الخميس، 23 أكتوبر 2008

تابع قاموس على بلاطة....حداقة المحتال...اللئيم...الخ

حداقة المحتال
============
صدق محشو كذب وكذب مغلف بالصدق
هذا هو اسلوب المخادع المحتال الحدق
شرير بكامله وفى الحق والعدل يلتصق
وكم يكون فرحا سعيدا عندما غيره يحترق
لص وقاطع طريق ويتعجب كيف لآخر يتسرق
====================================
لاتنتظر شكر من لئيم على معروف
بل انتظر قرون نطاحة فهو تيس او خروف
تجده اعمى فى الحق والعدل ابدا ما يشوف
والكرم بيقابله دايما بالنكران والكفوف
والندالة والحماقة يتعاطاهم اكل وسفوف
فاللؤم خبث مرفوض بالكلام والحروف
فاقتدى بالكرام وفعلهم الجميل الموصوف
=====================================
اسوا من الكراهية هو الاستكراه
فالمسكون بها يودجبار الاخرين يا ولداه
على تبنى ونشر كراهيته ونجاح مسعاه
بالرغم من الحب والمودة هن المرتجاة
وفيهم البناء والبقاء والاستواء
ومحاربة الكره والعداوة والالتواء
وسيادة التناغم والتعاون والاحتواء
لكل الخلافات والتوجه نحو البناء
===================================
صانع الشر
==========
يا صانع الشر عارف نهايتك ايه؟
هتصير عبد شيطانى بعد ما كنت بيه
وهتتخلى عن انسانيتك ...مش عارف ليه؟
لاجل مكسب زايل ...الحق تطلع عينيه
=======================================
القهر
=======
القهر هو تكسير وعجن وصهر
لكل ما يخالف القاهر فى عز الضهر
وممارسة كل اساليب الاحتيال والعهر
وبيع الضمائر فى سوق النخاسة والفجر
لتبرير كل الممارسات ضد الفكر الحر
===========================
ناجح يوسف فهمى

هناك 26 تعليقًا:

صدى الصمت - عاشقة الورد - يقول...

ظريف قوى قاموس على بلاطة دة و أحلى مافية الصراحة و عدم النفاق
تحياتى

جلال كمال الجربانى يقول...

السلام عليكم ورحمه الله وبركاته
وحشتنى والله العظيم ياحضره الناظر
ويأيها الشاعر الهمام
وأشكرك على الزياره والتحيه ونتمنى أن نراك كثيرا للأستفاده من أرائكم السديده
عجبنى جدا البيت الذى تقول فيه واصفا القهر
القهر هو تكسير وعجن وصهر
وصفت وكثفت فأصبت
وتقبل تحياتى ومرورى

حسن حنفى يقول...

لاتنتظر شكر من لئيم على معروف

الجمله دي علقت معايا فعلا لاني حسيتها للاسف :(

mahasen saber يقول...

تسلم روحك وفكرك اليى صاغ الجمل الرائعه دى
.....
اكتر ما عجبنى فى القاموس ..لاتنتظرشكر من لئيم على معروف..
انا القاموس ده فكرنى بحكمة العرب القدماء
....رائع رائع رائع

mahasen saber يقول...

تسلم روحك وفكرك اليى صاغ الجمل الرائعه دى
.....
اكتر ما عجبنى فى القاموس ..لاتنتظرشكر من لئيم على معروف..
انا القاموس ده فكرنى بحكمة العرب القدماء
....رائع رائع رائع

امل يقول...

قاموس كلماته مليئة بالحكمة يا استاذ ناجح كل سنة وحضرتك بألف خير

son's egypt يقول...

السلام عليكم
قاموس كويس وعجبني حداقة المحتال صدق محشو بالكذب وكذب مغلف بالصدق

سمكه واحده يقول...

ايه الكلام الجبار ده
لا كلام بجد جميل
واحلي حاجه لا تنتظر شكرا من لئيم علي معروف
فعلا الكلمه دي صح
ومفهوش نفاق

تحياتي
سمكمك

نوسه وريمان فى هاكونا مطاطا يقول...

حلو اوى اوى القاموس على بلاطه ده

كلمات فعلا جميله

مع تحياتى

الازهرى يقول...

استاذى

قاموس جميل
وتعريفات لاذعة
وان كانت صدقة نجدها فى حياتنا

تحياتى

غير معرف يقول...

اخونا على بلاطة
أعجبنى السطر القائل " والنداله والحماقه يلهفها أكل وسفوف" ...أعجبتنى جدا قصيدة القهر لذا سأعيد كتابتها بنفس معانيها ولكن بموسيقى وجرس آخر فما رأيك؟؟؟خذ عندك
القهر هوا تكسير للعظام وعجن وصهر
لكل مين خالف جنــــابو فى عز الضهر
علنى بيعمل كل حركات احتيال مع عهر
بياع ضماير فى أسواق النخـاسه وفجر
ودا كله لجل ما يبرر عمايله ف اللى فكره حر

عاشق الورد يقول...

سلام عليكم
بس بمناسبه العبور
انا اتعرفت على واحد فى بلد تانى غير مصر
الواحد ده اشترك فى حرب 73 وطبع له كل احترام وتقدير
تقاعد برتبه عقيد وكان فى الصاعقه
ده معاشه اللى بيخده بعد الحرب اللى كان ممكن يموت فيها ما كان بيكفيه ليوم 7 فى الشهر
وجه بلد عربيه يدور على شغل
وربنا ما وفقه فى الاول لغايه ما اتدين وماشى فى شارع فى ابو ظبى مش عارف يروح فين
ولا حتى معاه ثمن تذكره السفر
بس الحمد لله لقى كرامته فى بلد مضحات فيها
بس ايه الاولى ان يرد للراجل دهى كرامته
بس ايه المشكله
اكيد هى نفس مشكله اى حاجه فى مصر سواء تحرش ولا رب عيله بيقتل ولاده علشان مش لاقى ياكلهم
ولا بنات بتمشى عريانه ولا ايه ولا يه
حاجات كتير
يالا ربنا المستعان

DR.HAMAS يقول...

بجد كلام صحيح و ممتاز

فعلا على بلاطة




شكرا للتعريفات القيمة




د.حماس

غير معرف يقول...

اخي على بلاطة
احييك على هذه الكلمات المهمة
فعلا انت انت قلت كل حاجة على بلاطة
تحياتي لك

smraa alnil يقول...

حلوة التعريفات دي

بس علي الله اللي كدة يتعظ

Unknown يقول...

بوست جميل جدا

تحياتي

Rosie يقول...

حلوة فكرة التعريفات بأسلوب شعرى..
عجبنى بالذات آخر تعريفين

Moamen Reda يقول...

رائع ...متاز

Moamen Reda يقول...

رائع ...متاز

مفكر يقول...

رائع جداً..تحياتي..أتمنى اشوفك من تاني في مدونتي...

مفكر يقول...

رائع يا اخي...

شرفتني بمرورك على مدونتي اتمنى اشوفك تاني لاحقاً...وإن شاء الله أزورك باستمرار...........

مفكر يقول...

آه..انت عامل اشراف...وانا بقول برضه..

FREE EGYPT يقول...

فلتسمح لى بهذه المساحة الإعلانية

اذا أردت ان تكتشف من وراء مقتل سعاد حسنى ، فالاجابة لدى فى المدونة

سري للغاية
www.toptop-secret.blogspot.com

GiGi world يقول...

قاموس تمام بجد
ربنا يكرمك على الحكمه دى ربنا يعزك يارب

أحــوال الهـوي يقول...

شكرا لزيارتك
و كنت اتمني ان اري نقدك بما انت شاعر اريب


تحياتي

القاموس يعكس ملكة التأمل التي تتمتع بها و نستشف ملامح فيلسوف صاحب رؤيه

إيمان قنديل يقول...

حلوه تعريفات القاموس دي اوحت لي بعمل بوست