الثلاثاء، 15 أبريل 2008

انواع البشر

النوع العظيم لاوجاعه كظيم
يساعد الناس وما لهوش مثيل
طيب ومتسامح وانسان جليل
يخدم الناس السليم والعليل
==========
النوع الاصيل عمره عن الحق ما يميل
عظيم وعشرى وحلو وجميل
فكره راقى وعقله كبير
ينير الطريق ويقود المسير
===========
النوع اللى فى حالهه
عمره ما تيجى حاجه على باله
راضىبكل شى واى حاجه تهنى له
رغم انه سلبى لكن احسن من غيره
شاغل نفسه يواصل نهاره بليله
=========
النوع المبهج المضىء يسر ولا يضر
لا يتأثر بشىء عايش حياته حر
قدوة للمحترمين وعلى الحق يسير
يحاول يبسط الناس وطريقهم ينير
========
النوع الهايف غير نفسه ما شايف
لايقدم ولا يأخر حاضر وكأنه غايب
فى زمنا ده مالهوش نايب
طبعه كده سواء شباب او شايب
==========
النوع الردى عمره ما يهتدى
حقير وناكر للجميل وبالشيطان يقتدى
كرشه واسع يهضم حق الناس وحقى
ربنا يبعد شره عن الناس وعنى
=============
نور التور الهايج تكلمه يجى لك رامح
لا تعرف قلبه ردى ولا مسامح
خطواته غير معروفه ان كان جاى او رايح
كل الناس تجنتبه وهو فى غيه سايح
========
نوع الحية الرقطاء ناعم وكلماته ملساء
يوضع فى سكتك الخوازيق ويلوث عليك الهواء
يربى وتشرب على كده وبئس الاناء
ندل وقليل الاصل معدوم الوفاء
=======
عزيزى انت .....من اى الانواع
ارجو ان تكون من احسن نوع
تروى الناس وكأنك ينبوع
تنشر فكرك الجميل على الناس والجموع
لا تهدد ولا تخوف وتروع
تكوم بلسم يشفى الجراح
وتعوض الناس عن اللى راح
وتكون جامد ومرن ولا تهزك رياح
وذو وجه باسم ومشرق كل صباح
تتمنى الخير للناس والرباح

هناك تعليقان (2):

سمراء يقول...

فعلا دي انواع البشر
لكني اعتقد اننا بنظهر بانواع مختلفة لما بنتعرض لمواقف مختلفة ونتعامل مع انواع مختلفة من البشر
احييييييييييييييك
موضوع جميل
سمراء

د. إيمان مكاوي يقول...

اللهم إجعلنا من النوع الأصيل ....
شكرا على زيارتك ...ويا ريت تتكرر في مدونتي الأخر ى يوميات أم البنين