الاثنين، 6 أكتوبر 2008

حالنا فى ذكرى العبور

كل عام ومصرنا الحبيبة بخير وسلام وانتصار
===================================<
بالامس وانا اتابع برنامج العاشرة مساءا وفى معرض التغطية
لظاهرة التحرش الجنسى التى اصبحت للاسف مظهرا من مظاهر الاحتفال
بالعيد فى قاهرة المعز ذكرت المذيعة اللامعة منى الشاذلى ان مصر حصلت
على المركز الاول فى التحرش الجنسى متقدمة على افغانستان الحبيبة
التى احتلت المركز الثانى.....فانفعلت وكتبت هذة الكلمات......لعلها
تكون جرس انذار لما وصلنا اليه
=================================================================
مبروك علينا المركز الاول فى التحرش الجنسى
لمصر الحضارة والمنارة والفكر الجميل المنسى
التى تهاونت مع السفهاء كثير لعل الحال يمشى
ولكنه تقهقـر للخلف ولاسفل الدرك السفلى
بما لا يليق ابدابنا ولا بنمط القيم العلوى
الذى نشأنا وترعرعنا فيه طول عمرك وعمرى
لنختم حياتنا بهذا التدهور المستمر والدورى
ام نفيق ونراجع ونعدل ما التوى بفكر ثورى
اوضاع وضيعة وضعتنا فى وضع متدنى ومخــــــزى
نرفضة بكل اللغات والاشارات والحركات ونحتذى
حذو من سبقونا ابطال العبور وبهم نقتدى
ونعود لرشدنا وسابق عهدنا وللاحترام نهتدى
============================================
ناجح يوسف فهمى

هناك 46 تعليقًا:

مش لاقية اسم يقول...

السلام عليكم ورحمة الله وبركاتة
للاسف الشباب مبتفرقش معاهم ان تكون بنت محترمة ومغطية جسمها
او مش مخترمة زى المناظر الى بنشوفها
والله احنا احترنا نمشى باية علشان محدش يمسنا بكلمة اوة بحركة مش لطيفة
مش عارفة ادعى عليهم ولا ادعيلهم بالهداية
ربنا يستر على ايامنا الجاية
جزاكم الله كل خير على التعليق عندى
وكل سنة وحضرتك بالصحة والسلامة
ربنا يكرمك

maxbeta3zaman يقول...

والله يا أخى على بلاطه الواحد مكسوف من بلدنا انها تاخد كاس التحرش بدون تصفيات كده ... والولاد مابجلهاش الهاتف تعمل كده غير فى الأعياد ؟؟..بدل مايهجمو عالصهاينه بيهجموا ع الحريم المسالم .. اللى ناتج ده ثورة الضائعين على أوضاع سدت أمامهم كل الطرق المشروعه لسد الحاجات .. وفى نفس الوقت الدنيا كلها تغذى الأفئده بطوفان من العرى والمياعه تجعل الشباب ثيران هائجه تجوب الشوارع وتنطح جماعيا تعساء الحظ الموجودين فى طريقهم كما تفعل الثيران المنطلقة فى مهرجان سنوى يقام فى أسبانيا ويجرى الناس أمامهم مذعورين والثيران تطحن من تطول بالقرون والأقدام . هم جيل لم يعرف إخوان وآباء لهم غنت لهم ورده ... وانا على الربابه بغنى ...ماملكشى غير كلمة أمل للجنود ..أمل بالنصر...

غير معرف يقول...

لا حول ولا قوة إلا بالله
لا يجب أن نقف موقف المتفرج
فالبلد بلدنا
يجب أن نغير الوضع قدر المستطاع

kochia يقول...

فعلا التحرش كتر اوي ويمكن وصل لحد الظاهرة
ولكيد له سبب
والمفروض نفكر في السبب ده عشان نقدر نمنعه ونمنع افة اصيب بها المجتمع

تحياتي

عــلاء ســالـــم يقول...

السلام عليكم

كلمات توجع القلب
فهي تنبش الجراح التي باتت في كل مكان بقلوبنا

خالص تحياتي لقلمك المبدع

الملاك يقول...

