السبت، 8 مارس، 2008

حوار بين فاسد وضحية

الفاسد
=====
قولوا معانا يحيا الفساد
اللى رفعنا بسرعة قبل الميعاد
وخلانا باشوات شلة وافراد
واحتكرنا الهوا والمية والزاد
وانتقمنا من الكل حتى الاجداد
وتحكمنا فى رقاب الدول والعباد
وكلمتنا سيف بدون ارتداد
=======================
الضحية
=====
يا فاسد بيه حرام عليك
دنيتنا اسودت لاجل عينيك
لاحاجة شابعاك ولا بترضيك
ارحم دموعنا ربنا يشفيك
واتلم لاحسن اعلقك من رجليك
لما تحين ساعتك يا شريك
يا شريك الشيطان وخلق المماليك
ستهلك وفسادك مش هينجيك
=======================
ناجح يوسف

ليست هناك تعليقات: