مصر فى دمى

لاتبكى على بلدى مصر فى فى دمى باقية
ومن يســـــرقها فهو مجرد تور فى ساقية
نفسه يتقطع وهيروح فى ستين داهيـــــــــه
وتأملوا التاريخ ماذا فعل مع ابناء الجاريه
من مماليك طغوا وظلموا واعدمونا العافية
بقينا وانتهوا نهاية سوده مثل اعمالهم الباليه
وعودوا لرشدكم وعزوها فهى تستحق وغالية
كام حنون قلبها طيب وهى رحيمة حانيـــــة
لا تستحق منكم المرمطة والهجمات العاتية
والتصرفات الحمقاء الشرسة والســــــادية

حقوقنا وما الت اليه

اهواه من حالنا وما وصلنا اليه يا حــــــسرة
فلم تعد لنا حقوق ولا حصلنا حقوق الاسرى
الكل يلطش فينا بدون سبب يمــــــنه ويسرى
سواء فى العمل او الشارع اوحتى فى الاسرة
وبنعمل اكتر من المعمول فينا وفى كل اراضينا
ده باين عليه عهد اخدناه من الناس اللى قبلـــينا
ربنا يسامحنا ويسامحهم ويسامح كل اللى زيينا
ويشفينا من هذا المرض المنتشر فى كل وادينا

الوصاية على الاخرين

اسوأ ما فينا محاربة الاخــرين وقلة الرعاية
وهذا السوء مغلف بغلاف سميك من الوصايه
وشوف بقى لما تنبل يتحكم فيك من البدايـــــه
ويحاول يربيك بمعرفته وحماقته وهو عديم الربايه
ويحاكمك على ظنون فى خياله باكتر من روايه
وتقوله كلامك غلط عكس كل الدنيا واللى جوايه
والناس غير كده ومن فضلك ارفع عنى العبايه
وانت حر فى حياتك لكن ليه تطحنا بالرحاية

لو عايز عدل اوزن بره

محتاجين نتــــــــحرق بجاز وسخ للضرر والمضرة
علشان نتطهر وننضــــــــف ولا نتوسخ تانى مـــره
طالما الحق لم يحق والعدل اتبدل وصار تجربه مره
والباطل صار مسيطر على العقل والقلب والسرة
ولعلع بفساده وعناده وظلمه للحـــــــــر والحـــرة
لان اليومين دول يومين الظالم والبلطجى والجره
ومن يطلب العدل ميزاننا عطلان يروح يوزن بره
هيلاقى بعيد عنا العدل والمساواة والفرح والمسرة

التطرف وتعاملنا معه

بنتعامل مع التطرف على انه شىء معدوم الوجـــود
مع انه موجود بالاساس فى كل الازمنة والعـــــهود
ولا اقصد التطرف السلبىمنه حتى الايجابى موجود
فالتطرف فى الحنان اخر جنان يفسد اى مولـــــود
ووطننا ابتلى بالمتطرفين وصار بالتطرف موعــود
فمتطرف فى الجهالة ادمن الرجــــعية والركـــود
وشبيهه فى الغباء صار وباء وله نفـــــــس الردود
ونظيره فى الحماقة بدون لياقة صار عنوان للجحود
ومتطرفى التمييز اصحاب مبدأ التحييز ووضع السدود
اما المتطرف الدينى اه يا عينى فاق كل الحــــــدود

السعادة.......السلطة

السعادة لمن يطلبها
==========
السعادة رغبة بقوة عــــزم وارادة/
ورضا وتوافــــق بطريـــــقة جادة/
واداء دور تريدة باتقـــان واجادة/
حتى يتحقق للانسان غايته ومراده/
ولا ينتظر لا نتيجـــــــــة ولا اشادة
==================
السلطة
============
السلطةفى يد الغشيم سيف وبلطة/
وفى يد الجاهلعبث ودجل واونطة/
لكن هى عدالةوحقوق وفهم وحنكة/
وتفاهم وحسن اختيار منى ومنك/
ودفاع من الوطن عنى وعنك

من انا

انا انسان تفحم بدون ذنب منى تحمص واتحرق
وصارت ابخرة حريقى سطورتبكى على ورق
بعد ما نزفت دمى نزيفا كافراز الجسم للعرق
انا البرىء الذى بلا حكم محكمة تعذب واتشنق
او قل البنك الذى افلس بعد ما نهب واتسرق
انا المظلوم فى ثوب الظالم ادخـــــل وزرق
والمصدوم فى حياتى حتى مماتى قسم وانفلق
انا المعلوم فى سجون المجهول سجن بلا قلق
من ناس معدومى الضمير فشر الاوغاد والشلق