السلام عليكم ورحمة الله وبركاته
اخى كلام على بلاطه كل عام وانت بخير حال

اخى لقد ادمت كلماتك قلبى بشده
اخى انا لا ارى مصر بهذا السوء ولا انكر ايضا تدنى المستوى الاخلاقى عند الكثيرين نتيجة لعامل واحد وهو بعدنا عن الله سبحانه وتعالى وتخلينا عن تعاليم ديننا الحنيف حتى اهملت الاسر اطفالها واصبحت تصفق لكل فعل ياتى به الطفل ويكون غريبا او كلمة ينطق بها نتيجة سماعها فى احد الافلام الهابطه او من احد يكبره سنا بغض النظر عن ما اذا كان ذلك الفعل او تلك الكلمة مضره ام لا

ولكن اخى اعلم ان من يحفظ الله يحفظه ويرد عنه كل سوء لذلك انا لا ارى مصر بهذه الدرجة من السوء فأغلبنا يعيش بسلام يحمد الله عليه ويسأله دوامه وكما ان هناك اناس يتصرفون بسوء نتيجة لتربيه غير سليمة فى كل دول العالم هناك ايضا اناس لا يصدر منهم الا كل تصرف حسن يرضى الله ورسوله ولكم قابلت من اسر رائعه بطبيعة عملى تراعى حدود الله فى كل تصرفاتها وتحرص على غرز ذلك داخل اطفالها حفظهم الله جميعا وبارك لامتنا فيهم

لا تبتأس اخى فأمتنا مازل بها الخير الكثير جعلنا الله واياك ممن يأمرونا بالمعروف وينهون عن المنكر دون تشويه صورة وطننا العربى الحبيب فى اعيننا واعين غيرنا

تقبل اخى فائق احترامى وتقديرى
دمت برعاية الله

حسن حنفى يقول...

حسبي الله ونعم الوكيل في سبب هذا التجهور الفظيع في حال البلد

د/ رامي شهاب الدين يقول...

حسبنا الله ونعم الوكيل

الناس اللى بتعمل الأفعال المشينة دى للأسف مش بتسئ لنفسها بس ، دى بتسئ لمصر وكل المصريين ، لأنها خلاص طلعت علينا سمعة

دا حتى السياحة إتأثرت بالموضوع ده ، والإحصائيات الأخيرة بتقول إن عائدات السياحة قلت ، وأرجعوا ذلك لعدد من الأسباب كان على رأسها الشكوى المتزايدة للسياح الأجانب من التحرش الجنسى إللى بيتعرضوا ليه فى مصر

دمتم بكل خير..تحياتى

محمد فاروق الشاذلى يقول...

يبدو أننا اختارنا المركز الأخير فى كل الأشياء الجيدة والمركز الأول فى كل ما يسئ إلينا

جيهان علي يقول...

السلام عليكم ورحمة الله وبركاته

من المؤسف أن تكون دولة عربية المفترض إنها إسلامية وبحجم ومكانة مصر ويكون تفوقها في هذا الأمر المهين
لطالما افتخرنا بقيمنا وأخلاقنا
ليأتي اليوم الذي ننال فيه المركز الأول في إنعدام الأخلاق والقيم


جزاك الله خيرا على كلماتك
لعل الله يهدي بها شبابنا

تحياتي

maxbeta3zaman يقول...

دى موش بس بطولة التحرش وإنما.. لو فيه بطولة دومينو أوكوتشينه واستيميشن وواحد وتلاتين وبصره تلاقى ولادنا فورريره وموسوعة جينيس لن تلاحقهم ....أرجو الرجوع لبوست قديم لى شويه عنوانه "مشمش يتحدث عن ثفسه " تجد فيه بعضا من ذلك " زجليا"
وكل عام وأنتم بخير

maxbeta3zaman يقول...

