..شكرا لحضرتك على واتمنى ان تترك بوستات ثانية

appy يقول...

يا نهار ابيض الاول بجد خلتنى بلمت قولت ايه ده وبعدين فوقت وبعدين ضحكت بس خلاص فهمت بقى انا فهمت ايه هههههههههههه

الفرعونة العاشقة يقول...

اول زيارة ليا
وشدنى اسم البوست
وشدنى اكتر كلامة

بس ان شاء الله وهيجى لنا يوم ونبقى احنا السادة
حتى لو دةصعب
بارادتنا ورغبتنا فى الحفاظ على كرامتنا هنقدر
مش بيا لوحدى
لا بيا وبيك وبكل واحد عاوز يخلى كرامتة سلاحة

تحياتى
الفرعونة العاشقة

الفرعونة العاشقة يقول...

اول زيارة ليا للمدونة
شدنى اسم الموضوع
وشدنى اكتر كلامة

صحيح يصعب ويستحيل صدام البيض مع الحجر

ولكن هيجى يوم ولازم هنتصدم
جايز يكون صعب
بس لازم هيجى اليوم وهنبقى احنا السادة
لما نغير من نفسنا
لما نقول احنا بشر
يعنى اصحاب كرامة

ودة هيحصل بيا وبيك وبينا كلنا

مش هنفضل خايفين..ساكتين...
هيجى يوم وهنتكلم
وهنبقى السادة

تحياتى الفرعونة العاشقة

الفرعونة العاشقة يقول...

اول زيارة ليا للمدونة
شدنى اسم الموضوع
وشدنى اكتر كلامة

صحيح يصعب ويستحيل صدام البيض مع الحجر

ولكن هيجى يوم ولازم هنتصدم
جايز يكون صعب
بس لازم هيجى اليوم وهنبقى احنا السادة
لما نغير من نفسنا
لما نقول احنا بشر
يعنى اصحاب كرامة

ودة هيحصل بيا وبيك وبينا كلنا

مش هنفضل خايفين..ساكتين...
هيجى يوم وهنتكلم
وهنبقى السادة

تحياتى الفرعونة العاشقة

HANY YASSIN يقول...

تحرشات وضرب تحت الحزام بمساعدة الظالم ابو العريف
ولو تجرأ وطالب بحقه هيلاقى السب والشتيمة والتعنيف

للاسف هذه حقيقة واقعنا
كلماتك فى منتهى الواقعية والصدق
سلمت يداك
دمتم بكل ود
خالص تحياتى
نتشرف بزيارتكم مدونتى

hanyyassinblog.blogspot.com

shayma يقول...

اسلوبك حلو اوى
والموضوع مؤلم اوى اوى

هيا دى حياتنا دلوقتى
واقعنا الى عايشين بيه وفيه ومش قادرين عليه

سلامى لقلمك
:))

كلام على بلاطة يقول...

ششكا جزيلا على الكلام الجميل والمشاكات الحلوة والروح الطيبة
شكرا للجميع