الجمعة، 6 مارس 2009

محاكمة البشير اهانة ....وضياع العدالة اهانة اكبر

قادتنا العظام اصحاب الصولجان مطلوبين تحــــرى
دنيا غريبة وتصرفات عجيبةواحوال غريبة تورى
اخرة الاعوجاج واهانة الشعوب والارتجاج والتعـرى
ظلمونا كتير وعاملونا زى الحمير وفتيات التســرى
وبمحكمتهم تتكرر اهانتنا ومع ذلك نتمنى لهم التبرى
رغم ما عملوه فينا بيصعبوا علينا ياغلــــــبى
واتمــــنى انقاذهم من بحور سيئاتهم وارمى لهم هلبى
الاول شنق والتانى بالاغتصاب غرق وده بيمزق قلبى
والتالت فى محكمة الحريرى مش فالت ومصيرة هيلــبى
ودايرة دوارة من افعال الهواره اللى ظلموا العربى

هناك 7 تعليقات:

الفراشة الصغيرة يقول...

كل شىءوله اخر

Tarkieb يقول...

أفتكر ان لما الواحد من الاول يحط دماغه في الرمل ويقول انه مش معترف بالمحكمة دي اصلا ويسيب ناس تقدم معلومات مغلوطة وتصطاد في الماء العكر وبدل من كدة يروح يعمل نفسه عنتر على قفي غزا ويعمل نفسه ابو عرام تبقى دي المهزلة... وبعدين اللي بيخاف من الدح ما يقولش اح... مين اللي عمل المزابح دي في دارفور مش جماعاته العنصرية اللي كانت بتعمل تطهير عرقي وعلى سمع من الحكومة... وبعدين انت زعلانة ليه هو مش خرج امبارح ومسك العصايا ومش قدامه شوية نسوان واطفال زي ايام غزة .. خلاص كدة كل سنة وانت طيبة هو كدة انتصر وكل حكم وانت طيب وسلملي ع الحكم

حسن حنفى يقول...

نفسي اعرف اشمعني البشير

يعني هو بس اللي ظالم

كتير من الحكام اوحش منه

مسلمين وغير

موجابي ده مثلا عندهم واحد حلو ؟

kochia يقول...

طبعا اهانة
ايا كان .. وكيفما عمل وصنع
لكن نحن في نظرهم ربما غير مؤهلين لنحكم انفسنا .. او ربما يفعلون ذلك كي لا نسطيع ابدا حكم انفسنا
ربما ...

صفــــاء يقول...

أهانه لمين؟
محاكمه واحد زى البشير فيها اهانه لمين ؟
مدام أحنا أستمرئنا الاستعباد
يبقى لما ربنا يسلط عليهم ناس أظلم منهم يجروهم من رقابهم
حلال عليهم

سلوى يقول...

ربنا موجود

حياتى نغم يقول...

السلام عليكم / الأستاذ الفاضل أشكرك على مرورك الكريم والشعر الجميل ، تدوينة طيبة وحسبنا الله ونعم الوكيل نعم المولى ونعم النصير ، لكل ظالم نهاية ، دمت بكل خير .