دى موش بس بطولة التحرش وإنما.. لو فيه بطولة دومينو أوكوتشينه واستيميشن وواحد وتلاتين وبصره تلاقى ولادنا فورريره وموسوعة جينيس لن تلاحقهم ....أرجو الرجوع لبوست قديم لى شويه عنوانه "مشمش يتحدث عن ثفسه " تجد فيه بعضا من ذلك " زجليا"
وكل عام وأنتم بخير

dr.lecter يقول...

هم لا مؤاخذه يعني بيعملوا كده علشان فاضيين ؟ مش تشوفوا اللاول هم بيعملوا كده ليه مش يمكن فيه اسباب

مش تشوفوا ايه اللي خلي الجمتمع يوصل للحاله دي؟ مش مجرد نقول استغفر الله العظيم وخلاص؟

ماتقارنوش ابدا باللي مانوا قي 6 اكتوبر وبشباب اليومين دول

لا والف لا ده ظلم فادح


شباب 6 اكتوبر ماتوا علشان كانت مصر اغلي من اهلهم ومن نفسهم ومن زوجاتهم واولادهم

شباب اليومين دول بيموتوا في البحر هربانين من مصر او يتحرشوا بالبنات كرها في مصر وفي حال مصر

Ahmed Mohamed يقول...

طبعا انا ضد اي تحرش او حتي معاكسه او حتي نظره

بس ضد الانحلال الي بيكون من اشد الاسباب المؤديه للتحرشه باشكالها كلها


وبعدين يعني بالعقل كده قالو ان في اكثر من 100 واحد اشتركو في التحرش ورسيت القصه علي عيلين عندهم اقل من 20 سنه طيب البنات ال3 دول لو كانو محترمين مكنش واحد من ضمن ال100 الي اتحرشو انكسف علي دمه

عارفين القصه دي بتفكرني بفضيحةالمطربه مروه في الحفله بتاعتها لما الجماهير ماستحملتش تشوفها بمنظر يخلي اي شاب خلقه ربنا يجيله كبت وهجمت عليها .

عمر يقول...

بسم الله الرحمن الرحيم

لمثل هذا يذوب القلب من كمد
إن كان في القلب إسلام وإيمان

فعلا ما ذكرته أستاذي الفاضل يبكي ويحزن ,,, ولكن هل فكرنا في الأسباب ..

أتفق مع الزملاء السابقين فيما ذكروه من أسباب من ...
- بعد عن الله عز وجل .
- البطالة التي باتت الأصل عند الشباب الآن ، وأصبح العمل هو الشاذ .

ولكني أزيد :
أن الشباب في ظل ما يتعرض له من هجمات شرسة من خلال الإعلام ومايشاهده في التلفاز والدش والنت والكلية والشارع ،،، ومحاربة كل من ينشر الفضيلة سواء في المساجد أو في التلفاز ، وعدم وجود هدف يدفع إليه الشباب أو حلم يحاولوا الوصول إليه يصبح من الظلم أو من السذاجه أن ننتظر منه الالتزام والأدب والأخلاق والعفاف

نسأل الله أن يصلح الحال والأحوال ..

لك الله يا شباب مصر ( نساء ورجال ) .

اوعى تفكر يقول...

لاحول ولا قوة الا بالله
خلى مبارك يفرح
خلى يفرح بمنع نشر الاسلام
واعتقال كل من ينادى برجوع الاسلام
والعكس تركه كل ما هو يحث على العرى سواء قنوات الدش او مواقع النت
او جعل البلد كلها تغرق فى المخدرات

mahasen saber يقول...

ده شئ يدعو مش للحزن ولا للبكاء ولا للتعاطف مع البنات اكتر ما هو شئ يدعو للوكسه والاحباط بقه ده بقه حال شبابنا لسه خارجين من شهر فضيل وبروحانياته يضربوا عرض الحائط وجرى على الشارع والبات هو ايه اليى حصل للشارع المصرى امال صحوة ايه الدينيه اليى بيتكلموا عليها احنا للاسف بقينا عايزين صحوه اخلاقيه لان للمره التالته اعتقد الموضوع ده يتكرر يبقى اكيد فيه شئ غلط ...
لفى شبابنا لاما اسرهم وتربيتهم لاما ظروف اقتصاديه ومعتقدش ...
هيا الاخلاق الاخلاق وقيم الدين انعدموا
فده اليى وصلنا لكده....