من انا

الفساد والغطاء الاجتماعى

بنرفضه بالكلام ولكن نعطيه الغطاء الاجتماعى
بالتقبل والــتبرير والسكوت والاحتضان الاواعى
ونرعاه ونحافظ عليه كما يحافظ على غنمه الراعى
وطول ما هو بعيد عنا نتسلى بالرفض الايقاعـــى
وعندما يطولنا نصرخ ونولول ونشكو باستمتاعــى
بدون محاربته بجد ومحاصرته وبذل الجهد والمساعى
وبذلك نصير مفسدين وفاسدين طول الوقت والسواعى
وان اظهرنا غير كده مجرد كلام فى كلام ونظم ابداعى

السكوت علامة القهر......تسفيه اى رأى

مين قال يا ناس ان السكوت علامة الرضا
فالقهر بيعطى تقبل مؤقت للظلم والعدا
ولكن فى انتظار الفرج الذى سوف يأتى غدا
وبمرور الوقت يصير للقهروالظلم وجوه متعدده
فلا تلونوه بلون الرضا بالنفاق بلون الرضا
فيا ايتها القوى الباغية الظالمة المتشردة
حتما ستلاقى بواقى نفوس رافضة ابية متمردة
تكشف عن انياب واظافرفى وجوه باسمة متوردة
==================================
اخترنا تسفية اى راى غير رأينا
حتى لو كان الافضل والله ولا يهمنا
فيجب ان تكون الاراء متوافقة مع عمنا
مش مهم التعطيل والتخريب لعقولنا وارضنا
المهم لا رأى يخالف اويتصادم مع عرفــــنا
ورأينا معروف اهوج ومتخلف مية مليون سنه
لكنه صالح للحريق مع القوالح للعقول المدمنة
ونتيجته معروفةومكشوفة وريحته لامؤاخذة معفنة

متعلمنا جاهل

بنحفظ ولادنا من غير ما نفهمهم والنتيجة متعلمنا جاهل
وغيرنا بيفهم ولاده وموقعه فوق القمة متربع وهو يستاهل
فامامهم الكون مفتوح وفى خدمتهم كل المنابــع والمناهل
واحنا ضيقناها وقفلناها ودربكناها على العقل والكاهل
وعقدنا وعقربنا وكلكعنا كل ما هو سلس وهين وطيب وساهل
وذرعنا الالغام بدل الانغام فى الصحرا والوادى والــاحل
وسممنا كل حلو من الفاكهة لقصب السكر حتى عسل المناحــل
وتيجى دلوقتى وعايز تـتقدم بعد ما سبقنا العالم بمراحــل

احرص على التعلم

احرص على التعلم من كل الناس حتى الســـــيئين منهم
فبســــوئهم تكره الســـــوء وتبتعد بعيــدا عنهم
الافاقين رافعين شعار الشــــــرف وهتلاقى القرف منهم
الذين يدقوا الاوتاد فى طريق العباد وده عمل يشينهم
وبيدينوا كل الناس ومش لاقـــيين حد يرجعهم ويدينهم
وتعلم من الطيبين الخيرين كل ما يجملــــــهم ويزينهم
على قدر المستطاع تكون واحد ماشى على دليلهــــــم
وتكون عامل مساعد وواخد بيد ضعيفهــــــم وعليلهم
وتعلم من غير هؤلاء الاعتدال والبساطة وخليك فى ديلهم
واجعل التعلم والتعليم اسلوب حياة لان الجهلة ياويلهم
وتكون بقعة ضوء تنير ظلام ايامهـــــــم وليلهـــــم

نفرا منا لبس لباس القومية الطاهروتبولوا للآسف فيه
فتوطنت الرائحةالكريهةاماالرائحة الطيبةهجرت اراضيه
وبأسمها جلبنا كل ما يضر وقتلنا كل حر وما يطلبه ويبتغيه
وصارت القومية طائفة وما خارج منها نرفضه بشدة ونلغــية
فوضعنا اساس الطائفية المـــتين ولنحفظه من كل سوء وونجيه
وعشنا خارج اطار الزمن وانفردنا بالتخلف لنعتز به ونربيه
ووزعناه بيننا بالعدل لشدة ضرره وتأثيره المميت وما يخبيه
اما العدل والمساواة فتعيش انت وهذا اختيارنا وهذا ما نرتضية