عين فى الجنة يقول...

وهل هناك من امل او بصيص من النور فى اخر النفق؟

تسنيم محمود حسين يقول...

السلام عليكم

حسبى الله ونعم الوكيل فى كل من فعل ببلدنا هذا وأراد لها الرجوع لا التقدم وفى كل من سخر منا واقنعنا بأن هذا هو التقدم والحضاره......
ولكن هذا الحال لن يتغير الا اذا غيرنا من انفسنا...فقد قال الله تعالى(ان الله لا يغير ما بقوم حتى يغيروا مابأنفسهم)

والسلام عليكم

Unknown يقول...

خسارة يامصر يابلد الأزهر

Unknown يقول...

استاذى العزيز
اشكرك لزيارتك مدونتى المتواضعة
واسمحلى انى اكون من احد زوار وقراء مدونتك
إسلام ديو

Unknown يقول...

السلام عليكم
استاذى العزيز
اسمحلى ان اكون واحداً من زوار قراء مدونتك الجميلة
واتمنى لك من قلبى بدوام التوفيق

إسلام ديو

Unknown يقول...

استاذى العزيز
اسمحلى ان اكون زائراً وقارئاً دائماً لمدونتك الجميلة
وشكراً لزيارتك لمدونتى المتواضعة
لك منى فائق التحية والتفوق فى المستقبل
إسلام ديو

Unknown يقول...

انما الأمم الأخلاق ما بقيت ..
فإن هم ذهبت أخلاقهم .. ذهبوا .. !
إحنا عندنا مش ذهبوا ..
لأ
دول هاجروا ..!!
حاجة تكسف و الله جداً.. جدا..!
يعني يوم ما نبقى اول ناس في حاجة ..
نطلع اول ناس في كدة ؟؟

أزمة أخلاق ..
محدش يقول قلة الفلوس ..
الفقر مالهوش دعوة بالأخلاق. !!

Rosie يقول...

الموضوع ده بجد حاجة تحزن و تبكى..مش عارفة أقول غير يا خسارة يا مصر انك بقيتى كده..و ياريت فعلا نفوق زى ما بتقول و اللى بيحصل ده يبقى جرس انذار لنا

romansy يقول...

يارب دايما من نصر ل نصر
ويسعدنا دايما كده بنصر اكتوبر

أحمد بسام يقول...

ان الله لا يغير ما بقوم حتي يغيروا ما بانفسهم
هيا فليغير كلا منا نفسه الي الاحسن

أحمد بسام يقول...

ان الله لا يغير ما بقوم حتي يغيروا ما بانفسهم
هيا فليغير كلا منا نفسه الي الاحسن

Maha Shahen يقول...

جزالك الله خيرا على المقوله اللي كتبتها لعل الشعب اللى سمعته بقت فى النازل دايما يتعظ او يستوعب ما اليه حالنا وأين مكانتنا وتصنيفنا بين الدول .. وادينا قربنا نوازى دول أوروبا لكن فى كل شيء سفيه
فلا حول ولا قوة الا بالله

خالص احترام حد من البلد دى للأسف

غير معرف يقول...

السلام عليكم يا استاذ ناحج
وانشاء الله طول عمرك ناجح
ودايما للشباب وللبهوات اللى نايمين
فى العسل.... ناصح
خلاص .. فاض الكيل..
وسرطان انتشر.. ومين تناقش؟؟
ومين تحاجج.....؟؟
الحقيقة انك قلبت علينا المواجع
بس دى حقيقة منقدرش ننكرها
وبلاش حكاية هى دى مصر ولا موش ممكن ولا دى مؤامرة وبلاش حكاية اننا ناس متدينين والدين مبيقولش كده
لانه بصراحة مفيش لقلة الادب دين اصلا؟؟
لازم نعترف ان العيب فينا علشان نصلح نفسنا يا سادة...سيبوا الدين فى حاله
سلوكياتنا بقت زفت وهباب
صدقونى الشاب المحترم.. محترم من نفسه ومن تربيته واخلاقياته بغض النظر البنت اللى قدامه لابسه ايه...

Ehab يقول...

اخي الحبيب الحال صحيح صعب والموقف محرج لكن احب اقولك انه مش بأيد حد غيرنا يعني احنا السبب في اللي بيحصل احنا مين
احنا اباء وامهات واخوات وبنات حتى
كل شخص مسؤل الجريمه دي بالذات مينفعش يكون المجرم فيها شخص واحد الجريمه دي بالذات زي شبكة العنكبوت الكل اسمه هيتلطخ فيها

كل واحد ساهم بدور الأب سواء اهل المتحرشين او المتحرش بيهم كل اب منهم غلطان واحد مرباش ولاده فخرجم كلاب مسعوره للشارع وانتي مخدش باله ان البنت لازم لها حمايه ورعايه ومينفعش تساب كده بدون وقايه ليها وحماية محدش يقولي احنا مش في غابه والبنت دلوقتي تقدر تنزل ومينفعش حد يفضل لازقلها علشان يحرسها لكن انا بقول مش لازم حد معاها بس نراعي لبسها طريقة كلامها مشيتها المكان اللي ماشيه فيه ميعاد نزولها اصلا
كلها عوامل مع بعض سببت اللي احنا فيه في عصر بطلنا نركز فيه على التفاصيل

ربنا يرحمنا برحمته
سلاااااااااااااااااااااااااام

PrInCeSS BeRy يقول...

اخبار حضرتك اية كل سنة وحضرتك طيب

وما شاء الله لا غبار على كلام حضرتك لانك معلم ومربى ما شاء الله نتعلم من سردك وكتابتك اما عن اللى حضرتك طرحتة كل شخص فينا مسؤل عن افعالة مينفعش يقول غيرى السبب حتى لى اللى قدامة شجعة على دة فى شىء اسمة التحكم فى الذات فى اى موقف فى الحياة مش شرط دة بس

وكل سنة وحضرتك طيب

غير معرف يقول...

Hello there :)

This is my first time to visit your blog, and I am amazed by your way of writing. Congratulations on an excellent post and an excellent blog as well.

I would also like to suggest you visit this new blog as well. It is an amazing blog, with a very talented writer who discusses issues in the Egyptian society. The blog is called:

http://fengan-shai.blogspot.com/

Thanks again, and keep up the good work! :)

S

غير معرف يقول...

Hello there

This is my first time to visit your blog, and I am amazed by your way of writing. Congratulations on an excellent post and an excellent blog as well

I would also like to suggest you visit this new blog as well. It is an amazing blog, with a very talented writer who discusses issues in the Egyptian society. The blog is called
http://fengan-shai.blogspot.com

Thanks again, and keep up the good work

S

غير معرف يقول...

ع
عزيزى ناجح
سر الى الامام
الله يرعاك
رمضان

سمكه واحده يقول...

بجد مش عارفه اقول ايه شئ مقزز ومنفر بجد لا وايه في العيد بنفرح بقي بصيام شهر بحاول ونهيص بقي تفريح وياتري تقبل بقي ربنا وخالي الشباب تفرح مهي مكبوته شهر في غض البصر والله ابدا ده تلت تربعم الا من رحم ربي ولا كاننا في رمضان ولا حاجه حاجه تكسف
مبروك عليكي يامصر المركز الاول

ربنا يهدينا بس بجد مش بالدعاء بس لازم يكون في حل مش نسكت كده كفايه

مقروفه ومتغاظه سمكه
تحياتي وانا زهقانه

Ghada , Rofayda يقول...

اوضاع وضيعة وضعتنا فى وضع متدنى ومخــــــزى

صدقت فيما قلت....


اللهم ردنا الى الاسلام والى قيّمنا ومبادئنا ردا جميلا

تحيااااتي

دمت بود..

N!GHT يقول...