ليه تعاهدنا على السمع والطاعه؟؟؟؟

ليه يا سادة تعاهدنا على السمع والطاعه؟؟؟
للحفاظ على الجهل والتخلف والغلاسة والنطاعة
والكذب بكل اخلاص وصدق وحرفنة وبراعــــــة
والعمل بقوة وجدية فى الهيافة والاضاعـــــــة
ومحاربة الابداع ونشر الصراع بما يضعـف المناعة
وقتل الوقت وزرع المقت والكره والنفوس الملتاعة
والتقهقر للوراء وان مشينا نكون فى منتهى اللكاعة
ونشر الفحش وارتكاب الجرائم بكل الخســـة والشناعة

الله يعطى ويأخد

كلنا نفرح ونــسر بالانجـــاب والميلاد
ونحزن للمـــوت والفراق والاســـترداد
مع ان الحياة امــانة من الله للعباد
يستردها فى حينها حين يحـــين والميعاد
ولحبنا لحبايبنا نحزن للفراق والابتعاد
وهذا شعور انسانى طيب و جميل لمن اراد
ولكن فى حدود الشكر والرضا والاستحماد
فالله يعطى وياخد وبمنتهى الحب والوداد
جل شانه صاحب هذا الحق وهذا الانفراد
=================
ناجح يوسف فهمى

المثل الاعلى

كل واحد يقتدى بمثله الاعلى وبصفاتـــه
فان كان جميل تجمل بحسب جماله ووصفــــاته
وان كان قبيح تقبح والجمال تركــه زفاته
وان كان كذوب كذب ولا تنتهى كذبـــــاته
وان كان قاتل مارس القتــــل طول حياته
وان كان محب حب الاخرين وعرف بهدوئه وثباته
وان كان امين صار امينا فى كل خطـــــواته
وان كان لصا صارت اللصوصية اغلى امنياتـه

رمزنا والتميمة

اخترعنا الصفر وللاسف واتخذناه رمزا وتميمة
وتمسكنا بكل ما هو تافه وذات نفـــس لئيمة
وحاربنا كل جديد وحافظنا على خرافاتنا القديمة
ورفعنا كل واطى ووطينا كل عالى القدر والقيمة
وكلما مشينا خطوة تراجعنا كما تراجعت ريمة

شعوب وشعوب

فيه شــعوب بتعيش حياتها
وشعوب اخرى بتعيش مواتها
ولما تصحى تلاقى كل شى فاتها
لاعملت ولا هتعمل على نجاتـها
وترمى بلاويها على شماعاتها
تصنع الاستحمار على عتباتها
وما اكتر الخرافات فى رواياتها
وتربى فقرها ودى اهم علاماتها

مصر ام الدنيا

من لايقف لمصر ام الدنـــــيا احتراما وادبا واجلال
على ما قدمته من تضحيات يعـــــانى حتما من اختلال
ولا يستحق ابدا التفاتا ويحتـــــاج لعلاج من اعتلال
فمصر قدمت دما يمـلآ انهارا تدفقت كما يتدفق الشلال
والحمقى من ناقديها كانوا يصطادون غزلان التــــلال
ويقامرون فى مونت كارلو بمنتهى الـــــــفه والانحلال
ودوما لا يزايدون على الاحرار الا محبــــــى الاحتلال
ولا يعرفون ضرر المزايدات من خطــــــــر ووبــال
على الامة والمصالح العليا والمقدسات من شوية عيال
ومصر سائرة فى طريقها وخليك فى الطبل يا طبال
=========================
ناجح يوسف فهمى

الارنب ينصح الحمار ويواسيه

قال الارنب للحمار بصوت هادى غير انفعالى
مش بس انت المتخشب صاحب الصوت العالــى
فالبغل احمـــر منـك وتفكيره متخلف وبالى
وانا باربع مثــلك ولكن تفكيرى غير ارتجالى
ومهما استحمرت مش هتقدر تغير الحق بالتالى
فالحـــق من السماء وهينتصرعلى التوالى
والاستحماروالغباء والتخلف هيهزمان قبالى
فاعقل وفكر ودبر امورك يا خليقة الله يا غالى