اولا السلام عليكم ورحمة الله وبركاته
ورحمة الله علي الرجوله بجد
اينعم ان شاب وشم من النوع المقفز زي ما بيقولوا بالعكس تماما انا بالمسبه لصاحبي ولكل الناس الشاب الضايع الفاشل مش دي المشكله هو اساسا مفيش مشكله مع اني فاشل وضايع وقليل الادب زي ما بيقولوا بس بجد انا بقرف من الشاب الي يعاكس بنت ماشيه فالشارع مجرد انه يرمي علها كلمه او يعكسها مش انه يتحرش بيها مش معني كده اني محترم بس دي حاجه اسمها رجوله علي ما اعتقد ان من الرجوله انك متضيقش واحده ماشيه في حالها حتي لو كانت لابسه ايه او بتعمل ايه بس بعد لما قريت موضوعهك ده ابتديت اشك ان ده الصح ابديت اعتقد ان اصح انك وقت ما تشوف بنت تعكسها ومش كده وبس لأ تتحرش بيها وكمان مهو بقي شئ طبيعي :(

غير معرف يقول...

عيني على بنت ناس عفيفة اسمها
مصر

بدل ما يربوها على فضل صلاة العصر

خدوها من صغرها

دربوها على الرقص

وعماااااار يا بلدنا يا مصر

يا ولادة

أحمد سلامــة يقول...

ولسه

بكره التحرش مش هيبقى جنسي بس

ربنا يرحمنا جميعا
احنا دولة في عداد الاموات

كريم مصطفي سيد يقول...

السلام عليكم
والله يعجز لساني علي الكلام في بلد الازهر يحصل هكذا ربنا يرحمنا

canary يقول...

وهو دة مركز تستهين بيه برضه؟
واديك انت بنفسك قولتها
أن احنا متقدمين على كل دول العالم اهو
دة بدل ما تحمد ربنا اننا تقدمنا فى شئ؟
وهو الحقارة والدنائه وقذراة الطبع
بس اسمحلى يعنى
انت مستنى ايه من شعب أكثر من ثلثه عاطل وأكثر من ربعه مش لاقى ياكل

هويدا صالح / عشق البنات يقول...

عزيزي
كثيرون يحاولون التقليل من أهمية أكتوبر وروح أكتوبر لكننا نتمنى بحق أن تسري روح أكتوبر في قلوبنا ، فنتخطي تلك الكبوة التي نغرق فيها حتى آذاننا ..
محبتي لك وللجميع

القلم السكندري يقول...

حينما يطمس الوازع الدينيُ الذي هو التقوي..

فكبر علي الأخلاق وعلي المجتمعات اربعاً


الذي لا يخشي ربه لن يخشي من قانون ولا من بشر

وإن مما أدرك الناس من كلام النبوة الأولي..(إذا لم تستح فاصنع ما شئت)


لك موفور التحية

"عبير النجار "نيجار يقول...

أولا كل سنه وحضرتك طيب
وبالنسبه للموضوع ده انا شايفه ان السبب فيه هو عدم التربيه لان الشباب دول لو متربيين كويس مش هيعملوا كده والسبب الاساسي اللي قبل ده ان مفيش وعي ديني تفتكر اللي يخاف من ربنا يقدر يعمل كده مهما كانت المغريات قدامه ومهما وصلت قلة الادب وعدم الاحتشام من جانب البنات والدليل على كده التحرش بالمحجبات والمنقبات انا طبعا معاذ الله اني اعمل مقارنه بس المفروض يكون فيه اقتضاء بالانبياء والرسل شوف سيدنا يوسف عليه السلام لما راودته امرأة العزيز عن نفسه رد وقال ايه قال اني اخاف الله وربنا يهدي الشباب .

mahasen saber يقول...

استاذى الفاضل.....
حضرتك طولت الغيبه قوى لعل طول الغيبه ده فيه خير ....
........
ويا رب تكون فى اسعد حال وبوافر الصحه
...اختك ام عبدالرحمن
اتركك فى رعاية الله وامنه